Helmingur vinnur hjá hinu opinbera

Nær helmingur vinnuafls á Grænlandi er í starfi hjá hinu opinbera. Þetta kemur fram í Hagtölum Grænlands sem grænlenska útvarpið (KNR) greindi frá. Samkvæmt tölunum, sem eru frá árinu 2002, starfa um 47,5 prósent Grænlendinga við opinbera stjórnsýslu og þjónustu. Hlutfallið jókst um nær 1 prósent frá fyrra ári. Starfsmenn fyrirtækja heimstjórnar Grænlands, eru ekki taldir með í tölum yfir opinbera starfsmenn. Næst mesta hlutfall starfsmanna vinnur hjá framleiðslufyrirtækjum. Þar er m.a. átt við fiskiðnaðinn, en þar starfa rúmlega 8% vinnuaflsins.