Kúgaði stórfé út úr skólabróður

Ellefu ára fauti neyddi bekkjarfélaga sinn um nokkurra ára skeið til að láta sig hafa pening fyrir tölvuleikjum og sælgæti með hótunum um að beita hann barsmíðum ella. Þegar upp var staðið hafði sá sem lagður var í einelti afhent honum vel yfir hálfa milljón króna. Málið komst upp eftir að foreldrar drengsins komust að því að fé hafði verið tekið út af varasjóði þeirra sem átti ekki að hreyfa. Sonurinn hafði komist yfir bankakort og notað það til að taka út peninga. Einelti er mikið og útbreitt vandamál í Japan. Sífellt fleiri börn skrópa í skóla til að sleppa við eineltið.