Miðasala á 50 Cent að hefjast

Miðasala á stærstu hipphoppveislu sem haldin hefur verið á Íslandi hefst á föstudaginn. Bandaríski rapparinn 50 Cent og krú hans G-Unit halda tónleika í Egilshöll þann 11. ágúst ásamt Quarashi, XXX Rottweiler, Geno Sydal, HuXun, Dj Rampage og O.N.E. Fleiri óvæntir gestir verða tilkynntir síðar. Með 50 Cent í G-Unit eru rappararnir Lloyd Banks og Young Buck en báðir að gefa út sínar fyrstu sólóplötur í sumar. Smáskífa Lloyd Banks, On Fire, rýkur nú upp vinsældalistana í Bandaríkjunum. Í kjölfar tónleikanna tileinkaði sjónvarpsstöðin Popptívi heilli helgi í tónlist 50 Cent og G-Unit hópsins. Einnig voru sýndar heimildarmyndir frá gerð myndbanda og viðtöl við kappana voru birt. Miðarnir fara sem áður segir í sölu á föstudag í verslunum Skífunnar og BT á Akureyri og Egilsstöðum. Miðaverð er 6.500 krónur á VIP-svæðið sem er alveg upp við sviðið. 4000 manns verður hleypt þangað inn. Á almenna svæðið kostar 5.500 krónur.