Erlent

Líkfundur á landareign Drottningar: Morðrannsókn hafin

Lögreglan í Norfolk á Englandi hefur nú lýst því yfir að morðrannsókn sé hafin eftir að lík konu fannst á landareign Elísabetar Englandsdrottningar. Líkið fannst í grennd við Sandringham sveitasetrið sem er í afskektum hluta Norfolk héraðs en konungsfjölskyldan eyðir of fríum sínum þar á bæ.

Erlent

Flóttamenn frá Norður Kóreu skotnir á færi

Mannréttindasamtök segja að þrír íbúar Norður Kóreu hafi verið skotnir til bana af landamæravörðum á dögunum. Fólkið freistaði þess að flýja yfir landamærin til Kína en Yalu áin sem skilur löndin að er nú í klakaböndum.

Erlent

Tuttugu tonnum af síld skolaði upp á land í Noregi

Um tuttugu tonn af dauðri síld skolaði upp að ströndinni í sveitarfélaginu Nordreisa í Norður-Noregi í gærmorgun. Málið þykir afar dularfullt og hafa vísindamenn ekki getað gefið eina sérstaka ástæðu fyrir atvikinu. Íbúar í bænum segja það mjög sérstakt að sjá svona mikið magn af síld í ströndinni.

Erlent

Líkfundur á landareign Bretadrottningar

Líkamsleifar manneskju hafa fundist á Sandringham sveitasetrinu sem er í eigu Elísabetar Bretadrottningar. Setrið er í afskekktum hluta Norfolk héraðs og konungsfjölskyldan eyðir of fríum sínum þar á bæ. Samkvæmt tilkynningu frá lögreglu fann almennur borgari líkamsleifarnar á Nýársdag í skóglendi á landareigninni. Landareignin er mjög stór og líkfundurinn er í um fimm kílómetra fjarlægð frá sjálfu setrinu. Nánari upplýsingar verða gefnar síðar í dag að því er lögreglan segir.

Erlent

Mikil stemming í Iowa fyrir prófkjörið í dag

Mikil stemming ríkir í Iowa fyrir fyrsta prófkjör Repúblikanaflokksins um forsetaefni flokksins sem haldið verður í dag. Reiknað er með að metfjöldi, eða yfir 120.000 manns, muni taka þátt í prófkjörinu.

Erlent

Miklar breytingar á heimasíðu Google

Valinn hópur tölvunotenda hefur fengið nýja útgáfu af heimasíðu Google leitarvélarinnar á netinu til notkunnar en hún fer síðan í loftið fyrir alla síðar í þessum mánuði.

Erlent

Auglýsingaherferð vegna offitu barna í Bandaríkjunum hneykslar

Nýleg auglýsingaherferð gegn offitu barna í Georgíufylki í Bandaríkjunum hefur vakið hörð viðbrögð. Auglýsingarnar sýna sorgmædd börn sem lýsa einelti og öðrum erfiðleikum. Sérfræðingar segja að þetta sé gert til að varpa ljósi á alvarleika málsins á meðan gagnrýnendur segja að auglýsingarnar brjóti niður sjálfstraust barnanna.

Erlent

Olíugóðærið lifir góðu lífi

Þrátt fyrir að íslensku auðjöfrarnir séu hættir að fljúga erlendum poppstjörnum til landsins eða fá þær til að heiðra sig með nærveru sinni í afmælum eru arabískir olíufurstar enn í góðum gír. Það hefur löngum verið hefð fyrir því að moldríkir auðjöfrar fljúgi heimsþekktum poppstjörnum til sín og láti þær syngja fyrir sig og veislugesti sína. Soldáninn af Brunei ruddi brautina fyrir þessa hefð, hann hélt meðal annars upp á fimmtugsafmælið sitt með einkatónleikum Michaels Jackson og borgaði honum ríflega sautján milljónir dala. Önnur saga af honum er ekki síður fræg, en þá fékk hann Whitney Houston til að syngja fyrir sig og veislugesti sína og lét hana fá auðan tékka að launum; hún mátti sjálf fylla hann út.

Erlent

Anonymous sýnir klærnar

Tölvuþrjótar á vegum Anonymous hafa birt rúmlega 800.000 netföng og lykilorð viðskiptavina bandaríska öryggisfyrirtækisins Stratfor. Gögnin voru birt á internetinu og hafa þau að geyma viðkvæmar upplýsingar um alþjóðleg fyrirtæki sem og hátt setta einstaklinga í opinberum stofnunum Bandaríkjanna.

Erlent

Síldartorfu rak á landi í Noregi

Rúmlega 20 tonn af síld skolaði á land í Noregi í gær. Vísindamenn reyna nú að komast að því hvað hafi ollið dauða fiskann og segja rökrétta skýringu vera á fyrirbærinu. Þó eru sumir sem segja fyrirbærið vera fyrirboða um heimsendi. Fiskarnir fundust í Kvænes í Tromsfylki.

Erlent

MacBook Air er græja ársins 2011

Græja ársins að mati notenda tæknifréttasíðunnar Gizmodo er MacBook Air. Spjaldtölva vefverslunarinnar Amazon, Kindle Fire, hreppti annað sætið en aðeins munaði einu prósenti á milli efstu sætanna.

Erlent

Norðurpóllinn á þunnum ís

Bráðnun íssins við Norðurpólinn er mun meiri en áður var talið. Ísinn hefur minnkað um allt að 75% á síðastliðnum 100 árum.

Erlent

Brennuvargar herja á borgarbúa í Los Angeles

Slökkviliðið í Los Angeles hefur þurft að glíma við yfir 40 íkveikjur í heimahúsum og bílum um áramótin og hefur fjöldi slíkra útkalla á einni helgi ekki verið meiri í borginni síðan í óeirðunum þar árið 1992.

Erlent

Fyrrverandi meðlimur japanskrar trúarreglu gefur sig fram

Fyrrverandi meðlimur trúarreglunnar Aum Shinrikyo í Japan hefur gefið sig fram eftir að hafa verið eftirlýstur í 17 ár. Söfnuðurinn stóð að baki efnavopnaárás í neðanjarðarlestarstöð í Tókýó árið 1995. 13 létust í árásinni og rúmlega 6.000 særðust.

Erlent

Krókódíla-hrekkur endar með skelfingu

Þjálfari ruðningsliðs í Bandaríkjunum langaði aðeins að hrekkja liðsmenn sína og pumpa upp andann fyrir komandi leiktíð. Af því tilefni leigði hann lifandi krókódíl, kom með hann á æfingu og fékk krókódílatemjara til að klæða sig upp sem ruðningsmann og glíma við dýrið. Það fór þó ekki betur en svo að krókódílatemjarinn rann og datt í átökunum við dýrið og á svipstundu hafði krókódíllinn læst sig um lærið á honum. Ruðningsliðið fylgdist með í fullkominni skelfingu.

Erlent

Banvæn fagnaðarlæti á Ítalíu

Ekki hafa allar þjóðir sömu gæfu að fagna og Íslendingar, sem sluppu gegnum áramótin að mestu leyti stórslysalaust. Á Ítalíu dóu tveir og 561 maður slösuðust þegar gamla árið var sprengt burt með þúsundum tonna af ólöglegum flugeldum. Af þeim sem særðust voru 76 börn undir tólf ára aldri. Sprengjugleði Ítala á gamlárskvöld virðist eiga sér lítil takmörk, en þar, líkt og hér, er hefð að sprengja flugelda á gamlárskvöld. Um 2.000 þorp og bæir höfðu bannað flugelda í ár, en engu að síður gerði lögreglan þúsundir tonna af flugeldum upptæk, þar á meðal yfir þúsund sprengivörpur.

Erlent

Mest lesið