Blair sleppur með skrekkinn

Leiðtogi breska íhaldsflokksins segir Blair rúinn trausti og kröfum um afsögn hans er haldið á lofti. Stjórnmálaskýrendur telja þó að Blair sleppi með skrekkinn.Meðan Butler lávarður las niðurstöður sínar fóru fram hávær mótmæli fyrir utan gegn innrásinni í Írak og því sem mótmælendur kölluðu "hvítþvott" Butlers á ríkisstjórninni. Kröfur um afsögn eru farnar að heyrast, og stjórnarandstaðan segir Blair rúinn trausti. Michael Howard, leiðtogi Íhaldsflokksins, sagði í ræðu sinni málið snúast um trúverðugleika. Hann vonaði að Bretar dægjust ekki inn í annað stríð í framtíðinni, en spurði að því, ef til kæmi, hvort hægt yrði að trúa forsætisráðherranum. Peter Spencer stjórnmálaskýrandi virðist þó á því að Blair muni sleppa tiltölulega óskaddaður. Hann segir þetta klúður en ekki ráðabrugg. Það væri margt gott í skýrslunni og að Butler lávarður hefði bent á að ýmislegt hafi verið úrskeiðis. Niðurstaða Butlers sé þó sú að Blair hafi ekki reynt að blekkja neinn, það sé því ekki nein silfurkúla í þessari skýrslu sem gæti steypt honum af stóli