Jennifer Lopez kann ekki að leika

Kvikmyndarisinn Miramax hefur ákveðið að Jennifer Lopez fái ekki fleiri hlutverk í þeirra myndum. Sýningu nýjustu myndar hennar Shall We Dance hefur verið frestað um ókominn tíma eftir að hafa fengið ömurlega dóma prufu áhorfenda. Framleiðendurnir höfðu vonast til að myndin yrði stærsti smellurinn í sumar en eftir að hafa reynt að klippa hana alla til hafa þeir gefist upp. Leiklistarferill J-Lo gæti ekki verið á hraðari niðurleið og hún hefur verið harkalega gagngrýnd fyrir heimskulegt hlutverkaval sitt. En ef valið væri það eina sem spilaði inn í lélega sölu bíómiða gæti söngkonan ef til vill bjargað málunum en eins og sérfræðingar í Hollywood hafa bent á að það sé ekki eina vandamálið - J-Lo getur einfaldlega ekki leikið. Menn voru vongóðir þegar spennumyndin Enough kom út en myndin skítféll. Sömu leið fóru myndirnar Maid in Manhattan, Gigli og Jersey Girl. Líklega hefur Jennifer þó aldrei fengið jafn mikla gagngrýni og fyrir myndina Gigli en þar lék hún á móti fyrrum kærasta sínum Ben Affleck. Í myndinni Shall We Dance leikur Jennifer á móti Richard Gere og voru prufu áhorfendurnir sérstaklega spældir yfir því hversu greinilega þeim tveimur tókst ekki að mynda ákveðna stemmingu á milli sín sem er nauðsynleg í svona myndum.