Kerry í hafnabolta

John Kerry, forsetaframbjóðandi demókrata í Bandaríkjunu, kastaði fyrsta boltanum í hafnaboltaleik Boston Red Sox og New York Yankess sem fram fór í Boston í gær. Kerry er í Boston vegna flokksþings demókrata sem hefst í dag. Sá sem tók við boltanum var hermaður sem hefur tekið þátt í stríðinu í Afganistan. Meðal þeirra sem taka til máls á þinginu í dag eru fyrrverandi forsetarnir Bill Clinton og Jimmy Carter, fyrrverandi varaforseti Al Gore og þingmaður New York og fyrrverandi forsetafrú Hillary Clinton. Á fimmtudaginn tekur John Kerry síðan með formlegum hætti við útnefningu sem forsetaframbjóðandi demókrata Hægt er að horfa á fréttina úr morgunsjónvarpi Stöðvar 2 með því að smella á hlekkinn hér að neðan.