Ódæðisverk í Kashmír

Þrítug indversk húsmóðir var hálshöggvin í indverska hluta Kasmír héraðs í gær. Morðið hefur vakið mikinn óhug í héraðinu en fyrr í vikunni var karlmaður afhöfðaður ásamt tveimur börnum sínum. Höfuð konunnar fannst hangandi í tré en henni var rænt fyrir mánuði síðan. Lík hennar hefur ekki fundist. Indverjar gerðu vopnahlé í október síðastliðnum og vonuðust margir til þess að það myndi verða til þess að árásum á óbreytta borgara myndi linna. Síðan í ársbyrjun hafa 300 óbreyttir borgarar verið vegnir, sem er 25 prósenta aukning miðað við sama tíma í fyrra.