Bílstjórar í verkfall

Hætta er á að samgöngur í Finnlandi verði í lamasessi í næstu viku. Frá því í síðustu viku hafa 1.300 rútubílstjórar sem keyra sunnan við Helsinki verið í verkfalli. Nú hafa vörubílstjórar, lestarstjórar og starfsmenn flugvalla sagst ætla í samúðarverkfall í næstu viku. Reiknað er með seinkunum á innanlands- og millilandaflugi, en Tero Palatsi aðstoðarforstjóri Finnair segist ekki reikna með að flug verði lagt niður. Rútubílstjórarnir eru með þessum aðgerðum að gagnrýna breytta stefnu fyrirtækjanna sem þeir starfa hjá, sérstaklega fjölgun hlutastarfa.