Neita öllum viðræðum

Norður-Kóreumenn segjast ekki til viðræðu um kjarnorkuáætlun sína fyrr en Suður-Kóreumenn hefðu sagt allan sannleikann um leynilegar tilraunir sínar með kjarnorku. Stefnt hafði verið að fundi sex ríkja í þessum mánuði þar sem fjalla átti um kjarnorkuvopnaáætlun norður-kóreskra stjórnvalda. Þetta er í uppnámi eftir að upp komst að Suður-Kóreustjórn hafði gert tilraunir með plútóníum fyrir rúmum tveimur áratugum og að hún hafði reynt að auðga úraníum fyrir tveimur árum. Stjórnvöld segjast ekki ætla að koma sér upp kjarnorkuvopnum.