Kjartan Gunnarsson sæti eignarnámi

Gunnar Eydal borgarlögmaður telur fullreynt að ná samningum við Kjartan Gunnarsson, framkvæmdastjóra Sjálfstæðisflokksins, um kaup 4 hektara spildu á Norðlingaholti og vill að borgin taki landið eignarnámi. Lokatilboð borgarlögmanns var 50 milljónir króna en Kjartan vill 133 milljónir. Kjartan segir sér mismunað og að borgin beiti hann afli. "Ég tel að ég hafi allt frá upphafi þessa máls, þegar fyrst var farið fram á að fá land undir hringtorgið sem gert hefur verið við þessi lönd í Norðlingaholti, sýnt Reykjavíkurborg alveg einstaka tillitssemi og velvilja og jafnan brugðist vel við öllum hugmyndum um hvort heldur afhendingu lands fyrir veginn svo og heimild til framkvæmda á landinu," segir Kjartan í bréfi til borgarlögmanns. Nánar í DV í dag.