Brando brenndur

Jarðneskar leifar Marlons Brando voru brenndar í kyrrþey á mánudaginn að sögn lögfræðings leikarans látna. Lögfræðingurinn sagðist að öðru leyti ekki vita neitt frekar um bálförina og sagðist ekki vita til þess að nein minningarathöfn væri ráðgerð. "Það eina sem ég get sagt er að allt sem gerist í framtíðinni er einkamál fjölskyldunnar." Brando lést af völdum lungnabilunar í UCLA Medical Center í Los Angeles og lögfræðingur hans hafnar öllum sögusögnum um að Brando hafi skilið eftir nákvæm fyrirmæli um það hvernig standa ætti að útför hans á segulbandi. "Ég veit ekki til þess að það sé neitt til í þessu," sagði lögfræðingurinn en ein sagan segir að Brando hafi viljað að nágranni sinn og vinur, Jack Nicholson, myndi stjórna kveðjuathöfn sinni.