Dýr ólympíueldur

Ólympíukyndillinn er nú að ljúka ferð sinni um heiminn, fyrir setningu leikanna þrettánda ágúst. Hvar sem kyndillinn hefur komið hefur verið tekið á móti honum eins og þjóðhöfðingja. Bílalestar hafa ekið honum um miðborgir, öryggisgæslan hefur verið gríðarleg, og heil Boeing breiðþota var leigð til þess að flytja hann á milli landa. Kostnaðurinn? Tveir og hálfur milljarður króna. Þá leigði Alþjóða Ólympíuráðið tvær breiðþotur frá flugfélaginu Atlanta, til þess að flytja ólympíukyndilinn, um heimsbyggðina. Önnur þotan bar merki Ólympíuleikana, og flutti kyndilinn og föruneyti. Hin fylgdi á eftir, til vara. Heimsfrægir íþróttamenn hafa verið fengnir til þess að hlaupa með kyndilinn um höfuðborgir þeirra landa sem hafa verið heimsótt, og er heildarkostnaður við þetta allt, um tveir og hálfur milljarður króna.