Börnin jarðsett í dag

Börnin níutíu sem létust þegar eldur braust út í skólabyggingu í suðurhluta Indlands í gær verða jarðsett í dag. Flest þeirra sem létust, 43 stúlkur og 45 drengir, voru á aldrinum sex til tíu ára. Þrjátíu önnur eru stórslösuð. Öryggismál í skólum á Indlandi eru víða í lamasessi og skóli þessarra barna var þar engin undantekning. Mörg þeirra sátu föst inni í skólastofunum eða á göngum meðan eldurinn læsti sig um bygginguna. Þá urðu mörg þeirra undir þaki skólans sem féll saman. Grunur leikur á að eldurinn hafi kviknað út frá opinni eldstó. Fimm hafa verð handteknir vegna málsins, þeirra á meðal skólastjórinn, en athygli vekur að engum starfsmönnum skólans varð meint af í brunanum.