Myrti a.m.k. 19 manns

Lögregla í Suður-Kóreu hefur handtekið 34 ára gamlan mann sem grunaður er um að hafa myrt að minnsta kosti 19 manns og yrði, ef rétt reynist, mesti raðmorðingi í sögu landsins. Lögreglan segir rökstuddan grun um að hann hafi myrt 15 manns á innan við ári, aðallega konur, en einnig roskið fólk í hverfi velstæðs fólks í höfuðborginni. Hún segir hinn grunaða hafa játað sekt sína og að hann virðist hafa verið rekinn áfram af stjórnlausu hatri á konum og ríkidæmi. Það hatur magnaðist um allan helming í kjölfar skilnaðar mannsins og eiginkonu hans.