NATO varar Serba við

Framkvæmdastjóri Atlantshafsbandalagsins, Jaap de Hoop Scheffer, segir yfirvöld í Serbíu/Svartfjallalandi verða að sýna vilja í verki og handtaka og framselja eftirlýsta stríðsglæpamenn vilji þau koma á traustum og góðum tengslum við NATO. Mjög er þrýst á Serba að handtaka og framselja Ratko Mladic, sem grunaður er um stríðsglæpi vegna aðildar sinnar að fjöldamorðunum í þorpinu Srebrenica í Bosníu árið 1995. Þar voru áttaþúsund múslimskir karlmenn og drengir teknir af lífi. Fimmtán aðrir Serbar eru eftirlýstir af Sameinuðu þjóðunum fyrir stríðsglæpi.