Diaz í framhaldsmynd

Leikkonan Cameron Diaz ætlar að leika í framhaldi myndarinnar Starsky and Hutch. Ben Stiller, góðvinur Diaz síðan þau léku saman í There´s Something About Mary, lék Starsky í fyrri myndinni og vildi ólmur fá hana til að leika í framhaldinu. Þetta verður ekki í fyrsta sinn sem Diaz leikur í mynd sem byggð er á vinsælum sjónvarpsþætti, því hún hefur áður leikið í tveimur Charlie´s Angels-myndum. Þrátt fyrir að hafa tekið að sér þetta hlutverk ætlar Diaz að hafa hægt um sig á næstunni og eyða meiri tíma með kærasta sínum, popparanum Justin Timberlake.