Tekist á í máli Michael Jacksons

Lögmenn tónlistarmannsins Michael Jackson hafa nú beðið dómara í máli Jacksons að loka fjölmörgum tillögum í málinu. Þar á meðal vilja þeir henda út formlegu ákærunni á hendur poppstjörnunni. Einnig vilja þeir loka og halda leynilegum leitarheimildum og eiðfestum yfirlýsingum vitna og tónlistarmannsins. Tillaga varnarlögmannsins Robert Sanger segir að skjölin myndu leiða í ljós vitnisburð bæði vitna og hugsanlegra vitna og gætu sýnt fram á sönnunargögn í málinu sem ekki má heimila í réttarsalnum. Ted Boutros, lögmaður fréttasamtaka sem fjalla um málið, sagði hins vegar að ákæran gæti verið aðaltillagan í málinu. Hann hélt því fram að almenningur ætti rétt á að sjá þessi gögn. Ennfremur segir Boutros að alltof mikið af gögnum í málinu séu í felum og það skapi vítahring innan réttsins þar sem öll ný gögn eru einnig lokuð og læst. Dómarinn í málinu, Rodney S. Melville, hefur áður hafnað því að fleiri upplýsingar yrðu gerðar aðgengilegri fyrir almenning. Síðastliðinn föstudag hafnaði hann beiðni Boutros um að opna 47 leitarheimildir og ákæru hæstaréttar í heild sinni á hendur Jacksons. Melville vill halda þessum gögnum leyndum til að Jackson fái réttlát réttarhöld. Jackson, sem er nú 45 ára, hefur lýst sig saklausan af því að hafa haft í frammi ósiðlega tilburði við börn, veitt þeim áfengi og tekið þátt í samsæri um barnamisþyrmingar.