Kíl, Nordhorn og Goppingen áfram

Kíl, Nordhorn og Goppingen komust í gær í undanúrslit í þýsku bikarkeppninni í handknattleik. Kíl sigraði Lemgo, 33-30. Logi Geirsson skoraði 3 mörk fyrir Lemgo. Einar Örn Jónsson skoraði eitt mark fyrir Wallau Massenheim sem steinlá fyrir Nordhorn, 44-27. Goppingen vann Hildesheim sem leikur í 2. deild, 33-29. Jaliesky Garcia skoraði 7 mörk fyrir Goppingen. Ólafur Stefánsson skoraði 8 mörk þegar Ciudad Real burstaði Valencia, 36-20, á útivelli í spænsku fyrstu deildinni. Ciudad í þriðja sæti í deildinni með 29 stig. Í Danmörku sigraði Skjern Silkiborg, 28-27, í dönsku úrvalsdeildinni. Jón Þorbjörn Jóhannsson skoraði 3 mörk fyrir Skjern og Ragnar Óskarsson skoraði 2. Hrafnhildur Skúladóttir skoraði eitt mark þegar SK Århus beið lægri hlut fyrir FCK Kaupmannahöfn, 37-20, í úrvalsdeild kvenna.