Þrengra um vik að leiðrétta laun vegna efnahagsástands

3. september 2008 13:57

Árni Mathiesen fjármálaráðherra segir að vegna stöðunnar í efnahagsmálum sé þrengra um vik að gera leiðréttingar á launum ríkisstarfsmanna eins og ljósmæðra. Þetta kom fram við fyrirspurnartíma á Alþingi nú eftir hádegið þar sem yfirvofandi verkfall ljósmæðra var rætt.

Ljósmæður fjölmenntu á þingpalla nú klukkan hálftvö en aðeins um 30 þeirra fengu inngöngu þar sem ekki var pláss fyrir fleiri. Vakti það nokkra reiði meðal þeirra.

Katrín Jakobsdóttir, varaformaður Vinstri - grænna, spurði fjármálaráðherra út í stöðuna. Hún benti á að samkvæmt bjartsýnustu spám fari 44 prósent ljósmæðrastéttarinnar á eftirlaun. Spurði hún hvernig ríkisstjórnin hygðist efna ákvæði stjórnarsáttmálans um að endurmeta störf kvenna hjá hinu opinbera. Enn fremur spurði hún hvaða umboð ríkisstjórnin hefði veitt samninganefnd ríkisins í málinu.

Árni M. Mathiesen sagði að tekist hefði nokkuð átakalaust að semja við flestar stéttir á þessu ári en einungis örfáar stéttir hefðu talið sig þurfa að leita eftir betri samningum en náðst hefðu fram. Ekki væri óeðlilegt að taka tillit til einstakra starfsstétta þó að mest af svigrúmi væri í stofnanasamningum en ekki miðlægum samningum.

Samningar hugsanlega markast af efnahagsástandi

Þá sagði ráðherra að samningar á árinu hefðu hugsanlega markast af ástandi efnahagslífsins og einnig því að samningarnir væru til skamms tíma. Slíkir samningar væru síður til þess fallnir að gera miklar breytingar á kjörum hópa. Hann vonaðist þó til að aðilar næðu saman áður en til verkfalls kæmi, en það hefst í kvöld.

Benti Katrín þá á að ljósmæður ynnu mjög dýrmæti störf og hér væri um leiðréttingu á launum ljósmæðra að ræða og loforð í stjórnarsáttmála. Vísaði hún til orða formanns Samfylkingarinnar um að aðeins þyrfti vilja til að leiðrétta kynbundinn launamun.

Fjármálaráðherra sagðist vel meðvitaður um stjórnarsáttmálann en benti á að í þeim samningum sem þegar hefðu verið gerðir hefðu náðst áfangar. Þá væri ríkisstjórnin með ákveðna hluti í farvatninu og áfangaskýrsla þar um yrði skilað í haust. Enginn væri að misvirða störf ljósmæðra en staða væru sú að þrengra væri um vik að gera jafnvel leiðréttingar.

Forsvarsmenn Ljósmæðrafélags Íslands afhentu áðan heilbrigðisnefnd Alþingis skjal þar sem farið er yfir kjarabaráttu þeirra. Þar kemur meðal annars fram að meðalgrunnlaun ljósmæðra séu um 306 krónur eða rúmlega 70 þúsund krónum lægri en meðalgrunnlaun sex efstu félaga BHM. Ljósmæður munu einnig dreifa því til alþingismanna.

Tengdar fréttir

Hjúkrunarráð LSH hefur áhyggjur af verkfalli ljósmæðra

Hjúkrunarráð LSH hefur sent frá sér ályktun þar sem lýst er áhyggjum af boðuðu verkfalli ljósmæðra í september og af þeim afleiðingum sem verkfallið hefur fyrir barnshafandi konur og fjölskyldur þeirra.

3. september 2008 08:27

Konur á steypinum krefja Árna um efndir

Tuttugu verðandi mæður skrifa Árna Matthiesen, fjármálaráðherra, opið bréf í dag vegna yfirvofandi verkfalls ljósmæðra. Fyrsta verkfallið hefst á miðnætti á í kvöld og stendur í tvo sólarhringa.

3. september 2008 10:26

Ljósmæður ganga á fund heilbrigðsnefndar

Forsvarsmenn Ljósmæðrafélags Íslands ganga á nú í hádeginu á fund heilbrigðisnefnar Alþingis þar sem ræða á verkfallsaðgerðir þeirra sem hefjast á miðnætti í kvöld.

3. september 2008 12:25

Ljósmæður sjá enga viðleitni hjá samninganefnd ríkisins

„Við sjáum bara enga viðleitni hjá samninganefnd ríkisins til að vilja leysa þessa deilu og erum svartsýnar á að hún leysist á næstu dögum,“ sagði Guðlaug Einarsdóttir, formaður Ljósmæðrafélags Íslands

31. ágúst 2008 18:27

Samfylkingarkonur skora á ríkisstjórnina vegna kjaradeilu

Kvennahreyfing Samfylkingarinnar lýsir yfir þungum áhyggjum vegna kjaradeilu ríkisins og ljósmæðra. Einnig lýsir hreyfingin yfir þungum áhyggjum af öryggi fæðandi kvenna og nýbura.

2. september 2008 16:22

Verkfall ljósmæðra að veruleika á miðvikudag

Verkfall ljósmæðra verður að veruleika eftir að fundur þeirra með samninganefnd ríkisins í dag reyndist árangurslaus. Fundurinn hófst klukkan tvö og lauk um klukkustund síðar og hefur næsti fundur verið boðaður á fimmtudag. „Við erum því miður í þeim aðstæðum að skipuleggja verkfallsaðgerðir," segir Guðlaug Einarsdóttir, formaður Ljósmæðrafélags Íslands.

1. september 2008 16:21

Reyna að tryggja fæðingarhjálp á Suðurlandi

Reynt verður að tryggja fæðingarhjálp á fæðingardeildinni á Selfossi þrátt fyrir boðað verkfall ljósmæðra 4. og 5. september. Þetta kemur fram í tilkynningu frá Magnúsi Skúlssyni, forstjóra Heilbrigðisstofnunar Suðurlands.

2. september 2008 16:05

Enn erfið fæðing hjá ljósmæðrum

Fimmti samningafundur ljósmæðra og ríkisins hjá sáttasemjara hófst fyrir stundu. Takist ekki samningar um laun ljósmæðra hefjast boðaðar verkfallsaðgerðir á fimmtudag.

31. ágúst 2008 13:14

Samningafundur hjá ljósmæðrum og ríkinu að hefjast

Samningafundur milli ljósmæðra og ríkisins hefst hjá ríkissáttasemjara klukkan tvö.

1. september 2008 13:45

Öryggi verður tryggt komi til verkfalls ljósmæðra

Mönnun á fæðinga- og sængurlegudeild Landspítala verður með eðlilegum hætti komi til aðgerða ljósmæðra og neyðarþjónusta yrði veitt í heimabyggð svo sem lög kveða á um. Þetta kemur fram í tilkynningu sem heilbrigðisráðuneytið sendi frá sér fyrir stundu.

2. september 2008 17:31

Einhugur á félagsfundi ljósmæðra

Ljósmæður sjá fram á að þurfa að beita þeim neyðarrétti sem verkfallsaðgerðir eru en vilji ljósmæðra er eftir sem áður að semja sem fyrst. Þetta segir í ályktun sem samþykkt var við dynjandi lófatak á félagsfundi Ljósmæðrafélagsins nú undir kvöld.

1. september 2008 21:45

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.