Eldheitt S&M myndband á Netinu

Leikkonan fagra Cameron Diaz stendur í leiðindarmáli þessa dagana þar sem sjóðheitt myndband, sem tekið var af henni þegar hún var 19 ára óþekkt leikkona, er komið á internetið. Myndbandið, She is No Angel, sýnir Diaz klædda leðri og netasokkabuxum. Leikkonan sést draga á eftir sér mann í hundaól auk þess sem hún slær hann á afturendann með svipu. Einnig sést hún ganga um ber að ofan og spreyja á sér brjóstin með spreybrúsa um leið og hún segir hlæjandi: Vá, sjáðu hvað þau eru stór! Ljósmyndarinn John Rutter tók myndbandið upp á sínum tíma en Cameron hefur sakað hann um að kúga út úr sér milljónir gegn því að hann haldi myndbandinu út af fyrir sig. Hún segir að hann hafi hótað að selja myndbandið nema hún borgi fimm milljónir dollara og hafi hann dreift því á netinu. Þrátt fyrir að hafa verið handtekinn hefur hann farið í mál við Diaz þar sem hann sakar hana um svik og brot á samningum og krefst þess að hún borgi honum 10 milljónir í skaðabætur. Leikkonan hefur gert allt sem í hennar valdi stendur til að stoppa sýninguna myndbandsins en hún og Rutter hafa oft áður farið í hár saman vegna mynda og annarra myndbanda sem hann tók af henni þegar hún var að reyna að slá í gegn í Hollywood. Sérfræðingar þar í bæ segja að stærri skandall hafi ekki komið upp í langan tíma. "Það er ekki á hverjum degi sem hægt er að sjá eina frægustu stjörnuna í slíkum aðstæðum," segja þeir og bæta við að myndbandið sé afar kynþokkafullt.