Hagnaður Bank of America langt yfir væntingum

Stærsti banki Bandaríkjanna, Bank of America, birti uppgjör sitt fyrir fyrsta ársfjórðung ársins í dag. Hagnaður bankans reyndist vera langt yfir væntingum greinenda og sérfræðinga. Bankinn er sá fjórði af stórbönkum Bandaríkjanna sem skilar góðu uppgjöri það sem af er ári.

Fékk 270 milljónir í starfslok hjá Glitni/BN Bank í Noregi

Morten Björnsson sem lét af störfum hjá BN Bank, áður Glitni, í Noregi eftir áramótin fékk starfslokasamning upp á 14 milljónir norskra kr. eða um 270 milljónir kr.

Sveitarstjórnir fá innistæður til baka úr íslensku bönkunum

Breskar sveitarstjórnir og aðrir opinberir aðilar í Bretlandi sem áttu innistæður inn í íslensku bönkunum þegar þeir hrundu s.l. haust muni fá megnið af innistæðunum endurgreiddar. Í BBC segir að hugsanlega náist að endurgreiða allt að 90% af þessum innistæðum.

Brytinn Jeeves snýr aftur í netheima

Leitarvélin Ask.com hefur verið uppfærð og er brytinn Jeeves aftur snúinn til netheima. Jeeves, þekkt persóna úr sjónvarpsþáttunum Woster & Jeeves, var/er eitt af opinberum andlitum leitarvélarinnar.

Kreppan veldur uppsveiflu í reiðhjólasölu í Bretlandi

Ein af afleiðingum fjármálakreppunnar í Bretlandi er stóraukin sala á reiðhjólum þar í landi. Meðal þeirra sem njóta góðs af uppsveiflunni er Pashley Cycles sem fyrirtækið hefur framleitt reiðhjól í yfir 80 ár.

Exxon stærst bandarískra fyrirtækja á ný

Olíu- og gasframleiðandinn Exxon Mobil hefur endurheimt toppsætið á lista Fortune yfir 500 stærstu fyrirtæki Bandaríkjanna. Verslunarkeðjunni Wal-Mart, sem vermt hefur fyrsta sætið síðasta árið, var velt úr sessi og skipar hún nú annað sætið.

Kaupþing greiðir allar innistæður Edge í Þýskalandi

Skilanefnd Kaupþings hefur tryggt fjármagn til að greiða út innistæður Kaupthing Edge í Þýskalandi að fullu. Um 30.000 sparifjáreigendur munu því fá innistæðar sínar í netbankanum Edge greiddar. Þetta kemur fram í tilkynningu frá skilanefndinni.

Söguleg ofurvika í kauphöll Kaupmannahafnar

Þessi vika er ein sú besta í kauphöll Kaupmannahafnar frá árinu 1996 þegar núverandi úrvalsvísitala þar, C20, var tekin í notkun. C20 hækkaði um 12,6% í vikunni. þar af 4,7% í dag, en tekið skal fram að aðeins var um fjóra virka daga að ræða þar sem kauphöllin var lokuð s.l. mánudag.

AGS segir kreppuna alvarlegri en áður var talið

Í nýrri skýrslu frá Alþjóðagjaldeyrissjóðnum (AGS) segir að núverandi kreppa muni verða meira langvarandi og dýpri en áður var talið. Ástæða sé til að hafa áhyggjur af því hve kreppan nú sé samstíga Kreppunni miklu á þriðja áratuginum.

Fengu 80% af Landic Property fyrir tæpar 170 krónur

Vefsíðan business.dk greinir frá því að fjárfestingafélagið Trackside frá Berlín hafi fengið 80% eignarhlut í Landic Property á Norðurlöndunum svo gott sem gefins eða á eina evrum sem samsvarar tæpum 170 kr.

Glitnir selur Moderna Life fyrir tæpa 4 milljarða

Glitnir hefur selt sænska tryggingarfélagið Moderna Life til breska tryggingarfélagsins Chesnara. Söluverðið er rétt rúmlega 30 milljónir dollara eða tæplega 4 milljarða kr.

Hagnaður Google fram úr væntingum

Hagnaður leitarvélarisans Google fór fram úr því sem spáð var á fyrsta ársfjórðungi og var sex prósentum meiri en á fyrsta fjórðungi síðasta árs. Í samanburði við önnur net- og hugbúnaðarfyrirtæki hefur Google staðið kreppuna merkilega vel af sér þótt nokkuð hafi dregið úr hagnaði fyrirtækisins síðan harðna tók á dalnum.

Segir að búið sé að fresta sölunni á Actavis

Bloomberg fréttaveitan greinir frá því í dag að búið sé að fresta áformaðri sölu á Actavis um óákveðinn tíma. Þetta hefur Bloomberg eftir þremur ónafngreindum heimildarmönnum sem eru kunnugir söluferlinu.

Þrotabú Lehman reynir að losa sig við úranbirgðir bankans

Skiptastjórar gjaldþrota bankans Lehman Brothers reyna nú að koma í verð töluverðu af úrani sem er í eigu bankans. Talið er að hægt sé að nota úranið til að smíða eitt stykki kjarnorkusprengju.

Annar bandarískur stórbanki laus úr kreppunni

Bandaríski stórbankinn JP Morgan skilar afargóðu uppgjöri eftir fyrsta ársfjórðung ársins. Er JP Morgan annar stórbankinn vestanhafs sem skilar góðum hagnaði í ár en Goldman Sachs skilaði nýlega svo góðu uppgjöri að það kom flestum í opna skjöldu.

Krugman segir að Austurríki sé ekki dauðadæmt efnahafslega

Paul Krugman prófessor við Princeton háskólann og Nóbelsverðlaunahafi í hagfræði 2008 segir að Austurríki sé ekki dauðadæmt í efnahagsmálum þrátt fyrir alvarlega áhættu af lánum banka landsins til þjóða í Austur-Evrópu.

Tískukroppar kreppunnar eru búttaðir og mjúkir

Þvengmjóar fyrirsætur með heróín-útlit heyra nú sögunni til. Þær voru andlit uppsveiflunnar í tískunni á síðustu árum. Í dag eru tískukroppar kreppunnar búttaðir og mjúkir samkvæmt úttekt sem börsen.dk hefur gert á málinu.

Gamlar Singer saumavélar seldar á 6 milljónir stykkið

Orðrómur um að dularfullan málm sé að finna í gömlum Singer saumavélum hefur leitt til þess að þær ganga kaupum og sölum á 6 milljónir kr. stykkið í Saudi-Arabíu þessa daganna.

Búist við átakafundi hjá Rio Tinto í dag

Aðalfundur Rio Tinto verður haldinn í dag og er búist við að stjórn Rio verði gagnrýnd harðlega af hluthöfum vegna áforma sinna um fjármögnun félagsins. Rio Tinto er eigandi álversins í Straumsvík.

Stjórnvöld á Mön greiða innistæðurnar hjá Kaupþingi

Stjórnvöld á eyjunni Mön hafa ákveðið að verja 180 milljónum punda eða um 35 milljörðum kr. til að greiða innistæður sem eyjabúar áttu inni í Singer & Friedlander (SF),banka Kaupþings á eyjunni. Alls er um 10.000 manns að ræða.

Danska krónan sú fjórða vinsælasta í gjaldeyrisviðskiptum

Danska krónan er nú fjórða vinsælasta mynt heimsins til að fjárfesta með í gjaldeyrisviðskiptum. Hún er einkum vinsæl í gengiskrossinum svissneskir frankar/dönsk króna.

Háskólagjöld Breta hækka vegna íslenska bankahrunsins

Samtök háskóla í Bretlandi (Universities UK) hafa birt skýrslu þar sem fram kemur að skólagjöld nemenda við þessa skóla verði að hækka verulega m.a. vegna taps sumra þeirra á innistæðum sínum í íslensku bönkunum þegar þeir komust í þrot s.l. haust.

Tap UBS á fyrsta fjórðungi 220 milljarðar króna

Svissneski UBS-bankinn tapaði nærri tveimur milljörðum svissneskra franka á fyrsta fjórðungi ársins en það jafngildir rúmlega 220 milljörðum króna.

Sér glitta í vonarneista í hagkerfinu

Barack Obama forseti Bandaríkjanna sagðist sjá glitta í vonarneista í efnahag landsins. Þetta sagði hann á fundi með háskólanemum við Georgetown University í dag. Hann varaði menn þó við að botninum væri þegar náð.

Playboy setur tímaritasafn sitt á netið

Playboy hefur ákveðið að setja úrval af tímaritasafni sínu á netið og er ókeypis fyrir alla að skoða herlegheitin. Tímaritin sem hér um ræðir spanna útgáfuna frá árinu 1954 og fram til ársins 2006.

Hlutabréf í Royal Unibrew rjúka upp í verði

Mikill skriður hefur verið á verði hlutabréfa í bruggverksmiðjunum Royal Unibrew í kauphöllinni í Kauðmannahöfn í morgun. Hefur verðið á bréfunum hækkað um 22% m.v. stöðuna á þeim fyrir páska. Stoðir er einn stærsti hluthafinn með fimmtungshlut.

Bjartsýni á alþjóðlegum hlutabréfamörkuðum

Nokkur bjartsýni ríkir á evrópskum hlutabréfamörkuðum í dag. Það skýrist af afkomutölum bandaríska fjárfestingarbankans Goldman Sachs, sem var talsvert betri en spár gerðu ráð fyrir. Helst eru það fjármálafyrirtæki sem draga vísitölur á mörkuðunum upp.

Walesbúar brunnu inni með milljarða í íslensku bönkunum

Bæjar-og sveitarfélög, lögregluembætti, háskólar og aðrar opinbear stofnanir í Wales brunnu inni með 74 milljónir punda, eða tæplega 14 milljarða kr. í íslensku bönkunum þegar þeir komust í þrot s.l. haust.

Goldman Sachs fyrsti bankinn á leið út úr kreppunni

Goldman Sachs skilaði hagnaði upp á 1,8 milljarða dollara eða rúmlega 200 milljarða kr. á fyrsta ársfjórðungi ársins. Er þetta uppgjör töluvert umfram væntingar sérfræðinga og virðist Goldman vera fyrsti bandaríski bankinn sem er að komast út úr fjármálakreppunni.

Heimsmarkaðsverð á olíu aftur undir 50 dollara

Heimsmarkaðsverð á olíu féll aftur undir 50 dollara tunnan á markaðinum í New York í nótt eða í 49,55 dollara sem er lækkun um 1%.

Stjórn JJB Sports reynir að finna þann sem keypti hlut Kaupþings

Stjórn JJB Sports hefur sent bréf til allra hluthafa í sportvöruverslanakeðjunni með kröfu um að þeir upplýsi hvort þeir hafi keypt ráðandi hlut í keðjunni. Stjórnin er að reyna að finna út hver hafi eignast hlut þann sem Kaupþing seldi nýlega í keðjunni.

Útrásarvíkingarnir sjást ekki á Íslandi

Útrásarvíkingarnir voru eitt sinn hetjur á Íslandi, hetjur sem færðu landinu stolt um leið og þeir keyptu upp eignir í Bretlandi og víða um Evrópu. En fall bankanna og krónunnar hefur lækkað rostann í þessu litla landi. Þúsundir íslendinga hafa tapað ævisparnaðinum, atvinnuleysi er komið yfir 9% og stýrivextir daðra við 18%. Mótmæli hafa fellt ríkisstjórnina og bankastjóra seðlabankans. Með þessum orðum hefst grein eftir Rowena Mason í breska blaðinu Daily Telagraph í dag.

Efnahagskerfi Kínverja styrkist

Efnahagskerfi Kína hefur styrkst að undanförnu en fjármálakreppan hefur líkt og í öðrum ríkjum komið niður á efnahag landsins, að mati Wen Jiabao forsætisráðherra Kína.

Kínverskur bílaframleiðandi íhugar kaup á Vauxhall

Kínverskur bílaframleiðandi íhugar nú kaup á framleiðslu Vauxhall bifreiðanna í Bretlandi. Yfir 5000 manns starfa hjá fyrirtækinu í Bretlandi.

Skilanefndin og Tchenguiz deila um Somerfield

Skilanefnd Kaupþings og breski auðkýfingurinn Robert Tchenguiz eiga nú í deilum um hvernig skipta eigi söluverði verslunarkeðjunnar Somerfield. Þetta kemur fram í the Observer í dag. Kaupþing og Tchenguiz áttu hlut í Somerfield en verslunarkeðjan var seld í mars fyrir tæplega 30 milljarða króna.

Ódýrara að kaupa nýjan bíl heldur en notaðan

Í Bretlandi eru nú sumar bifreiðar ódýrari heldur en notaðar. Þetta er þó mismunandi eftir tegundum. Fjármálakreppan hefur haft þessi áhrif. Neytendur geta sparað allt að 1000 pund eða rúmlega 190 þúsund íslenskar krónur ef þeir kaupa nýja bifreið í stað bifreiðar sem búið er að aka nokkur þúsund kílómetra.

Forsvarsmenn Goldman Sachs reyna að kveða bloggara í kútinn

Forsvarsmenn bandaríska bankans Goldman Sachs reyna nú hvað þeir geta til að fá bloggara til að hætta að blogga um bankann.

Samrunaviðræður Yahoo og Microsoft hafnar að nýju

Viðræður um samruna Yahoo og Microsoft eru hafnar á nýjan leik en upp úr slitnaði í maraþonviðræðum stjórnenda fyrirtækjanna um samruna þeirra í lok síðasta árs. Jerry Yang, fyrrum forstjóri Yahoo, var þá sakaður um að hafa verið helsti þröskuldurinn sem Microsoft komst ekki yfir þegar fyrirtækið gerði tilboð í Yahoo.

Fjársvikamaðurinn Madoff þvingaður í gjaldþrot

Fjársvikamaðurinn Bernard Madoff gæti verið þvingaður í persónulegt gjaldþrot til að tryggja að allar eignir hans verði notaðar til að greiða þeim fjárfestum sem hann sveik til baka. Dómari í New York greindi frá þessu í dag.

Tveir bandarískir bankar gjaldþrota

Regluverðir í Bandaríkjunum lokuðu tveimur bönkum þar í landi í gær, en alls hafa 23 bankar orðið gjaldþrota í Bandaríkjunum það sem af er ári.

Japanir örva hagkerfið með innspýtingu

Stjórnvöld í Japan hafa greint frá þeirri fyrirætlun sinni að veita 150 milljörðum dollurum í efnahagshvetjandi aðgerðir. Upphæðin samsvarar rúmlega 19 þúsund milljörðum íslenskra króna.

Beðnir um að lækka eigin laun

Framkvæmdastjórar og aðrir yfirmenn banka- og tryggingarstofnana í Kína hafa verið beðnir um að lækka eigin laun til að draga úr bilinu á milli þeirra og almennra launamanna í landinu.

Kaupþing dottið af lista Forbes

Kaupþing banki, sem var í 593 sæti á lista Forbes, yfir stærstu 2000 fyrirtæki heims í fyrra er dottinn út af listanum. Þetta þarf ef til vill ekki að koma á óvart enda hrundi bankinn í október og enn hefur ekki tekist að ljúka við gerð efnahagsreiknings hans að nýju.

Tchenquiz að missa kráarkeðju

Athafnamaðurinn Robert Tchenguiz, sem fékk hundruði milljarða lánaða frá Kaupþingi, er nú við það að missa kráarkeðjuna Globe Pub Company. Ástæðan er að skuldabréf að verðmæti 44 milljarðar er gjaldfallið þar sem kráarkeðjan hefur brotið lánaskilmála.

Lánshæfi sjóðs Buffetts fellur

Moody's hefur lækkað lánshæfismat Berkshire Hathaway, fjárfestingasjóð Warrens Buffet, um tvo stig úr AAA í Aa2. Þetta kemur í kjölfarið á versta afkomuári sjóðsins frá því Buffet eignaðist hann árið 1965.