Sikileyjarpasta

Hollusta matarmenningarinnar við Miðjarðarhaf er margrómuð. Þessi réttur er innblásinn af þeirri hefð. Hér er gott gert betra og ennþá hollara með því að notast við spelt spaghetti og rómverskt kál, sem gerir réttinn fyllri og fjölbreyttari. Magnifico!

1 pakki spelt spaghetti kr. 336

4 msk. ólífuolía

2 lárviðarlauf

8 hvítlauksgeirar

1 dós ansjósur kr. 200

2 dósir niðursoðnir tómatar kr. 150

um 12 steinlausar svartar ólífur

1 höfuð rómverskt kál kr. 160

Sjávarsalt

Sjóðið spaghettiið. Setjið hvítlauk, ansjósur, lárviðarlauf og olíu saman í matvinnsluvél eða mortél og maukið vel. Setjið maukið svo á stóra pönnu og bætið tómötunum við. Látið krauma í 20 mínútur. Setjið heitt pastað á djúpann disk, hellið sósunni yfir og stráið kálinu í kring. Ólífum og sjávarsalti er svo sáldrað yfir.

Kostnaður um 850 kr.