Rannsókn á rafmagnsleysinu

Saksóknari á Grikklandi hefur hafið rannsókn á allsherjar rafmagnsleysi sem varð í höfuðborginni Aþenu í gær og á stóru svæði í suðurhluta landsins. Rafmagn fór af í nokkra klukkutíma sem gerði m.a. að verkum að hundruð manna festust í lyftum og lestarsamgöngur stöðvuðust. Ríkisstjórn Grikklands hefur skipað nefnd til að fara yfir atvikið en fullvissar fólk um að nægt rafmagn verði til staðar í landinu í ágúst þegar Ólympíuleikarnir fara þar fram. Yfirvöld og orkuveita skipast á skotum um hverjum sé um að kenna en þetta er víðtækasta rafmagnsleysi í landinu í áratug.