Óttar Felix kýlir plötuverð niður

"Sonet ríður á vaðið og lækkar verð á nýjum hljómplötum niður í 1990 krónur frá og með 1. júlí," segir Óttar Felix Hauksson hjá Sonet útgáfunni. Helsta ástæðan fyrir lækkuninni segir Óttar vera allt of hátt plötuverð. "Þær hækkuðu síðast um tvö til þrjú hunduð krónur og það var í skjóli þess að dollarinn hafði hækkað. Síðan þá hefur hann lækkað niður í það sem áður var en verð á plötum hefur algjörlega staðið í stað. Öll stærstu plötufyrirtæki heimsins lækkuðu verð á hljómplötum í apríl en ekkert gerist hér á landi. Ég hef meira segja heyrt að það stefni í hækkanir." Óttar segist hafa tekið þá ákvörðun eftir að hafa rætt við hlutaðeigandi listamenn að lækka verðið til hagsbóta fyrir kaupendur og tónlistarunnendur. "Ég tel að með lægra verði muni salan aukast." Óttar segi plötusölu venjulega vera frekar dræma í upphafi árs en með hækkandi sól fari hún að glæðast verulega. "Í fyrra seldum við KK og Magga Eiríks í yfir 15 þúsund eintökum en hún var einmitt seld á þessu lága verði. Í sumar munu við gefa út stúdíóplötu með Mannakorni sem er sú fyrsta í yfir 10 ár, nýja plötu með Ólafi Hauki Símonarsyni og einnig hefur sumarsafnsplatan Sólargeislar verðið gefin út." Óttar vonast nú til að fleiri feti í fótsporin og lækki verðið á hljómplötum.