Prestssonur gekk berserksgang

Heimamenn á Reykhólum eru æfir út í Lögregluna á Patreksfirði vegna seinagangs um helgina þegar Benedikt Bragason, sonur prestsins á staðnum, skaut af haglabyssu á nokkur hús í bænum. Lögreglan mætti á svæðið um tíu tímum eftir að tilkynnt var um skothríðina. Benedikt var handtekinn í gær og fundust einar 170 kannabisplöntur á heimili hans í Reykjavík. "Það eru allir helvíti reiðir út af þessu," segir Björn Samúelsson vélstjóri sem býr á Reykhólum í samtali við DV. Heimamenn hringdu á lögregluna á Patreksfirði sem svaraði ekki kallinu fyrr en um tíu tímum síðar. DV fjallar um málið í dag.