Þrennt á slysadeild eftir árekstur

Þrír voru fluttir á slysadeild Landsspítalans eftir harðan árekstur tveggja bíla á mótum Þrengslavegar og Suðurlandsvegar í gærkvöldi. Enginn er þó lífshættulega slasaður. Vegna skyndilegrar hálku rann bíll af Þrengslavegi inn á Suðurlandsveg í veg fyrir bíl þar. Skömmu síðar var bíl ekið aftan á annan bíl í brekkunni fyrir ofan við Litlu kaffistofuna með þeim afleiðingum að einn maður slasaðist þar. Þar var líka fljúgandi hálka. Hins vegar sluppu allir ómeiddir úr bíl sem valt í gærkvöldi norður í Víðidal eftir að hálka hafði myndast óvænt á veginum þar.