Fleiri fréttir

Ekkert kvennalið hjá ÍBV næsta vetur

Handknattleiksráð ÍBV sendi frá sér yfirlýsingu í morgun þar sem fram kemur að félagið muni ekki senda kvennalið til keppni á Íslandsmótinu á næsta tímabili. Í yfirlýsingunni kemur fram að félagið hafi skoðað alla möguleika á að senda lið til keppni en staðreyndin sé sú að enginn leikmaður á meistaraflokksaldri verði staddur í Eyjum næsta vetur.

Ciudad Real Spánarmeistari

Ólafur Stefánsson skoraði 7 mörk í dag þegar lið hans Ciudad Real tryggði sér Spánarmeistaratitilinn með því að bursta Antequera 40-29 í næstsíðustu umferðinni í deildinni. Félagar Sigfúsar Sigurðssonar í Ademar Leon tryggðu Ciudad sigurinn með því að leggja keppinauta þeirra í Portland San Antonio 30-26. Ciudad hefur fjögurra stiga forystu á toppnum þegar aðeins ein umferð er eftir af deildinni.

Hamburg heldur í vonina

Næst síðasta umferðin í þýsku úrvalsdeildinni í handbolta fór fram í dag. Hamburg eygir enn veika von um að tryggja sér meistaratitilinn eftir að liðið vann góðan sigur á Lemgo í dag á meðan efsta liðið Kiel tapaði fyrir grönnum sínum í Flensburg. Snorri Steinn Guðjónsson var maður dagsins þegar hann skoraði 13 mörk fyrir Minden gegn Gummersbach.

Alfreð velur hópinn fyrir Serbaleikina

Alfreð Gíslason, þjálfari A-landsliðs karla í handbolta, valdi í dag 17 manna landsliðshóp sinn fyrir umspilsleikina gegn Serbum sem fram fara dagana 9. og 17. júní í sumar, en þessi hópur spilar einnig tvo æfingaleiki við Tékka í upphafi næsta mánaðar. Hópurinn er hér fyrir neðan.

Ísland steinlá aftur fyrir Hollendingum

Íslenska kvennalandsliðið tapaði 30-21 fyrir því hollenska í kvöld í öðrum vinnáttuleik þjóðanna á tveimur dögum. Hollenska liðið hafði yfir 14-8 í hálfleik. Rut Jónsdóttir var markahæst í íslenska liðinu með 6 mörk og þær Guðbjörg Guðmannsdóttir og Rakel Dögg Bragadóttir skoruðu 3 hvor.

Ísland tapaði fyrir Hollandi

Íslenska kvennalandsliðið í handbolta tapaði í kvöld 28-18 fyrir því hollenska í vináttuleik þjóðanna ytra. Rakel Dögg Bragadóttir var markahæst í íslenska liðinu með 5 mörk og Dagný Skúladóttir skoraði 3 mörk. Liðin mætast aftur á morgun.

Alexander og Snorri Steinn með stórleik

Alexander Petersson skoraði níu mörk þegar lið hans Grosswallstadt vann stórsigur á Wilhelmshavener í þýsku úrvalsdeildinni í handbolta í kvöld, 31-19. Snorri Steinn Guðjónsson gerði enn betur og skoraði 10 mörk þegar Minden tapaði fyrir TuS N-Lübbecke, 31-30, og þá lagði Íslendingaliðið Gummersbach lið Balingen af velli, 38-28.

Ásgeir skoraði þrjú mörk fyrir Lemgo

Ásgeir Örn Hallgrímsson skoraði þrjú mörk en Logi Geirsson ekkert þegar Lemgo og Nordhorn skildu jöfn, 26-26, í þýsku úrvalsdeildinni í handbolta í dag. Á sama tímam lagði Flensburg lið Magdeburg af velli, 35-28, en bæði lið eru í baráttu um þriðja sæti deildarinnar.

Alexander Petterson semur við Flensburg

Alexander Pettersson, landsliðsmaður í handknattleik og leikmaður Grosswallstadt, hefur samið við þýska stórliðið Flesburg. Þetta verður kunngört í næstu viku samkvæmt heimildum íþróttadeildar Sýnar og Stöðvar 2.

Guðjón og Alexander í stuði

Heil umferð fór fram í þýsku úrvalsdeildinni í handbolta í kvöld. Staðan á toppnum breyttist lítið þar sem toppliðin Kiel og Hamburg unnu bæði leiki sína, en íslensku leikmennirnir voru að vanda áberandi í leikjum kvöldsins.

Ungverji þjálfar handknattleikslið Fram

Handknattleiksdeild Fram hefur samið við ungverska þjálfarann Ferenc Buday um að þjálfa meistaraflokk karla næstu tvö árin. Hann tekur við af Guðmundi Þórði Guðmundssyni, fyrrverandi landsliðsþjálfara, sem ákvað að hætta með liðið í vor.

Einar tekur við Fram-stelpum

Samkvæmt áreiðanlegum heimildum Fréttablaðsins verður Einar Jónsson næsti þjálfari kvennaliðs Fram. Einar tekur við starfinu af Magnúsi Kára Jónssyni sem mun sjá um þjálfun yngri flokka hjá félaginu.

HK deildarbikarmeistari

HK menn urðu í kvöld deildarbikarmeistarar í handbolta þegar þeir báru sigurorð af Stjörnunni í oddaleik í Digranesi 29-28. Augustas Strasdas og Valdimar Þórsson skoruðu 8 mörk hvor fyrir heimamenn en Guðmundur Guðmundsson skoraði 6 fyrir gestina.

Góður sigur hjá Gummersbach

Þrír leikir fóru fram í þýsku úrvalsdeildinni í handbolta í kvöld. Gummersbach lagði Göppingen á útivelli 33-30 í leik sem sýndur var beint á Sýn. Guðjón Valur Sigurðsson skoraði 6 mörk fyrir Gummersbach og Róbert Gunnarsson skoraði 2. Alexander Petersson skoraði tvö mörk fyrir Grosswallstadt í 29-24 tapi liðsins gegn Hamburg og Keil vann auðveldan sigur á Hildesheim 34-28.

Óbreytt staða á toppnum í þýska handboltanum

Fimm leikir fóru fram í þýsku úrvalsdeildinni í handbolta í dag. Efstu liðin tvö Kiel og Hamburg unnu leiki sína og sem fyrr voru íslensku leikmennirnir áberandi í umferð dagsins.

Oddaleikur hjá HK og Stjörnunni

Stjarnan lagði HK 28-23 í öðrum leik liðanna í úrslitaeinvíginu í deildarbikarkeppni karla í handbolta í dag. Liðin verða því að mætast í oddaleik í Digranesi á miðvikudagskvöldið. HK hafði yfir í leikhléi í dag 14-13 en heimamenn voru sterkari á lokasprettinum.

Stjarnan deildarbikarmeistari

Íslandsmeistarar Stjörnunnar urðu í dag deildarbikarmeistarar kvenna í handbolta eftir sigur á Gróttu í annari úrslitaviðureignar liðanna á Seltjarnarnesi 25-23. Stjarnan var með þægilegt forskot þegar skammt var til leiksloka en Grótta náði að minnka muninn niður í eitt mark með æsilegum lokaspretti. Rakel Dögg Bragadóttir tryggði svo Stjörnunni sigurinn með marki í lokin. Stjarnan vann einvígið 2-0.

Velur 19 manna landsliðshóp

Júlíus Jónasson, landsliðsþjálfari kvenna, tilkynnti í gær 19 manna leikmannahóp sem verður til æfinga frá 7. maí til 16. júní en þessar æfingabúðir Júlíusar eru nokkuð umdeildar að því er greint hefur verið frá áður.

Brynjar þríbrotnaði á vinstri úlnlið

Brynjar Valsteinsson, leikmaður HK, verður ekki meira með í úrslitum deildarbikarkeppninnar og gæti misst af upphafi næsta tímabils. Hann þríbrotnaði á úlnlið í vinstri hendi í leik gegn Stjörnunni í fyrrakvöld er hann lenti illa eftir að hafa keyrt upp völlinn í hraðaupphlaupi.

Björgvin og Arnar á leið í Hauka

Það er mikill hugur í Haukamönnum fyrir komandi tímabil í handboltanum en Aron Kristjánsson hefur tekið við stjórnartaumunum hjá félaginu í stað Páls Ólafssonar. Haukar hafa þegar gengið frá samningi við skyttuna Gunnar Berg Viktorsson og markvörðinn Gísla Guðmundsson og eftir helgi verður væntanlega gengið frá samningum við skytturnar Björgvin Hólmgeirsson og Arnar Jón Agnarsson.

HK lagði Stjörnuna

HK-menn báru sigurorð af Stjörnunni í kvöld í fyrsta úrslitaleik liðanna í deildarbikar karla í handbolta. Stjarnan var yfir 11-9 í hálfleik. Augustas Stradzdas skoraði 9 mörk fyrir HK og Tomas Eitutis 8, en David Kekelia skoraði 8 mörk fyrir Stjörnuna og Patrekur Jóhannesson 7. HK getur tryggt sér deildarbikarinn með sigri í öðrum leik liðanna í Garðabæ á laugardaginn.

Fylkir missir sína sterkustu menn

Nú er ljóst að Fylkir mun missa sína sterkustu leikmenn en liðið féll nú á vikunum úr DHL-deildinni. Ekki hefur enn verið ákveðið hvort Fylkir ætli að tefla fram liði í 1. deild karla á næsta ári. Fréttablaðið hefur heimildir fyrir því að Heimir Örn Árnason, Guðlaugur Arnarsson og Hlynur Morthens gætu vel verið á leið til Stjörnunnar ásamt ÍR-ingnum Ragnari Má Helgasyni.

Sjá næstu 50 fréttir

Mest lesið