Háir bílaskattar úreltir

Háir bílaskattar í Danmörku eru úrelt fyrirbæri segir skattasérfræðingurinn Flemming Lind Johansen í samtali við dagblaðið Politiken í dag. Hann bendir á að sum ákvæði laga þessa efnis hafi staðið óbreytt frá 1924 og því sé löngu orðið tímabært að endurskoða þau. Bílaskattar í Danmörku eru þeir hæstu í Evrópu og er algengt að Danir leiti eftir ódýrari bílum frá Þýskalandi. Ole Björn, prófessor við háskólann í Suður-Danmörku, tekur undir þetta og segir hið opinbera skófla inn peningum með háum bílasköttum.