Crespo með þrennu í sigri Milan

Argentínumaðurinn Hernan Crespo skorað þrennu er AC Milan vann stórsigur á Lecce 5-2, en í dag byrjaði ítalska deildin aftur eftir vetrarfrí. Þrenna Crespo og mark frá Andriy Shevchenko komu Milan í 4-0 áður en Alessandro Nesta var rekinn af velli. Lecce reyndu að nýta sér liðsmuninn og minnkuðu muninn í 4-2 áður en Daninn Jon Dahl Tomasson gulltryggði sigurinn. Á sama tíma náðu helstu keppinautar Milan, Juventus, aðeins jafntefli gegn Parma á útivelli. Zlatan Ibrahimovic kom þó gestunum yfir um miðjan síðari hálfleik, en Marco Marchionni jafnaði fimm mínútum fyrir leikslok og því spennan á toppnum í algleymingi. Önnur úrslit í dag: Atalanta 1-0 Fiorentina Brescia 1-1 Bologna Cagliari 2-1 Messina Chievo Verona 1-3 Siena Livorno 0-2 Inter Milan Reggina 1-0 Palermo Sampdoria 2-0 Udinese Í kvöld fer fram stórleikur í Rómaborg er erkifjendurnir Lazio og Roma mætast á Stadio Olimpico.