Brúðkaupsafmæli á Wendys

Það fer ekki mikið fyrir flottheitunum þegar Edwardshjónin halda upp á brúðkaupsafmæli sín. Varaforsetaefni demókrata, John Edwards og kona hans halda bráðlega upp á 27. brúðkaupsafmæli sitt á skyndibitastaðnum Wendys. Þetta er orðin hefð hjá þeim hjónum frá því þau, á fyrsta ári sínu í búskap, stóðu í flutningum og létu sér nægja að grípa borgara á Wendys í stað rómantísks málsverðar á betri matsölustöðum bæjarins. Edwards var eitt sinn valinn kynþokkafyllsti stjórnmálamaður Bandaríkjanna af tímaritinu People. Kona hans segist þó ekki hafa heillast af útlitinu einu saman heldur af einstakri jákvæðni hans.