Rétt slapp við handtöku

Courtney Love mætti fimm tímum of seint þegar mál hennar átti að vera tekið fyrir í New York, dómaranum til lítillar ánægju. Ástæða réttarhaldanna er kæra á hendur Love fyrir líkamsárás á næturklúbbi í mars en hún kastaði hlóðnemastatífi í karlmann sem þar var staddur. Dómarinn, Melissa Jackson, sagði við söngkonuna að hún hefði naumlega komst hjá handtöku fyrir hegðunina. Hún sagðist einnig vilja gera Courtney það ljóst að henni væri gert að mæta á réttum tíma fyrir réttinn. "Um þig gilda sömu reglur og alla aðra," sagði dómarinn. Love var utan við sig í réttarsalnum og tók upp sígerettupakka meðan hún muldraði afsökunarorð að dómaranum. Ef söngkonan verður fundin sek gæti hún átt yfir höfði sér allt að árs fangelsi. Meðan á yfirheyrslum stóð var sönkonan beðin um að hafa hljóð en hún talaði stanslaust við annan handjárnaðan sakborning sem beið í röðinni. Handtökuskipun var gefin út fyrr á árinu á hendur Courtney af dómara í Californinu eftir að hún skrópaði í tveimur réttarhöldum í röð. Þau réttarhöld tengdust tveimur ólíkum málum, fíkniefnum og innbroti. Courtney hefur aflýst öllum tónleikum í sumar vegna vandræða hennar og viðskipta við dómskerfið.