Erlent

Búast við að Assange gefi sig fram

Þess er vænst að Julian Assange, stofnandi WikiLeaks, gefi sig fram á næstunni. Lögmenn Assange hafa sagt að hann muni ræða við lögreglumenn vegna handtökuskipunar sem sænsk yfirvöld hafa gefið út á hendur honum vegna ásakana um kynferðisbrot. Þeir hafa þó ekkert látið uppi um það opinberlega hvenær Assange muni ræða við lögregluna.

Erlent

Ellefu læknar sáu ekki krabbameinið í tæka tíð

Þriggja barna móðir í Bretlandi lést á dögunum úr magakrabba en heimilislæknir hennar og tíu aðrir læknar fundu ekki meinið þrátt fyrir ítrekaðar rannsóknir. Angela Skeffington hafði kvartað undan verkjum og sýnt öll einkenni þess að vera með krabbamein í maga, frá því í apríl en hún var ekki sett í sneiðmyndatæki fyrr en í ágúst og þá uppgötvaðist meinið.

Erlent

Hársbreidd frá því að verða undir lest

Aðeins munaði hársbreidd að maður hefði orðið undir neðanjarðarlest í Madríd á Spáni á dögunum á þessum mynsskeiði sést hvar maðurinn fellur allt í einu ofan á lestarteinana og missir meðvitund. Fólk sem beið eftir lest á stöðinni reynir að veifa til lestarstjórans sem virðist ekki taka eftir manninum á teinunum. Þá kemur aðvífandi maður og dregur hinn slasaða af teinunum aðeins sekúndum áður en lestin brunar hjá. Spænskir miðlar hafa hælt björgunarmanninum á hvert reipi en hann er ný útskrifaður lögreglumaður.

Erlent

Nýtt líf í Titanic

Vísindamenn hafa uppgötvað að nýjar överur hafa tekið sér bólfestu í flaki Titanic. Vísindamennirnir telja að til langs tíma geti þessi uppgötvun orðið til þess að koma megi í veg fyrir stórkostleg olíumengunarslys í framtíðinni.

Erlent

Continental kennt um Concorde slysið

Dómstóll í París hefur úrskurðað að bandaríska flugfélagið Continental Airways beri ábyrgð á því að hin hljóðfrá Concorde farþegaþota fórst í flugtaki frá París árið 2000.

Erlent

Átta hjólreiðamenn biðu bana

Átta hjólreiðamenn biðu bana á Ítalíu um helgina þegar Mercedes Benz bifreið var ekið inn í hópinn á mikilli ferð. Hjólreiðamennirnir æfðu í líkamsræktarstöð í grennd við slysstaðinn.

Erlent

Handtökur vegna skógarelda

Slökkviliðssveitir í Ísrael hafa loks náð stjórn á skógareldunum sem þar hafa geisað síðan á fimmtudag. Talsmaður yfirvalda segir að ekki sé búið að slökkva allt, en allavega sé nú hægt að hindra frekari útbreiðslu. Yfir 40 manns fórust í eldunum og 17 er enn saknað.

Erlent

Fimmtugasta salmonellusmitið

Grunur leikur á að salmonellusmit sé komið upp í kjúklingum frá Matfugli ehf og er verið að rannsaka það nánar. Ef svo reynist vera er þetta fimmtugasta smittilfellið í kjúklingum hér á landi á árinu.

Erlent

Sittu heima ódámurinn þinn

Boris Johnson hinn litríki borgarstjóri Lundúna hefur afturkallað boð til Sepp Blatters forseta FIFA um að gista frítt á hinu fornfræga Dorchester hóteli meðan heimsmeistarakeppnin í knattspyrnu fer fram árið 2018.

Erlent

Óttast nýja borgarastyrjöld

Óttast er að borgarastyrjöld brjótist út á Fílabeinsströndinni í kjölfar forsetakosninganna. Thabo Mbeki, fyrrverandi forseti Suður-Afríku reynir nú að miðla málum í deilunni um hver sé forseti landsins.

Erlent

Hákarl drap þýskan ferðmann

Sjötug þýska kona lét lífið þegar hákarl réðst á hana þegar hún var að kafa í sjónum fyrir utan egypska ferðamannabæinn Sharm el-Sheikh í dag. Þetta er fimmta hákarlaárásin undan ströndum Egyptalands á rúmri viku en þá missti karlmaður handlegg og annar fótlegg.

Erlent

Aðstoðarkonan ekki rússneskur njósnari

Breskur þingmaður segir aðstoðakona hans sé ekki rússneskur njósnari. Hann segir fráleitt að halda því fram. Breska lögreglan fyrir helgi rússneska konu sem er búsett í Bretlandi en hún er sökuð um að hafa stundað njósnir fyrir rússnesk stjórnvöld.

Erlent

Vinna eigið úran óháð öðrum ríkjum

Stjórnvöld í Íran segjast í fyrsta skipti hafa unnið sitt eigið úran og segjast nú vera algerlega óháð öðrum ríkjum í öllu framleiðsluferli kjarnorku, þar með í auðgun úrans. Tilkynningin berst aðeins degi áður en fulltrúar stórveldanna funda með fulltrúum Íransstjórnar í Genf í Sviss á morgun, þar sem enn á að reyna að sannfæra Írana um að frysta kjarnorkuáætlun sína.

Erlent

Kröfðust lausnar Liu Xiaobo

Hundruð manna mótmæltu fangelsun Nóbelsverðlaunahafans Liu Xiaobo og kröfðust lausnar hans í Hong Kong í dag en þessa var krafist með útifundum á nokkrum öðrum stöðum í heiminum í dag. Friðarverðlaun Nóbels verða afhent í Osló höfuðborg Noregs á föstudag.

Erlent

Rússneska flugvélin missti afl á tveimur hreyflum

Rannsókn á flugslysi við Domodedovo flugvöll í Moskvu í gær hefur leitt í ljós að það drapst á tveimur af þremur hreyflum flugvélarinnar skömmu eftir flugtak. Þá drapst á þriðja hreyflinum þegar flugmenn reyndu nauðlendingu á flugvellinum. Tveir fórust og 83 slösuðust í slysinu.

Erlent

Versta flugfélag í heimi

Lággjaldaflugfélagið Ryanair er versta flugfélag í heimi samkvæmt könnun þjónustumatsfyrirtækisins Zagat. Vélar flugfélagsins þykja óþægilegar og þjónustan slæm

Erlent

Þingstarfsmaður sakaður um njósnir

Breska lögreglan hefur handtekið rússneska konu sem er búsett í Bretlandi en hún er sökuð um að hafa stundað njósnir fyrir rússnesk stjórnvöld. Konan,sem er 25 ára, vann sem aðstoðarmaður bresk þingmanns. Konan neitar sök í málinu en þetta er í fyrsta skipti frá lokum kalda stríðsins sem starfsmaður breska þingsins er sakaður um að stunda njósnir fyrir stjórnvöld í Moskvu.

Erlent

Flugumferð færist í eðlilegt horf

Flugumferð um spænska flugstjórnarsvæðið er smám saman að færast í eðlilegt horf eftir að spænskir flugumferðarstjórar sneru aftur til vinnu í gær. Þeir tóku sér allir veikindaleyfi á fimmtudag til að mótmæla vinnuálagi. Í gær gripu spænsk stjórnvöld til neyðaraðgerða og hótuðu að kæra alla þá sem ekki myndu mæta til vinnu.

Erlent

Fórust í flugslysi í Rússlandi

Tveir fórust og á fimmta tug slösuðust þegar rússnesk farþegaflugvél rann út af flugbraut á flugvelli í Moskvu, höfuðborg Rússlands, í dag. Hreyflar þotunnar, sem er af gerðinni Tupolev Tu-154, biluðu eftir flugtak sem varð til þess að hún þurfti að nauðlenda með fyrrnefndum afleiðingum.

Erlent

Flugumferðarstjórar tínast aftur til vinnu

Spænskir flugumferðarstjórar hafa frá því í hádeginu verið að tínast aftur til vinnu en verkfall þeirra hófst í gær. Flugumferðarstjórarnir komu aftur til vinnu eftir að ráðamenn hótuðu að sett yrðu neyðarlög til að þvinga þá aftur til starfa.

Erlent

Verkfall lamar flugumferð

Fjölmörg flugfélög hafa aflýst ferðum til og frá Spáni í dag vegna verkfalls flugumferðarstjóra. Fyrir vikið eru þúsundir ferðamanna strandaglópa í landinu.

Erlent

Hamingjusama fólkið hætti að reykja

Fólk sem hefur reykt en nær að hætta að reykja er glaðlegra en reykingafólk. Þetta sýna niðurstöður vísindamanna frá Brown háskólanum og Háskólanum í Suður Kalíforníu, samkvæmt frásögn Daily Mail.

Erlent

Botox breytir vöðvum í fitu

Botox fyllingar geta valdið því að vöðvar á líkamanum rýrni og fita komi í staðinn. Þetta er niðurstaða kanadískra sérfræðinga við Háskólann í Calgary sem hafa rannsakað langtímanotkun efnisins og birtu niðurstöðurnar í vísindaritinu Journal of Biomechanics.

Erlent

Mest lesið