Aguilera opnar útsölu

Það ætlaði allt um koll að keyra þegar Christina Aguilera opnaði útsöluna í Harrods í gær. Mikill troðningur myndaðist þegar hundruðir aðdáenda og kaupglaðra Breta reyndi að berja Christinu augum. Hin 23 ára söngkona fetaði í fótspor Victoriu Beckham og Pierce Brosnan þegar hún klippti á borðann í versluninni. Christina klæddist hvítum kjól í anda Marilyn Monroe við opnuna og vakti kjóllinn verðskuldaða athygli. Inn í versluninni stoppaði hún til að máta hálsmen sem metið er á 37 þúsund pund en það er alsett demöntum. Christina gerði sér lítið fyrir og rölti með menið um verslunina. Mohamed Al Fayed, eigandi verslunarinnar, og Aguilera gengu hönd í hönd um verslunina eftir opnunina og skoðaði Christina forvitin allar útsöluvörurnar. Söngkonan bandaríska sem kom til opnunarinnar í opnum hestvagni sagðist þykja vænt um að fá tækifæri til að koma til London en hún var flutt til borgarinnar frá Kaliforníu í einkaflugfél og fékk 200 þúsund pund fyrir vikið.