Erlent

Vöruskiptajöfnuður Dana jákvæður um hundruð milljarða

Viðskiptajöfnuður Dana við útlönd var jákvæður um tæpa níutíu milljarða íslenskra króna í síðasta mánuði og hefur verið jákvæður upp á hundruð milljarða síðustu þrjú misserin.

Þriðji sænski ráðherrann í fortíðarvanda

Tíu létust í eldsvoða í námu í Kína

Kínversk stjórnvöld hafa hneppt eigendur og stjórnendur námafyrirtækis í landinu í varðhald eftir að tíu manns létust í eldsvoða í námum fyrirtækisins. Stjórnvöld segja lélegt rafmagnskerfi orsök eldsvoðans.

Þrír Svíar létust í flugslysi við Svíþjóð

Þrír Svíar fórust þegar fjögurra sæta einkavél þeirra hrapaði í hafið um 30 kílómetra suðaustur af Trelleborg í gærkvöldi. Áhafnir á þyrlum frá Þýskalandi, Danmörku og Svíþjóð hafa fundið brak úr vélinni sem var á leið frá Berlín til Borås í Svíþjóð.

Tveir látnir eftir lestarslys í Róm

Að minnsta kosti tveir eru látnir og um sextíu slasaðir, sumir mjög alvarlega, eftir árekstur tveggja neðanjarðarlesta í jarðlestakerfi Rómar í morgun. Haft er eftir slökkviliði á staðnum að einhverjir séu enn fastir í flökunum neðanjarðar.

Barn Madonnu komið til London

Þrettán mánaða malavískur drengur sem söngkonan Madonna vill ættleiða kom til Bretlands í morgun. Skiptar skoðanir hafa verið um ættleiðingu Madonnu á drengnum og hafa mannréttindasamtök í Malaví reynt að koma í veg fyrir að poppsöngkonan ættleiði drenginn.

Rændi banka og bað um fangelsi

Maður á sextugsaldri í Ohio-ríki greip til nýstárlegs ráðs til að komast af þar til hann getur innheimt eftirlaun sín eftir nokkur ár. Hann gerði sér lítið fyrir og rændi banka. Hann rétti síðan öryggisverði í bankanum ránsfenginn og saman biðu þeir eftir lögreglunni.

Rice á leið til Asíu

Condoleezza Rice, utanríkisráðherra Bandaríkjanna, varaði í gær Norður-Kóreu við því að gera aðra kjarnorkutilraun. Hún sagði að litið yrði á aðra tilraun sem ögrun og að hún myndi dýpka einangrun Norður-Kóreu. Rice er nú á leið til Asíu til að fylgja eftir ályktun öryggisráðs Sameinuðu þjóðanna um refsiaðgerðir gegn Norður-Kóreumönnum.

Sprungur komu í framrúðu

Sprungur komu í rúðu í glugga í stjórnklefa Boeing 737, vélar í eigu SAS, sem var á leið frá Ósló til Íslands í gærkvöldi, að sögn norska dagblaðsins VG. Flugmaðurinn ákvað að snúa við og fljúga til flugstöðvarinnar í Stafangri.

Rússar vilja fá svör hið fyrsta

Katsav kom ekki til þings

Lögreglan í Ísrael hefur lokið rannsókn á meintum kynferðisbrotum forseta landsins og mælir með því að formleg ákæra verði gefin út á hendur honum.

Afsögn annars ráðherra

Menningarmálaráðherrann í tíu daga gamalli ríkis-stjórn Svíþjóðar sagði af sér í gær. Viðskiptaráðherrann sagði af sér á laugardag. Báðir úr Hægriflokknum.

Staðfesta að Norður-Kórea sprengdi kjarnorkusprengju

Rannsókn á loftsýnum, sem tekin voru í síðustu viku, staðfesta að Norður-Kóreumenn gerðu í raun tilraun með kjarnorkusprengju neðanjarðar, eins og þeir hafa sjálfir haldið fram.

Meiri norrænn stuðningur

Venesúela féll í fyrstu umferð

Hvorki Venesúela né Gvatemala fengu tilskilinn meirihluta tveggja þriðju hluta atkvæða á Allsherjarþingi Sameinuðu þjóðanna, þegar gengið var til atkvæða í gær um fimm fulltrúa í öryggisráði SÞ.

Með lifandi snigla í bílnum

Nærri hundrað sjóliðar létust

Í fallhlíf til Finnlands

Sovéski herinn sendi yfir eitt þúsund og fjögur hundruð njósnara til Finnlands í síðari heimsstyrjöldinni. Flestum þeirra, eða um eitt þúsund, var sleppt með fallhlíf yfir Finnlandi. Hinir voru sendir yfir landamærin eða með bát yfir vatnið Ladoga sem nú tilheyrir Rússlandi.

30 ríki gætu þróað kjarnorkuvopn

Allt að 30 ríki gætu þróað kjarnorkuvopn ef ekkert verður að gert. Þetta er mat fulltrúa Alþjóða kjarnorkumálastofnunarinnar. 9 ríki heims ráða yfir kjarnorkuvopnum nú svo vitað sé.

Ólíklegt að Venesúela fái sæti í Öryggisráði SÞ

Litlar líkur eru taldar á því að Venesúela fái sæti í Öryggisráði Sameinuðu þjóðanna til næstu 2 ára eftir að Gvatemala hafði betur í sjöundu leynilegu atkvæðagreiðslunni um sæti í ráðinu í dag. Ríkin tvö berjast um sæti sem ríki Rómönsku-Ameríku á rétt á. Annað ríkið þarf að fá 2/3 atkvæða á Allsherjarþingi samtakanna til að hreppa hnossið.

Hvarf á flugi yfir Eystrasalti

Þyrlur frá Danmörku, Svíþjóð og Þýskalandi eru nú við leit af lítilli flugvél sem hvarf á flugi yfir Eystrasalti. Flugmaður og tveir aðrir voru um borð á leið frá Berlín í Þýskalandi til Svíþjóðar.

Abramovich í klemmu

Rússneski auðkýfingurinn, Roman Abramovich, gæti þurft að láta eiginkonu sína Irinu fá helming eigna sinna í skilnaðarmáli sem sagt er vera í uppsiglingu.

Hremmingar sænsku stjórnarinnar halda áfram

Cecilia Stego Chilo, menntamálaráðherra Svíþjóðar, sagði af sér embætti í dag eftir að uppvíst varð að hún hefði svikist undan því að greiða sjónvarpsafnotagjöld árum saman. Aðeins tveir dagar eru liðnir frá því að viðskiptaráðherra landsins sagði af sér af svipuðum ástæðum.

Katsav sakaður um nauðganir

Ísraelska lögreglan telur að nægilegar vísbendingar séu fyrir hendi til að ákæra Moshe Katsav, forseta landsins, fyrir nauðganir, kynferðislega áreitni, umboðssvik og símahleranir.

Hundrað sjóliðar dóu í sprengjutilræði

Um hundrað sjóliðar úr srí-lankska hernum biðu bana í bílsprengjuárás Tamíl-tígra í morgun. Óttast er að tilræðið spilli verulega fyrir friðarviðræðum ríkisstjórnarinnar og tígranna sem fram eiga að fara í lok mánaðarins.

Önnur tilraun með kjarnorkusprengju ekkert annað en ögrun

Condoleezza Rice, utanríkisráðherra Bandaríkjanna, segist vona að Norður-Kóreumenn sprengi ekki aðra kjarnorkusprengju í tilraunaskyni. Það myndi aðeins vera hægt að túlka sem ögrun og yrði enn frekar til að einangra þjóðina.

Grunaðir um morðið á Kozlov

Saksóknari í Rússlandi hefur greint frá því að tilteknir ónafngreindir menn séu grunaðir um morðið á einum æðsta stjórnanda Seðlabankans rússneska. Rússenskir fjölmiðlar segja þrjá Úkraínumenn í haldi lögreglu vegna málsins. Talið er að morðið tengist hertum aðgerðum hans gegn peningaþvætti í landinu.

Tekinn af allur vafi

Loftsýni sem sérfræðingar bandarísku leyniþjónustunnar, tóku í síðustu viku staðfesta það að Norður-kóreumenn hafi sprengt kjarnorkusprengju í tilraunaskyni fyrir viku. Í yfirlýsingur segir að rannsóknir bendi til þess að kraftur sprengingarinnar hafi verið innan við 1 kílótonn sem er innan við tíu sinnum kraftminni sprengja en sú sem varpað var á Hiroshima árið 1945.

Siniora hafnar boði Olmerts um friðarviðræður

Fouad Siniora, forsætisráðherra Líbanons, hafnaði í dag boði Ehuds Olmerts, forsætisráðherra Ísraels, um friðarviðræður milli landanna. Siniora sagði að Líbanon væri síðasta landið sem myndi gera einhvers konar samkomulag við Ísraelsríki.

Seldi garð nágrannans