Vinsælasta heimildamynd sögunnar

Vinsælasta kvikmyndin í Bandaríkjunum þessa helgina er heimildamynd Michaels Moores, Fahrenheit 9/11, en hún var frumsýnd vestanhafs fyrir helgi. Þrjár milljónir kvikmyndahúsagesta sáu myndina. Myndin er nú þegar sú heimildarmynd sem grætt hefur mest í sögu kvikmyndanna og sú fyrsta sem kemst á lista yfir fimm mest sóttu myndir helgina sem hún er frumsýnd. Gróðinn af Fahrenheit 9/11 um helgina var meiri heldur en gróðinn var af Pulp Fiction fyrstu helgina sem hún var sýnd.