Fréttir

Vilja fjölga hólmum í Reykja­víkur­tjörn og frið­lýsa fjöru við Skerja­fjörð og Ægi­síðu

Stefnt er að því að klára friðlýsingarferli í Skerjafirði, fjölga hólmum á Tjörninni til þess að styrkja fuglalíf, fjölga trjám í borgarlandinu, tryggja börnum í grunnskólum kennslu í náttúrunni og að lífríki borgarinnar verði áfram vaktað. Þetta, og meira, er það sem lagt er til í nýrri stefnu borgarinnar um líffræðilegan fjölbreytileika.

Innlent

Fram­kvæmda­stjóri Hopp vill ráða sófakappana

Þeir sem halda því fram að unga kynslóðin sitji bara heima hjá sér í símanum geta tekið gleði sína á ný því tveir ungir menn í Reykjavík brugðu á leik nýverið og skelltu sófa á tvær rafskútur og rúntuðu um Laugardal öðrum til mikillar gleði og kátínu. Myndaband af uppátækinu rataði á TikTok en þar sjást þeir aka sófanum af mikilli færni eftir Leirulæk.

Innlent

Sjö vilja em­bætti skóla­meistara FB

Margrét Jónsdóttir Njarðvík, fyrrverandi rektor Háskólans á Bifröst, er á meðal sjö umsækjenda um embætti skólameistara Fjölbrautaskólans í Breiðholti. Listi yfir umsækjendur hefur verið birtur á vefsíðu Stjórnarráðsins.

Innlent

Stór hópur for­eldra taki skóla­skyldu ekki al­var­lega

Ragnheiður Stephensen grunnskólakennari í Garðaskóla gagnrýnir „niðurrifsumræðu“ um skólamál. Hún segir þurfa betri samræmd námsviðmið, betri námsgögn og að foreldrar taki ábyrgð á námi barna sinna. Allt of margir foreldrar sinni ekki námi barna sinna og taki þau jafnvel úr skóla í lengri tíma.

Innlent

Rúmeninn náði 160 milljónum króna af Arion banka

Arion banki er íslenska fjármálafyrirtækið sem varð fyrir barðinu á rúmenskum tölvuþrjóti í apríl. Hann nýtti sér villu í kerfi bankans til þess að millifæra á sig um 160 milljónir króna. Arion banki hefur endurheimt fjármunina að mestu leyti.

Innlent

Chat­GPT sagt hafa ráð­lagt byssumanni að myrða börn

Ekkja manns sem var drepinn í skotárás í Flórída í Bandaríkjunum halda því fram að spjallmennið ChatGPT hafi ráðlagt árásarmanninum að drepa börn til þess að vekja sem mesta athygli. Hún hefur stefnt eiganda spjallmennisins fyrir dómi.

Erlent

Hafna því að hanta­veiran hafi borist frá hjara veraldar

Yfirvöld í ferðamannabænum Ushuaia á syðsta odda Suður-Ameríku þræta fyrir að hópsýking hantaveiru eigi upptök sín í borginni. Argentínskir sérfræðingar telja mögulegt að veiran hafi borist í ferðamenn á vinsælum fuglaskoðunarstað í Ushuaia.

Erlent

Við­ræður virðast stranda á kjarnorkumálunum

Tillögur Írana um forsendur fyrir viðræðum um varanlegan frið eru sagðar fela í sér afléttingu hafnbanns Bandaríkjanna á Hormuz-sundi, afléttingu allra refsiagerða gegn Íran og tryggingu fyrir því að ekki verði gerðar frekari árásir á landið. Þá segir Wall Street Journal tillögurnar fela í sér skammvinnra bann gegn auðgun úrans en Bandaríkjamenn höfðu lagt til og útflutning aðeins hluta birgða Írana af auðguðu úrani.

Erlent

Ung­menni á „krossurum“ elt heim með dróna

Lögreglunni á höfuðborgarsvæðinu var tilkynnt um ungmenni á „krossurum“ í gærkvöldi eða nótt, þar sem þau voru sögð vera að „spæna upp gras“. Notast var við dróna til að fylgjast með þeim að heimili þeirra.

Innlent

Hafi svikið tugi milljóna úr ís­lenskum banka

Rúmenskur karlmaður hefur verið handtekinn í heimalandi sínu þar sem hann er grunaður um að nýta sér veikleika í kerfi íslensks banka í lok apríl til að millifæra á sig umtalsverðar fjárhæðir ólöglega. Áætlað tjón nemur um 57 milljónum króna. Hann verður framseldur til Íslands.

Innlent

Golfkúlum rigndi yfir bílaumboð og ekki í fyrsta sinn

Ungmenni í golfi á golfvelli Golfklúbbs Reykjavíkur léku sér á æfingabásum vallarins að því að dræva golfkúlum yfir Krókhálstjörn og inn á bílastæði þjónustuverkstæðis Öskju við samnefnda götu. Forstjóri Öskju segir nokkra bíla hafa orðið fyrir kúlu með tilheyrandi tjóni.

Innlent

Sé gríðar­lega nei­kvætt fyrir sam­fé­lagið í heild sinni

Í nýjasta þætti af Ísland í dag var ferðinni heitið á Austurland. Þar virðist sem samgöngumál, þá sérstaklega áform um Fjarðarheiðargöng, brenni á íbúum. Annars var algengt að fólk nefndi skipulagsmál, þjónustu við aldraða og skólamál aðspurt hvað væri aðkallandi. Í kjölfar breytinga á tilhögun leikskólavistar í Fjarðabyggð hafa konur tekið á sig að minnka starfshlutföll sín.

Innlent

Bilið breikkar og breikkar með árunum

Dósent við Háskóla Íslands segir rannsóknir sýna að læsi íslenskra barna hafi hrakað meira á árunum 2018 til 2022 en frá aldamótum til 2018. Málskilningur sé í frjálsu falli sem geri það að verkum að börn nái ekki að tileinka sér nokkuð annað.

Innlent

„Engar raun­veru­legar breytingar sem hafa átt sér stað“

„Ég held að þetta hafi verið tilraun dómsmálaráðuneytisins til að koma málinu í gegn af því að fólki fannst þetta ekki þægileg tilhugsun, að börn yrðu vistuð í lokuðu úrræði með alls konar hópum af fólki. En þetta er klárlega ekki boðlegt, sama hvað, að frelsissvipta börn.“ 

Innlent

Fyrr­verandi ráð­herra vill þvinga fram leiðtogakjör

Taumhald Keirs Starmer forsætisráðherra Bretlands á Verkamannaflokkinum virðist ætla að renna honum úr greipum og stemningin innanbúðar nálgast suðupunkt eftir afhroð í sveitarstjórnarkosningum í vikunni. Fyrrverandi ráðherra hefur nú gengið fram fyrir skjöldu og skorað á Starmer að víkja.

Erlent

„Ég get sýnt þér leiðina að árangri en það er þitt að fara hana“

Friðrik Ellert Jónsson hefur starfað sem sjúkraþjálfari í tæplega þrjátíu ár. Á þeim tíma hefur hann meðal annars starfað sem sjúkraþjálfari íslenska karlalandsliðsins í fótbolta, á gullaldarárum liðsins sem fór á EM og HM, og hjá liði Nottingham Forest í ensku úrvalsdeildinni. Tæknin gerir honum kleift að hjálpa fleirum sem bíða í röðum eftir að komast að hjá sjúkraþjálfara.

Innlent

Læsi, ESB-leyni­makk, Land­eyja­höfn og hús­næðis­mál

Sprengisandur er á sínum stað á Bylgjunni í dag en þar fær Kristján Kristjánsson þáttastjórnandi til sín góða gesti og ræðir við þá samfélagsmálin sem brenna á þjóðinni. Í dag ræðir hann þróun læsis á Íslandi, tímasetningar þjóðaratkvæðagreiðslu um framhald aðildarviðræðna, úrbætur í húsnæðismálum og starfsemi Landeyjahafnar.

Innlent

Fyrstu far­þegar hantaveiruskipsins farnir frá borði á Tenerife

Skemmtiferðaskipið MV Hondius lagðist við höfn á Tenerife klukkan hálf sex í morgun og hafa fyrstu farþegar farið frá borði. Það hafði verið ágreiningur meðal yfirvalda allt fram á síðustu stundu um hvernig þetta ferli ætti að fara fram en höfnin var valin vegna þess hversu afskekkt hún er þrátt fyrir að vera nálægt flugvelli. Allir um borð skipsins hafa verið skimaðir og reyndust allir einkennalausir.

Erlent

Hand­tekinn á skemmti­stað með þrjú ung­menni

Ýmislegt gekk á í nótt og hafði lögreglan afskipti af fjölda ungmenna af mismunandi ástæðum. Fullorðinn maður var handtekinn á skemmtistað en með honum voru þrjú ungmenni undir aldri og var haft samband við foreldra þeirra. Maður var ofurölvi og hafði sofnað á tröppum veitingastaðar í Reykjavík en hann var vakinn og hélt í kjölfarið sína leið.

Innlent

Mest lesið