Justin var aðeins æfing

Britney  Spears er sama um hvað öðrum finnst um ákvörðun hennar að giftast Kevin Federline eftir aðeins þriggja mánaða samband. Söngkonan var ástfangin af dansaranum eftir að haft kysst, að eigin sögn, marga froska. Hún segir nú að samband sitt við Justin Timberlake aðeins hafa verið æfingu fyrir raunverulegar tilfinningar sem að hennar mati er núna í spilinu. Hún segir samtali við tímaritið People hafa vitað það frá fyrstu sýn að Federline væri maðurinn fyrir hana og segist hún elska hann. "Ég er búin að kyssa helling af froskum og nú hef ég fundið prinsinn minn og hamingjusaman endi, við munum lifa hamingjusöm saman til æviloka. Hinir elskhugarnir mínir voru bara hvolpar og aðeins æfing fyrir hið raunverulega," segir Britney. Fyrirhuguð gifting Britneyar verður sú önnur í röðinni en hún giftist Jason Alexander í byrjun ársins. Það hjónaband endist þó aðeins í 55 klukkustundir.