Uppgjör Danske Bank veldur vonbrigðum

Danske Bank náði hagnaði upp á 1,7 milljarða danskra kr. eða um 40 milljörðum kr. eftir skatta í fyrra. Uppgjörið fyrir árið sem bankinn birti í morgun veldur vonbrigðum þótt að hagnaður bankans aukist nokkuð frá hryllingsárinu 2008 þegar hann nam einum milljarði danskra kr.

Hver starfsmaður hjá Skagen fær 21 milljón í bónus

Hver einasti starfsmaður norska félagsins Skagen AS mun fá minnst eina milljón norskra kr. eða ríflega 21 milljón kr. í bónus fyrir síðasta ár. Skagen AS rekur þrjá hlutabréfa og verðbréfasjóði og gekk þeim það vel að hagnaður eftir skatta á síðasta ári nam 582 milljónum norskra kr. eða um 12 milljörðum kr.

Seðlabanki Noregs heldur óbreyttum vöxtum

Seðlabanki Noregs, Norges Bank, hélt stýrvöxtum sínum óbreyttum í 1,75% á vaxtaákvörðunardegi í dag. Þetta er í takt við væntingar sérfræðinga.

Rússar slógust um Picasso málverk á uppboði

Rússneskir kaupendur slógust um málverk eftir Picasso á uppboði hjá Christie´s í London í vikunni. Hin ákafa barátta um verkið, sem er Tete de Femme frá árinu 1963, olli því að það var slegið á 8,1 milljón punda eða nokkuð yfir 1,6 milljarða kr.

Brynvörðum peningaflutningabíl breytt í lúxuslimmósínu

Neyðin kennir naktri konu að spinna segir máltækið og það á vel við um eigendur fyrirtækis í Dallas Texas sem sérhæfir sig í flutningum á peningum milli staða í brynvörðum bílum. Viðskiptin hafa dalað mikið í kreppunni og því greip fyrirtækið til þess ráð að breyta bílum sínum í lúxuslimmósínur fyrir hina frægu og ríku.

Skuldabréfaútgáfa ManU orðin verulegt klúður

Þeir fjárfestar sem tóku þátt í 500 milljóna punda skuldabréfaútgáfu enska úrvalsdeildarliðsins Manchester United (ManU) sitja nú eftir með sárt ennið. Verð á þessum skuldabréfum hefur hríðfallið á þeim tveimur vikum sem liðnar eru frá útgáfunni.

Þráðlaust rafmagn og þrívíddarsjónvarp

„Sýningin var vel heppnuð og er orðin nokkuð stór, en þarna voru um 120 þúsund manns,“ segir Björn Gunnar Birgisson, yfirvörustjóri PC tölva og íhluta hjá Nýherja. Hann sótti heim CES-raftækjasýninguna sem haldin er í Las Vegas í Bandaríkjunum í janúar ár hvert. Þar keppast framleiðendur um að kynna „tækni framtíðarinnar“.

Aftur til framtíðar í efnahagsmálum

Helstu hugmyndir Baracks Obama Bandaríkjaforseta um yfirhalningu bankakerfisins eru sóttar í smiðju Paul Volcker, fyrrverandi seðlabankastjóra Bandaríkjanna. Volcker var tvímælalaust farsælasti seðlabankastjórinn á 20. öld og meðal þeirra fyrstu til að vara við ágöllum þess sem við kölluðum „hið nýja og góða fjármálakerfi“.

Toyota reiknar með samdrætti

Samdráttur í sölu vegna innköllunar á bílum vegna galla í bensíngjöf nýrra Toyota-bíla kann að verða meiri en vegna fyrri innkallana, að sögn framkvæmdastjóra Toyota Motor Corp., Shinichi Sasaki. Hann segir þetta vera vegna þess að gallinn sé alvarlegri en áður hafi þekkst hjá fyrirtækinu.

Reuters: Actavis í kjörstöðu að eignast Ratiopharm

Í nýrri frétt á Reuters kemur fram að Actavis sé nú komið í kjörstöðu til að eignast þýska samheitalyfjafyrirtækið Ratiopharm. Bandaríski lyfjarisinn Pfizer sé dottinn út úr kaupferlinu og Teva frá Ísrael ætli sér í mikinn niðurskurð á starfsfólki í Þýskalandi sem hugnist ekki eigendum Ratiopharm.

Sænskum bönkum blæðir út í Eystrasaltslöndunum

Samkvæmt útreikningum Riksbanken það er sænska seðlabankans munu sænsku bankarnir SEB, Swedbank og Nordea tapa 120 milljörðum sænskra kr. eða tæplega 2.200 milljörðum kr. í Eystrasaltslöndunum samanlagt árin 2009 og 2010.

Verðlækkanir á hrásykri framundan, sykurbólunni lokið

Verðlækkanir á hrásykri eru framundan og telja sérfræðingar að sykurbólunni sem verið hefur á markaðinum allt síðasta ár sé lokið. Verð á hrásykri náði rúmum 30 sentum á pundið í síðasta mánuði og var það hæsta verð sem fengist hefur síðan í janúar 1981 eða fyrir 29 árum.

Þýskaland og Sviss á leið í skattastríð

Þýsk stjórnvöld hafa lýst yfir áhuga sínum á því að taka tilboði tölvusérfræðings sem hefur boðið þeim lista með nöfnun 1.500 Þjóðverja sem eiga leynilega reikninga í svissneskum bönkum. Þetta hefur vakið nokkuð hörð viðbrögð af hálfu svissneskra stjórnvalda.

IKEA í stórsókn á danska markaðinum

Sænski húsgagnarisinn IKEA er í stórsókn í Danmörku og hefur náð til sín fjölda viðskiptavina frá samkeppnisaðilum sínum á danska markaðinum. IKEA hyggur á frekari vöxt á þessum markaði og ætlar að nýta sér kreppuna til að stinga lengra af frá keppinautum sínum.

Ráðherra varar við falli UBS bankans í Sviss

Eveline Widmer-Schlumpf dómsmálaráðherra Sviss hefur varað við því að UBS bankinn gæti fallið. Framtíð bankans mun ráðast af viðkvæmum samningaviðræðum sem eru í gangi í Bandaríkjunum í tengslum við umfangsmikla rannsókn á skattsvikum þar í landi.

Dr. Doom óttast fasteignabólu í Noregi

Hagfræðiprófessorinn Nouriel Roubini, betur þekktur sem dr. Doom, óttast að fasteignabóla sé í uppsiglingu í Noregi. Þetta kom fram í ræð sem hann hélt á ráðstefnu í Osló en þangað flaug prófessorinn beint frá Davos í Sviss.

Fjármagn flæðir út úr Evrópu á methraða

Fjárfestar eru að draga fé sitt út úr Evrópu á methraða á sama tíma og seðlabankar draga úr evrukaupum sínum. Þetta þýðir að evran sem gjalderyisforðamynt er langt frá því að fella dollarann úr sessi.

Álverð fellur á heimsmarkaði eins og aðrar hrávörur

Álverðið á markaðinum í London hefur fallið töluvert undanfarnar tvær vikur og er komið niður í 2.095 dollara á tonnið miðað við þriggja mánaða framvirka samninga. Hæst fór verðið í rúma 2.300 dollara fyrrrihluta janúarmánaðar.

Sænska öryggislögreglan og FBI stoppuðu söluna á Saab

Í ljós hefur komið að sænska öryggislögereglan og bandaríska alríkislögreglan FBI stoppuðu söluna á Saab í desember s.l. Ástæðan voru tengsl Antonovgroup við skipulagða glæpastarfsemi í Rússlandi. Salan fór síðan fram í þessum mánuði eftir að Antonovgroup var komin úr kaupendahópnum.

Stjórnendur Toyota fara í sérstakt fjölmiðlaátak

Stjórnendur Toyota framleiðandans eru að fara af stað með sérstakt fjölmiðlaátak í Bandaríkjunum til þess að bæta ímynd bílanna.

Telur að Rússar hafi ætlað að knésetja húsnæðislánarisa

Hank Paulson, fyrrverandi fjármálaráðherra Bandaríkjanna fullyrðir í ævisögu sinni sem kemur á morgun að Rússar hafi lagt til við Kínverja að ríkin myndu selja skuldabréf sín gefin út af bandarísku húsnæðislánarisunum Fannie Mae og Freddie Mac og þannig knésetja fyrirtækin.

Peugeot innkallar einnig bíla

Franska bílaframleiðslufyrirtækið Peugeot ákvað í gærkvöldi að innkalla tæplega 100 þúsund bifreiðir af gerðinni Peugeot 107s og Citroen C1s. Fyrirtækið gerir þetta af sömu ástæðum og Toyota innkallaði bifreiðar á föstudag eftir að gallar í eldsneytisgjöf komu í ljós. Talið er að kalla þurfi inn fimm þúsund Toyota-bifreiðar hér á landi en allt að 1,8 milljónir bifreiðar í Evrópu vegna þessa.

Hagvöxtur í Bandaríkjunum 5,7% í lok síðasta árs

Hagvöxtur í Bandaríkjunum nam 5,7% á fjórða ársfjórðungi síðasta árs og hefur hann ekki verið meiri undanfarin sex ár. Markaðir á Wall Street hafa verið í mikilli uppsveiflu eftir að fregnin barst út í dag.

Ben Bernanke endurkjörinn seðlabankastjóri

Bandaríska öldungadeildin kaus í dag um hvort Ben S. Bernanke skyldi fá að vera seðlabankastjóri Bandaríkjanna næstu fjögur árin. Bernanke hlaut góða kosningu en 70 öldungardeildarþingmenn vildu hafa hann áfram í embætti en 30 voru á móti.

Google eignast óskilgetna systur í Kína

Í kjölfar þess að Google leitarvélin hótaði að yfirgefa Kína vegna ritskoðunnar hefur leitarvélin eignast óskilgreinda systur í landinu. Um er að ræða eftirlíkingu af Google undir nafninu Goojje.

Bos sér ekki tilgang með sáttasemjara í Icesavemálinu

Wouter Bos fjármálaráðherra Hollands segir að hann sjá ekki tilgang með því að skipa sáttasemjara í Icesave málinu.

Mútuþægnir embættismenn flækjast fyrir í grísku skuldasúpunni

Mútuþægnir opinberir starfsmenn í Grikklandi eru meðal þess sem gerir landinu erfitt fyrir að ná sér upp úr skuldasúpunni sem það svamlar í þessa dagana. Mútuþægni er orðin það landlæg með grískra embættismanna að litið er á þennan glæp sem eðlilega hegðun meðal þjóðarinnar.

Mikill samdráttur í sölu JJB Sports, forstjórinn hættir

Mikill samdráttur varð á heildarsölu íþróttaverslunarkeðjunnar JJB Sports á síðasta ári eða 51% miðað við árið á undan. Heldur hefur dregið úr samdrættinum í ár. Á fyrstu þremur vikum janúar var salan 21% minni en á sama tímabili í fyrra.

Kalla inn 6,5 milljónir bíla

Toyota í Bandaríkjunum hefur innkallað 6,5 milljónir bíla, bæði nýja og notaða, vegna hugsanlegs galla sem veldur því að bensíngjöf þeirra stendur á sér og gæti átt til að festast. Frá þessu er greint á vef Félags íslenskra bifreiðaeigenda, FÍB.

Bílflak af botni stöðuvatns selt á tæpar 50 milljónir

Sagan er ævintýri líkust en eftir að hafa legið í 73 ár á botni stöðuvatns var bílflak selt á uppboði í París fyrir 48 milljónir kr. Hinsvegar verður að geta þess að umrætt bílflak var af gerðinni Bugatti Type 22.

Stórir danskir bankar fjármagna glæpasamtök

Fleiri af stærstu bönkum Danmerkur hafa lagt fjármagn í fasteignakaup og rekstur þekktra meðlima mótorhjóla/glæpasamtakana Hells Angels og Bandidos. Bankarnir hafa einkum verið duglegir að fjármagna klúbbhús þessara samtaka víða í landinu.

SAAB loksins selt

Loksins sér fyrir endan á sögunni endalausu um framtíð SAAB, sænska bílaframleiðandans. Bandaríski bílarisinn General Motors staðfesti í dag að SAAB verði selt til hollenska sportbílaframleiðandans Spyker. Í rúmt ár hefur GM reynt að selja sænska fyrirtækið og fyrr í mánuðinum var það gefið út að verksmiðjum SAAB yrði lokað.

SFO með húsleitir á tveimur stöðum í Bretlandi

Efnahagsbrotadeild bresku lögreglunnar eða Serious Fraud Office (SFO) fór í húsleitir á tveimur stöðum í Bretlandi, það er í London og Lincoln-héraði. Farið var inn á skrifstofur Exista og Bakkavarar á þessum stöðum.

Breskir þingmenn vilja ekki endurtekningu á Icesave

Breskir þingmenn vilja að fjármálaeftirlitinu þar í landi verði færð aukin völd til að fylgjast með fyrirtækjum sem ráðleggja sveitarfélögum að ávaxta sparifé. Þingmennirnir vilja ekki að Icesave endurtaki sig, en sveitarfélög, opinberir aðilar og góðgerðarsamtökum töpuðu nær 200 milljörðum kr. á reikningunum.

SFO rannsakar hluti Exista í JJB Sports

Starfsfólk sérstaks saksóknara ásamt starfsfólki Serious Fraud Office í Bretlandi gerði húsleit hjá Exista klukkan níu í morgun samkvæmt tilkynningu frá fyrirtækinu.

Enska biskupakirkjan tapar stórt á fasteignabraski í New York

Enska biskupakirkjan hefur tapað 40 milljónum punda eða rúmlega 8 milljörðum kr. á hörmulegum fasteignakaupum í New York. Talsmaður kirkjunnar segir að búið sé að afskrifa þessa upphæð að fullu í bókhaldi kirkjunnar og nú sé verið að fara yfir hvaða lærdóma megi læra af málinu.

Hagvöxtur á ný í Bretlandi

Hagfræðingar spá því að tölur fyrir fjórða ársfjórðung síðasta árs, sem birtar verði í dag sýni hagvöxt í fyrsta skipti frá því samdráttarskeið hófst í Bretlandi á öðrum ársfjórðungi tvöþúsund og átta.

Alþjóðlegir fjárfestar berjast um grísk ríkisskuldabréf

Þrátt fyrir að traust alþjóðafjármálakerfisins á Grikklandi hafi hrapað undanfarna mánuði kemur slíkt ekki í veg fyrir að fjárfestar berjast nú um kaup á grískum ríkisskuldabréfum. Ástæðan er hinir háu vextir sem eru í boði.

Goldman Sachs setur þak á bónusgreiðslur

Stjórn bandaríska fjárfestingarbankans Goldman Sachs hefur beygt sig fyrir pólitískum þrýstingi og ákveðið að setja þak á bónusgreiðslur til starfsmanna sinna í Bretlandi.

Mótorhjólasamtök áberandi í dönskum fyrirtækjarekstri

Danska lögreglan og skattayfirvöld standa nú fyrir umfangsmiklum rannsóknum á fyrirtækjarekstri mótorhjólasamtaka á borð við Hells Angels og Bandidos í Danmörku. Meðlimir þessara samtaka hafa verið áberandi í dönskum fyrirtækjarekstri á síðustu árum.

Betra uppgjör flugrisa

AMR, móðurfélag bandaríska flugfélagsins American Air­lines, tapaði 1,5 milljörðum Bandaríkjadala í fyrra, jafnvirði rúmra 190 milljarða íslenskra króna. Þrátt fyrir gríðarlegt tap er þetta sex hundruð milljóna dala bati frá 2008.

Vinsældir Afríku aukast

Afríka er farin að þykja mjög álitlegur staður fyrir ferðamenn. Ástæðan er annars vegar sú athygli sem álfan hefur fengið vegna afrísks uppruna Baracks Obama, forseta Bandaríkjanna, og hins vegar að Heimsbikarinn verður haldinn þar í ar.

Verðmætustu eignir Singer & Friedlander til sölu

Verðmætustu eignir úr þrotabúi Singer & Friedlander, sem var dótturfélag Kaupþings.

Stofnendur Google leysa til sín tæpa 700 milljarða

Stofnendur Google, þeir Larry Page og Sergey Brin, ætla að selja hlutabréf í sinni eigu í Google fyrir 5,5 milljarða dollara eða tæpa 700 milljarða kr. á næstu fimm árum. Við þetta minnkar eignarhlutur þeirra í Google úr 59% og niður í 48%.

Óvissa um framtíð Bernankes

Óvissa ríkir um hvort þingmenn Öldungadeildar Bandaríkjaþings staðfesti val á Ben Bernanke sem seðlabankastjóra Bandaríkjanna.