Denise í Playboy og Charlie sáttur

Hin stórglæsilega móðir Denise Richards undirbýr sig nú fyrir að fækka fötum fyrir Playboy, einungis þremur mánuðum eftir að hún eignaðist sitt fyrsta barn. Og það sem meira er, eiginmaðurinn Charlie Sheen er hæstánægður með þetta allt saman. "Denise er í skýjunum yfir því að Playboy skuli hafa viljað fá hana til að sitja fyrir svo skömmu eftir fæðinguna," sagði vinur hennar við fjölmiðla. "Henni finnst sér mikill heiður sýndur. Denise segir líka að Charlie sé ekkert afbrýðissamur út af þessu. Í raun sé hann mjög stoltur af henni og ánægður með að hún vilji sýna öðrum karlmönnum fallegan líkama sinn." Denise er þó sögð hafa áhyggjur af því að ná af sér aukakílóunum í tæka tíð fyrir myndatökuna. Stefnt er að því að myndirnar af henni birtist í desemberhefti Playboy og þær þurfa að vera tilbúnar mörgum mánuðum fyrr. "Þessa dagana er hún í aðhaldi í mataræðinu og æfir eins og skepna svo hún líti sem best út fyrir framan myndavélina," sagði vinur hennar ennfremur. "Hún er með einkaþjálfara og fylgir ströngu mataræði. Hún er nú þegar komin í toppform. En það er ekki nógu gott fyrir Denise. Hún vill vera algerlega fullkomin þegar hún sýnir öllum heiminum líkamann á sér." Denise er 33 ára gömul og eignaðist fyrsta barn sitt með eiginmanninum, leikaranum Charlie Sheen, 9. mars síðastliðinn. Þau eignuðust dóttur sem skírð var Sam. "Það hafði alltaf verið draumur Denise að verða móðir. Hún ætlar til dæmis ekki að sýna allt á myndunum í Playboy af virðingu við dóttur sína og önnur börn sem hún kann að eignast. Denise segist fá að ráða því hvaða myndir af henni birtast í blaðinu af því hún vill að þetta verði fullkomið. Nú er hinn stóri draumurinn hennar að rætast. Hana hefur nefnilega alltaf líka dreymt um að birtast á síðum Playboy."