Ný kenning um svarthol

Eðlisfræðingurinn og stærðfræðingurinn Stephen Hawking hefur sett fram nýja kenningu um svarthol. Ólíkt því sem talið hefur verið fram að þess heldur hann því fram að svarthol gleypi ekki allt sem nálægt því kemur, heldur geti gefið frá sér efni og massa í breyttu formi. Hawking kynnti kenningu sína í gær á alþjóðlegri ráðstefnu í Dublin á Írlandi. Kenningin gengur út á það að svartholið gefi frá sér orku þegar það leysist upp, en þetta er þvert á það sem Hawking sjálfur trúði lengi, en hann taldi að inn í svartholinu sjálfu væri samhliða alheimur. Hawking bað aðdáendur vísindaskáldskapar afsökunar á að hafa gert vonir þeirra að engu með kenningu sinni. Hann er lamaður og bundinn við hjólastól, en er frumkvöðull á sviði rannsókna á svartholum og öðlaðist heimsfrægð á sínum tíma fyrir bókina "Saga tímans" eða "Brief History of time". Hann er prófessor í stærðfræði við Cambridge-háskóla.