Erlent

Saka Rússa um þyrluárás

Forseti Georgíu boðaði öryggisráð landsins til neyðarfundar, í dag, eftir að ríkisstjórnin hafði sakað Rússa um að gera þyrluárás á umdeilt landsvæð á landamærum Georgíu og Abkasíu. Mikhail Saakashvili, forseti, sagði að þrjár rússneskar herþyrlur hefðu látið sprengjum

Erlent

Rifist um smokka

Ríkisstjórn Brasilíu gefur tugmilljónir smokka á hverju ári til þess að draga úr útbreiðslu alnæmis og þykir hafa tekist vel til í þessu landi frjálsra ásta. Að auki reka stjórnvöld öflugan áróður fyrir notkun smokka. Brasilía er fjölmennasta ríki kaþólikka í heiminum, með 185 milljónir íbúa.

Erlent

Brown líst ekki á græna skatta

Gordon Brown, fjármálaráðherra Bretlands, sagði í dag að þjóðir heims yrðu að taka höndum saman vegna hlýnunar jarðar, en sagði svokallaða græna skatta ekki vera vera góða lausn. Miklu betra væri að uppfræða fólk og gefa því hvata til þess að taka þátt í verndun umhverfisins. Brown tekur væntanlega við embætti forsætisráðherra af Tony Blair, í sumar.

Erlent

Hryðjuverkagjaldkeri handtekinn

Spænska lögreglan hefur handtekið kanadiskan mann sem grunaður er um að hafa hjálpað til við að fjármagna múslims hryðjuverkasamtök. Brian David Anderson, sem er 61. árs gamall er eftirlýstur í Bandaríkjunum fyrir 20 milljóna dollara fjármálasvik. Talið er að hann hafi fjármagnað æfingabúðir í Afganistan.

Erlent

Fyrirtæki taki frekar þátt í öryggismálaumræðu

Ríki og alþjóðastofnanir, víða um heim, ráðfæra sig ekki í nægilega miklum mæli við fyrirtæki í einkageiranum þegar kemur að því að bregðast við öryggisógnum. Þetta segir virtur breskur sérfræðingur í öryggis- og varnarmálum sem kemur í haust til starfa hjá Háskóla Íslands.

Erlent

Fréttamanni BBC rænt í Gaza-borg

Palestínskir vígamenn rændu í dag fréttamanni Breska ríkisútvarpsins, BBC, í Gaza-borg. Fréttamaðurinn, Alan Johnston, var á ferð í bíl sínum þegar fjórir grímklæddir menn réðust að honum og rændu. Johnston, sem hefur verið að störfum á Gaza-svæðinu í þrjú ár, mun hafa kastað frá sér nafnspjaldi sínu, þegar hann var numinn á brott, svo vitað yrði um afdrif hans.

Erlent

Íran næst

Íraksstríðið var ólöglegt að mati Hans Blix, fyrrverandi yfirmanns vopnaeftirlits Sameinuðu þjóðanna í Írak. Hann segir Bandaríkjamenn hafa verið á nornaveiðum í aðdraganda stríðsins og margt sé líkt með honum og stöðunni í kjarnorkudeilunni við Írana nú.

Erlent

Enn barist við skógarelda

Slökkviliðsmenn, í Suður-Kaliforníu, gera sér vonir um að í kvöld eða nótt verði hægt að ná tökum á skógareldum sem hafa logað í Orange-sýslu síðan snemma í gær. Um 1.200 manns hafa þurft að yfirgefa heimili sín. Erfiðlega hefur gengið að berjast við eldana því vindasamt er á svæðinu, miklir þurrkar og hiti óvenju mikill miðað við árstíma.

Erlent

45 ára ferli að ljúka

Jacques Chirac, Frakklandsforseti, ætlar ekki að sækjast eftir endurkjöri. Þetta tilkynnti hann formlega í gærkvöldi. Þar með lýkur 45 ára ferli eins litríkasta stjórnmálamanns Frakklands.

Erlent

Danir skammaðir fyrir fiskveiðistjórnun

Evrópusambandið hefur gagnrýnt fiskveiðistjórnun Dana harðlega, og sjávarútvegsráðherra landsins viðurkennir að sú gagnrýni eigi rétt á sér. Stikkprufur sem gerðar voru hjá dönskum fiskimönnum leiddi í ljós að 13 prósent sinntu ekki skráningarskyldu sinni og lönduðu framhjá eftirlitskerfinu.

Erlent

Lögmenn mótmæla í Pakistan

Lögmenn í Pakistan mótmæltu víða um landið og sniðgengu réttarsali í dag í mótmælaskyni við brottvikningu æðsta dómara landsins úr embætti. Musharaf forseti tók ákvörðunina vegna misnotkunar dómarans í embætti. Meira en 20 lögmenn slösuðust í átökum við lögreglu í Lahore og hundruðir lögmanna í svörtum jakkafötum fylktu liði í öðrum borgum.

Erlent

Smáralindardeila á Spáni

Auglýsing frá Giorgio Armani junior hefur vakið athygli á Spáni. Auglýsingin sýnir litla stúlku í bikiníi. Fyrir skemmstu þurfti Dolce og Gabbana að hætta við auglýsingu sem sýndi mann halda konu niðri við jörðina á meðan aðrir karlmenn horfðu á.

Erlent

Samningur um kjarnorkuþróun milli Líbýu og Bandaríkjanna

Bandaríkin munu undirrita samstarfsyfirlýsingu við Líbýu um þróun kjarnorku til orkunota. Líbýska fréttastofan Jana greindi frá þessu í dag. Í yfirlýsingu segir að Líbýsk nefnd um alþjóðlegt samstarf hafi verið falið að skrifa undir samstarfssamning við Bandaríkin um friðsamlega notkun kjarnorku.

Erlent

Fréttamanni BBC rænt

Alan Johnston fréttaritara breska ríkisútvarpsins BBC í Palestínu var rænt á Gaza í dag. Lögreglan segir ekki ljóst hverjir standa á bakvið ránið. Heimildarmenn staðfestu að maðurinn væri Alan Johnston, en bílaleigubíll hans fannst í Gasaborg. Lögreglan vinnur nú að rannsókn mannránsins.

Erlent

Reykingabanni í Danmörku frestað fram á sumar

Reykingabanni á bæði opinberum og almennum vinnustöðum í Danmörku sem taka átti gildi um næstu mánaðamót hefur verið frestað til 15. ágúst. Flestir flokkar á danska þinginu samþykktu fyrir áramót að styðja slíkt frumvarp en það er þó ekki enn þá komið fram eftir því sem segir á vef Jótlandspóstsins.

Erlent

Sjálfsmorðsárás á Internet kaffihúsi

Maður sem var meinaður aðgangur að hryðjuverkasíðu á Internet kaffihúsi í Casablanca í Marokkó sprengdi sjálfan sig í loft upp á staðnum í gærkvöldi. Þrír særðust í sjálfsmorðsárásinni, þar á meðal kaffihúsaeigandinn. Atvikið átti sér stað þegar maðurinn kom inn ásamt félaga sínum og lenti í deilu við eigandann út af aðgangi að vefsíðu íslamskra öfgamanna.

Erlent

300 stöður lagðar niður hjá Danmarks Radio

Stjórnendur danska ríkisútvarpsins, Danmarks Radio, hafa uppi áform um að leggja niður allt að 300 stöður innan stofnunarinnar til þess að spara í rekstri hennar. Eftir því sem fram kemur á vef Jótlandspóstsins þarf að spara í rekstri stofnunarinnar eftir að kostnaður við uppbyggingu á húsnæði DR í Örestad fór mikið fram úr áætlun.

Erlent

Amma í fallhlífarstökki

Það er ekki oft sem áttatíu og níu ára gamlar konur stökkva í fallhlíf úr þrjú þúsund metra hæð en það gerði Hilda Person í Ástralíu í gær. Hilda vildi með stökkinu safna fé til krabbameinsrannsókna. Dóttir Hildu varð krabbameini að bráð fyrir ári og vildi Hilda leggja sitt af mörkum til að fé fengist til frekari rannsókna. Hilda stökk út úr flugvélinni með lokuð augun og þjálfara sinn á bakinu. Bæði lentu þau heilu og höldnu. Hilda segir þetta hafa verið skemmtilega upplifun og ætlar í fleiri ævintýraferðir til styrktar krabbameinsrannsóknum.

Erlent

Chirac styður engan

Jacques Chirac, Frakklandsforseti, lýsti því formlega yfir í gærkvöldi að hann ætlaði ekki að sækjast eftir endurkjöri í forsetakosningunum í næsta mánuði. Hann lýsti ekki yfir stuðningi við neinn frambjóðanda líkt og búist var við.

Erlent

Tsvangirai laminn af lögreglu

Morgan Tsvangirai leiðtogi stjórnarandstöðunnar í Simbabve hefur verið laminn af lögreglu sem heldur honum í varðhaldi. Þetta segir lögmaður Tsvangirai. Hann var handtekinn í gær ásamt fimm samherjum sínum eftir að óeirðalögregla leysti upp mótmælafund. Lögmenn leita nú leiða til að fá aðgang að sexmenningunum en enn er óvíst hvort þeir hafi verið ákærðir fyrir einhverjar sakir.

Erlent

Bretar settu upphrópunarmerki í stað spurningamerkja

Bretar tóku skýrslu um gereyðingarvopn í Írak og skiptu út spurningamerkjum fyrir upphrópunarmerki til að rökstyðja innrás í landið. Þetta segir Hans Blix fyrrverandi yfirmaður Vopnaeftirlits Sameinuðu þjóðanna í viðtali við Sky-sjónvarpsstöðina.

Erlent

Stjórnarflokkar með sterka stöðu

Útgönguspár benda til þess að flokkur Vladímír Pútín Rússlandsforseta, „Sameinað Rússland" hafi unnið sigur í 10 af 14 héröðum í sveitarstjórnarkosningum. Þær eru taldar gefa góða vísbendingu um útkomuna í komandi forseta- og þingkosningum sem fyrirhugaðar eru á næsta ári. Þá er búist við því að Pútín hætti sem forseti en hann hefur sagt að hann muni ekki sérstaklega útnefna eftirmann sinn. Stjórnarandstöðuflokkar segja útgönguspárnar vitlausar og kalla þær löglausa vitleysu sem hafi verið kokkuð upp af spunameisturum ríkisstjórnarinnar. Kosið var í 14 af 86 héröðum landsins, samtals búa í þeim um þriðjungur kosningabærra manna Rússlands.

Erlent

Indjánar hreinsa slæma orku Bush á helgistað

Maya-indjánar í Gvatemala hafa undirbúið sérstaka athöfn til að hreinsa fornan helgistað í Iximche eftir að George Bush hefur heimsótt staðinn. Bush er nú í heimsókn í landinu þar sem hann hittir forseta landsins og ætla þeir að ræða bæði öryggismál og viðskipti landanna.

Erlent

Viðbrögð alþjóðasamfélagsins aumkunarverð

Rannsóknarmenn Sameinuðu þjóðanna gagnrýna Súdan harðlega fyrir alvarleg mannréttindabrot í Darfur, þar á meðal morð, mannrán og hópnauðganir. Þá segir forsvarsmaður rannsóknarhópsins að alþjóðasamfélagið hafi brugðist við ástandinu í héraðinu með aumkunarverðum hætti.

Erlent

Geta læknað unglingaveikina

Vísindamenn segjast hafa fundið hormónið sem veldur skapsveflum táninga, unglingaveikinni svokölluðu. Það er lið vísindamanna við New York-háskóla sem þessu halda fram. Hormónið veldur eirðarleysi og kvíða en svo minnka áhrif þess með aldrinum.

Erlent

Snoop Dogg handtekinn í Stokkhólmi

Rappstjarnan og Íslandsvinurinn Snoop Dogg var handtekinn í Stokkhólmi í nótt grunaður um að hafa gerst brotlegur við fíkniefnalöggjöf. Lögregla gerði skipulagt áhlaup á hótelherbergi kappans og fann þar meint fíkniefni, efni sem að sögn lögreglu „lykta eins og marijúana". Snoop var handtekinn ásamt 23 ára gamalli konu sem var gestur hans á hótelherberginu. Talsmaður kappans vísaði ásökunum lögreglu á bug og sagði tóbak það eina sem rapparinn hafi verið að reykja.

Erlent

Bush lofar Kólumbíu stuðningi

George Bush Bandaríkjaforseti lofar Kólumbíu meiri efnahagsaðstoð og viðskiptasamningum og lýsir yfir stuðningi við Alvaro Uribe forseta landsins. Bush er nú á ferðalagi um Suður-Ameríku og er nú í Kólumbíu. Bush lofaði Uribe og stjórn hans fyrir árangur í baráttunni gegn eiturlyfjabarónum og uppreisnarmönnum.

Erlent

Skógareldar á óvenjulegum tíma í Kaliforníu

Meira en 1200 manns hafa neyðst til að yfirgefa heimili sín í Suður-Kaliforníu vegna skógarelda sem þar nú geysa. Eldarnir nálgast nú íbúðahverfi í Anaheim í Orange County suður af Los Angeles og þar hefur fólk flúið frá heimilum sínum. Þetta er óvenjulegur tími fyrir skógarelda á þessum slóðum en yfirleitt geysa þeir helst yfir sumartímann og á haustin, frá júní og fram í október en óvenju miklir hitar hafa verið á þessum slóðum undanfarið og um helgina náði hitinn hæst 32 gráðum. Þá er þetta einn þurrasti vetur á þessum slóðum í manna minnum.

Erlent

Chirac hættir í vor

Jacques Chirac Frakklandsforseti lýsti því formlega yfir í gærkvöldi að hann hyggðist ekki sækjast eftir endurkjöri í forsetakosningum í vor. Þá lýkur 45 ára ferli hans sem áberandi stjórnmálamanns. Hann hefur gengt embætti forseta í 12 ár, frá árinu 1995. Það eru flokksbróðir Chirac, Nicolas Sarkozy og sósíalistinn Segolene Royal sem helst berjast um embættið fyrir kosningarnar í vor og svo óvæntur keppinautur þeirra, miðjumaðurinn Francois Bayrou sem hefur í könnunum mælst mjög nálægt þeim.

Erlent

Mest lesið