Fréttir

Hryðjuverkamönnunum grunuðu sleppt úr haldi

Lögreglan í Bretlandi hefur sleppt úr haldi fimm mönnum sem grunaðir eru um að hafa brotið lög um sprengiefni og eru grunaðir um skipulagningu hryðjuverks. Mennirnir voru handteknir nærri stórri breskri herstöð á sunnudaginn en verður sleppt gegn tryggingu en yfirmaður hryðjuverkalögreglu Bretlands segir að þeir verði undir nánu eftirliti og takmarkanir settar á ferðir þeirra og samskipti við aðra.

Erlent

Ekki á­kveðið hvort lagareldisfrumvarpið verði endur­flutt

Engin ákvörðun hefur verið tekin um hvort lagareldisfrumvarpið verði lagt fram að nýju. Frumvarpið er ekki á dagskrá yfirstandandi löggjafarþings, þótt í atvinnustefnu ríkisstjórnarinnar hafi verið stefnt að lagasetningu um bæði sjókvíaeldi og landeldi vorið 2026.

Innlent

Starship á spor­braut í fyrsta sinn

Starfsmönnum SpaceX hefur tekist að koma geimfarinu Starship á sporbraut í fyrsta sinn. Geimfarið hefur þó nokkrum sinnum verið sent kringum jörðina en aldrei eins hátt og það fór í dag. Þar var geimskipið notað til að koma 26 nýjum Starlink-gervihnöttum á braut um jörðu.

Erlent

Furðar sig á tali um taktík með gjaldahækkanir

Það væri undarleg taktík að boða 5,2 prósenta gjaldahækkanir til að fá sveitarfélög, atvinnurekendur og verkalýðsfélög að samningaborðinu um minni hækkanir, að mati Almars Guðmundssonar, formanns Sambands íslenskra sveitarfélaga. Hann vill að ríkið fylgi fordæmi sveitarfélaganna og takmarki hækkanirnar við 2,5 prósent.

Innlent

Allir mennirnir breskir ríkis­borgarar

Mennirnir fimm sem handteknir voru vegna gruns um að þeir væru að skipuleggja hryðjuverkaárás á breska herstöð á sunnudaginn eru allir breskir ríkisborgarar. Þeir búa allir í mismunandi hlutum Lundúna og eru á bilinu 23 til 25 ára gamlir.

Erlent

Harðari tónn en áður hafi verið sleginn

Ræða Þorgerðar Katrínar Gunnarsdóttur utanríkisráðherra á allsherjarþingi Sameinuðu þjóðanna þar sem hún beindi spjótum sínum að Benjamín Netanyahu forsætisráðherra Ísraels hefur vakið mikla athygli. Stjórnmálafræðingur segir ræðuna í takti við íslenska utanríkisstefnu, þó í henni megi finna harðari tón en áður hafi verið sleginn.

Innlent

Spurði Xi hvort hann vildi kaupa banda­rísk vopn

Donald Trump spurði Xi Jinping hvort hann hefði áhuga á því að kaupa bandarísk vopn og hergögn. Þessari spurningu varpaði Trump fram á fundi forsetanna í Washington DC í síðustu viku og var markmiðið að réttlæta yfirstandandi vopnasölu til Taívan, sem Kínverjar gera tilkall til.

Erlent

Sjö sakaðir um að nauðga sam­nemanda klukku­stundum saman

Saksóknarar í New York-ríki hafa ákveðið að taka aftur upp rannsókn á hópnauðgun sem á að hafa átt sér stað við Cornell-háskóla í Bandaríkjunum árið 2024. Þolandi höfðaði fyrr í þessum mánuði einkamál. Málið hefur vakið mikla athygli og reiði en sjö ungir menn eru sakaðir um að hafa nauðgað konunni í sameiningu klukkustundum saman og að hafa deilt upplýsingum um það á samfélagsmiðlum í þeim tilgangi að hvetja aðra til að taka þátt. 

Erlent

Ekið á fimm ára barn á hjóli

Lögreglunni á Suðurlandi barst í gær tilkynning um ökumann sem ók á fimm ára barn. Atvikið átti sér stað í Hveragerði og var barnið á hjóli þegar ekið var á það.

Innlent

Vilja form­lega af­sökun frá Selenskí

Ráðamenn í Suður-Kóreu hafa farið fram á að kollegar þeirra í Úkraínu biðji þá formlega afsökunar. Er það eftir að Vólódímír Selenskí sagði frá því að norðurkóreskir hermenn sem voru handsamaðir í Kúrsk í Rússlandi hefðu viljað fara til Suður-Kóreu og voru sendir þangað. Lee Jae Myung, forseti Suður-Kóreu, segir að með því að segja frá þessu hafi Selenskí brotið gegn samkomulagi milli ríkjanna.

Erlent

Mannasaur og hanskar um allar koppagrundir

„Það er líka mannasaur og mikið af blautþurrkum af því að fólk fer í útivist og vill vera tandurhreint. Þá fer það með fullan poka af Kleenex. Það skilur þetta eftir út um allar koppagrundir.“

Innlent

„Að­gerða­leysið og getu­leysið er al­gjört hjá stjórn­völdum“

Hrannar Björn Arnarsson, framkvæmdastjóri ADHD samtakanna og Bóas Valdórsson, varaformaður samtakanna og framkvæmdastjóri Sjónarhóls, ráðgjafamiðstöðvar, kalla eftir viðbrögðum og plani frá stjórnvöldum til að bregðast við löngum biðlistum barna eftir greiningu vegna ADHD. Þúsundir barna og fullorðinna bíða og vandinn þyngist bara á meðan biðin lengist.

Innlent

Segist hafa gefist upp á stjórnar­myndun í Sví­þjóð

Magdalena Andersson formaður Jafnaðarmannaflokksins í Svíþjóð segist hafa gefist upp á stjórnarmyndun til vinstri eftir að Vinstriflokkurinn á sænska þinginu hafnaði tillögu Jafnaðarmanna að þingforseta. Þess í stað ákvað flokkurinn að styðja tillögu hægriflokka að þingforseta.

Erlent

Skil næstu lægðar nálgast

Búast má við því að veður í dag verði svipað og um helgina, norðan strekkingur og vætusamt á Vestfjörðum, annars mun hægari og úrkomulítið og sums staðar all bjart yfir. Seint í nótt mæta skil næstu lægðar að suðurströndinni.

Innlent

Rann­saka mögu­leg tengsl Íran við meinta hryðju­verka­menn

Breska hryðjuverkalögreglan rannsakar nú hvort Íran standi að baki meintum sprengjuáformum eftir að vopnaðir lögreglumenn fundu sprengiefni í þremur sendibílum sem lagt hafði verið í nokkurra mínútna fjarlægð frá herstöð Bandaríkjanna í Fairford í Gloucestershire í Bretlandi í gær. Bandaríski flugherinn hefur notað herstöðina í aðgerðum gegn Íran samkvæmt frétt Guardian.

Erlent

Að­eins samninga­viðræður geti leyst deiluna

Stjórnvöld í Íran segja að deilan við Bandaríkin og Ísrael verði aðeins leyst með diplómatískum leiðum. Þetta kom fram í máli Abbas Araghchi utanríkisráðherra Íran í gær, degi eftir að Donald Trump lýsti því yfir að hann hafi hafnað tillögu Írana um að opna Hormússund og binda enda á átökin.

Erlent

Til­kynnt um tvær líkams­á­rásir

Einn var í nótt eða gærkvöldi handtekinn vegna líkamsárásar í hverfi 105. Greint er frá því í dagbók lögreglu í dag. Þar kemur fram að maðurinn hafi verið vistaður í fangaklefa. Einnig var óskað aðstoðar lögreglu vegna líkamsárásar í hverfi 101. Í dagbók kemur fram að gerandi hafi flúið af vettvangi áður en lögregla kom.

Innlent

For­seti Serbíu segir af sér í skugga mót­mæla

Aleksandar Vucic forseti Serbíu hefur sagt af sér en mótmæli hafa dunið á honum og ríkisstjórninni síðustu árin. Hann hafði setið sem forseti frá árinu 2014 og voru sjö mánuðir eftir af fimm ára kjörtímabilinu sem hófst árið 2017 þegar hann tilkynnti afsögn sína.

Erlent

Tvö lík fundin eftir að snjóðflóð lenti á búðum

Tveir eru látnir og í það minnsta átta manns er enn saknað eftir að snjóflóð féll á grunnbúðir í Himalajafjöllum þar sem hópur fjallgöngufólks hafði komið sér fyrir. Hópurinn var skipaður nepölskum ríkisborgurum, þar á meðal fjallgöngumönnum og aðstoðarfólki, sem hafði verið sendur á undan erlendum fjallgöngumönnum til að undirbúa búðirnar og festa línur í fjallinu.

Erlent

Yfir­gefa heimili sín og flykkjast í neyðarskýlin

Þúsundir hafa neyðst til að yfirgefa heimili sín í höfuðborg Taílands vegna flóða en útlit er fyrir að það fari að draga úr rigningu á svæðinu. Neyðarskýli hafa verið sett upp víða um borgina og vegum hefur verið lokað en unnið er að því að veita vatni burt eins fljótt og auðið er.

Erlent

Góð­kunningi lög­reglunnar grunaður um líkams­á­rás

Lögreglu á stöð eitt barst tilkynning um líkamsárás í miðbæ Reykjavíkur í morgun eða í dag. Þegar laganna verði bar að garði var gerandinn farinn af vettvangi en þó telur lögreglan sig vita um hvern ræðir og er málið í rannsókn. Ekki liggur fyrir um hversu alvarlega áverka var að ræða.

Innlent

Mest lesið