Erlent

Stokka upp í landbúnaði

Framkvæmdastjórn Evrópusambandsins kynnti í vikunni hugmyndir um breytingar á sameiginlegu landbúnaðarstefnunni, sem stefnt er að á næstu árum.

Erlent

Fundu 31 árs gamalt svarthol

Stjarnvísindamenn telja sig hafa fundið yngsta svarthol sem vitað er um í námunda við vetrar­brautina okkar. Til þess notuðu þeir Chandra-röntgengeimsjónauka NASA. Svartholið varð til þegar stjarna sprakk árið 1979 og er því 31 árs gamalt.

Erlent

Vilja yfirgefa Afganistan 2014

Miklar væntingar eru bundnar við leiðtogafund Atlants­hafsbandalagsins, NATO, sem hófst í Lissabon í gær, en þar verður meðal annars reynt að ná samstöðu um að draga herlið út úr Afganistan fyrir árið 2014.

Erlent

Björgun gæti tekið marga daga

Vonir eru bundnar við að 27 námumenn sem saknað er eftir gríðarlega sprengingu í kolanámu á Nýja Sjálandi í nótt séu á lífi. Marga daga gæti tekið að bjarga mönnunum út.

Erlent

Flugvél brotlenti

Flugvél sem í voru líffæri sem verið var að flytja til ígræðslu brotlenti á flugvellinum í Birmingham seinnipartinn í dag. Flugvélin var af gerðinni Cessna og á leið með líffæri á Queen Elizabeth sjúkrahúsið í Birmingham þegar slysið varð. Tveir voru um borð í flugvélinni og voru þeir fluttir með flýti á sjúkrahús. Mikil þoka var í grennd við flugvöllinn þegar vélin brotlenti.

Erlent

Pláneta utan vetrarbrautar

Stjörnufræðingar telja sig hafa fundið í í fyrsta sinn plánetu sem er upprunnin utan Vetrarbrautarinnar. Pláneta þessi er af svipaðri gerð og Júpíter, en nokkuð stærri.

Erlent

Telur sig geta sigrað Barack Obama

Bandaríkin Sarah Palin, fyrrverandi varaforsetaefni repúblikana í Bandaríkjunum, sagði í viðtali við ABC-stöðina í gær að hún gæti sigrað Barack Obama í forsetakosningunum 2012.

Erlent

Einn sprakk yfir Singapúr

Útlit er fyrir að skipta þurfi út allt að fjörutíu hreyflum í A380-risaþotunum frá Airbus vegna öryggisástæðna. Hreyflar biluðu fyrir nokkru í tveimur þotum ástralska flugfélagsins Qantas, en í öðru tilvikinu leiddi olíusmit í hreyfli til þess að hann sprakk í flugi yfir Singapúr.

Erlent

Sniðganga verðlaunaafhendinguna

Sex ríki ætla að sniðganga afhendingarathöfn Friðarverðlauna Nóbels í næsta mánuði. Þar verður kínverski andófsmaðurinn og rithöfundurinn Liu Xiaobo heiðraður, í mikilli óþökk stjórnvalda í Peking. Hann afplánar nú 11 ára fangelsisdóm.

Erlent

Kate Middleton: Hefði viljað hitta Díönu

Kate Middleton, unnusta Vilhjálms Bretaprins, segir að hún hefði gjarnan viljað hitta Díönu prinsessu sem hafi verið mögnuð fyrirmynd. Líkt og áður hefur komið fram munu Vilhjálmur og Kate ganga í hjónaband á næsta ári.

Erlent

Hringdi inn sprengjuhótun til að koma í veg fyrir brúðkaup

Móðir í Rússlandi greip til örþrifaráða þegar dóttir hennar var á leið upp í flugvél til þess að hitta tilvonandi eiginmann sinn. Móðirin var greinilega ósátt við ráðahaginn og hringdi hún í flugvallaryfirvöld rétt fyrir flugtak og sagði að dóttirin ætlaði sér að sprengja flugvélina í loft upp. Lögregla brást snöggt við, vélin var stöðvuð á flugbrautinni og dóttirin handtekin af þungvopnuðum víkingasveitarmönnum.

Erlent

Lífstíðarfangelsi fyrir að bana 15 mánaða gömlu barni

Gary Alcock, 28 ára gamall breskur karlmaður, hefur verið dæmdur í lífstíðarfangelsi fyrir að hafa myrt fimmtán mánaða gamla dóttur kærustu sinnar. Árásin er rakin til þess að grátur barnsins truflaði Alcock á meðan að hann var að leika sér í Xbox leikjatölvu.

Erlent

Palin pælir í forsetaframboði

Sarah Palin, fyrrverandi varaforsetaefni Repúklikana í Bandaríkjunum sagði í viðtali við ABC stöðina í gær að hún gæti sigrað Barack Obama í forsetakosningunum 2012.

Erlent

Julian Assange eftirlýstur á ný í Svíþjóð

Handtökuskipun hefur á ný verið gefin út á hendur Julian Assange, stofnanda Wikileaks, í Svíþjóð. Saksóknari krafðist þess fyrst í ágúst að Assange yrði handtekinn en sú skipun var afturkölluð daginn eftir. Nú segir Marianne Ny, saksóknari, við sænska ríkisútvarpið að handtökuskipunin hafi verið endurútgefin. Assange er sakaður um nauðgun í Enköping og kynferðisbrot í þremur tilvikum í Stokkhólmi.

Erlent

Sýknaður af 285 ákæruatriðum - eitt leiddi til sakfellingar

Fyrsti Guantanamo fanginn sem dreginn hefur verið fyrir rétt á bandarískri grundu var sýknaður í meginatriðum í gær. Tanzaníumaðurinn Ahmend Ghailani, 36 ára, var sýknaður af 285 ákæruatriðum en fundinn sekur í einu, um að leggja á ráðin um sprengjuárásir á bandarískar eignir. Ghailani var ákærður fyrir aðild að árásunum á sendiráð bandaríkjanna í Kenýa og Tanzaníu árið 1998 þar sem 224 létust.

Erlent

Fuglaflensan lætur á sér kræla á ný

Fuglaflensan illræmda virðist vera farin að láta á sér kræla á ný en kona í Hong Kong liggur nú þungt haldin á sjúkrahúsi í borginni. Þar hafa fuglaflensutilfelli ekki komið upp frá árinu 2003.

Erlent

Kosningabarátta í kólerufaraldri

Jarðskjálftinn á Haíti í janúar kostaði um 300 þúsund manns lífið. Uppbygging hefur gengið mjög hægt, þrátt fyrir loforð helstu ríkja heims um öfluga aðstoð, og nú bætist kólerufaraldur ofan á allt saman.

Erlent

Er grunaður um fleiri ódæði

Hálffimmtugur maður er nú í gæsluvarðhaldi í Danmörku, grunaður um að minnsta kosti tvær nauðganir og eitt morð á tuttugu ára tímabili. Hann gæti tengst enn fleiri málum en síðustu daga hafa fjölmargar konur stigið fram og tilkynnt nauðganir á síðustu árum sem aldrei komu til kasta lögreglu.

Erlent

Borinn undir þing og dómara

Margt bendir til að stjórnmálaferill Silvio Berlusconi sé á síðasta snúningi, þótt hann hafi hingað til staðið af sér alla erfiðleika.

Erlent

Táningsstúlka sett upp í bíl

Foreldrar í tveim frönskum fjölskyldum eru fyrir rétti vegna dóttur á táningsaldri sem var notuð sem gjaldmiðill í bílakaupum. Dótturinni var misþyrmt og nauðgað í þrjú ár áður en upp komst um viðskiptin.

Erlent

Líf evrusvæðisins sagt í húfi

Herman Van Rompuy, forseti leiðtogaráðs Evrópusambandsins, var ómyrkur í máli við upphaf fundar evru­ríkjanna í Brussel í gær, þar sem fjárhagsvandi Írlands var til umræðu.

Erlent

Múrsteinshús hrundi niður

Að minnsta kosti 66 manns létu lífið og 73 særðust þegar fátæklegt múrsteinshús hrundi í þéttbyggðu hverfi í Nýju-Delí á Indlandi á mánudagskvöld, um það leyti sem fólk var að huga að kvöldmat.

Erlent

Mest lesið