Fangar njóti mannréttinda

Tveir af hverjum þremur Bandaríkjamönnum telja að Bandaríkin eigi aldrei að beita fanga líkamlegum misþyrmingum eða pyntingum samkvæmt nýrri skoðanakönnun. Rúmur helmingur telur að ekki megi heldur beita fanga andlegu ofbeldi. Skoðanakönnunin tekur til nokkurra atriða þar sem Bandaríkin hafa verið sökuð um að brjóta gegn mannréttindum fanga. Fjórir af hverjum fimm styðja rétt fanga til að réttað verði í máli þeirra, álíka margir töldu fanga eiga rétt á að hafa samband við fjölskyldu sína og níu af hverjum tíu vilja að Rauði krossinn geti heimsótt fangelsi og athugað aðstæður fanga.