Ný kynslóð abstraktmálara

Ný kynslóð abstraktmálara gerir mikla lukku meðal listaelítunnar í Rússlandi þessa dagana. Verkin eru máluð af svínum, kráku, fíl, höfrungi og apa. Listrænn þjálfari dýranna hefur unnið með þeim í fimm ár og afrakstur þeirrar vinnu dregur að sér fjölda fólks. Umsjónarmaður dýranna er þess fullviss að þau séu meðvituð um listræna hæfileika sína og gefi ímyndunaraflinu lausan tauminn þegar þau fá pensil í hönd, munn eða gogg. Hægt er að sjá dýrin að verki með því að smella á hlekkinn sem fylgir fréttinni.