Eiður Smári: Við erum með gott lið

Eiður Smári Guðjohnsen var kátur eftir 3-1 sigur Tottenham á Fulham í átta liða úrslitum ensku bikarkeppninnar í kvöld en Eiður Smári skoraði þriðja mark liðsins í leiknum.

Gylfi öruggur á vítapunktinum á úrslitastundu - skoraði sigurmarkið

Gylfi Þór Sigurðsson tryggði Reading 2-1 útisigur á Leicester í ensku b-deildinni í kvöld en Leicester var fyrir leikinn þrettán stigum og ellefu sætum ofar en Reading. Gylfi Þór skoraði sigurmarkið úr vítaspyrnu á 90. mínútu leiksins.

Haukar í úrslitaeinvígið í 1. deild karla eftir sigur á Þór í oddaleik

Karlalið Hauka tryggði sér sæti í úrslitaeinvígi 1. deildar karla í körfubolta eftir 69-58 sigur á Þór Þorlákshöfn í oddaleik á Ásvöllum í kvöld. Þórsliðið vann fyrsta leikinn í einvíginu á Ásvöllum en Haukaliðið svaraði með tveimur nokkuð sannfærandi sigrum.

Barcelona vann Osasuna og setti pressu á Real Madrid

Barcelona náði þriggja stiga forskoti á toppi spænsku úrvalsdeildarinnar í fótbolta eftir 2-0 sigur á Osasuna á Nývangi í kvöld. Real Madrid á leik inni á morgun en liðið spilar þá við Getafe á útivelli.

Cole lenti í útistöðum við stuðningsmann

Þriðjudagskvöldið var ekki gott fyrir West Ham. Liðið sogaðist niður í enn verri mál með því að tapa fyrir Úlfunum og eftir leik fóru stuðningsmenn ekki leynt með reiði sína.

Þrír sigrar hjá Íslendingaliðum í þýska handboltanum

Íslendingaliðin Gummersbach, Kiel og Lemgo unnu öll góða sigra í þýsku úrvalsdeildinni í handbolta í kvöld. Öll liðin eru í efri hluta töflunnar, Kiel í 2. sætinu en Gummersbach og Lemgo eru í 6. og 7. sæti eða í næstu sætum á eftir Rhein-Neckar Löwen.

Eiður Smári skoraði í öðrum leiknum í röð - Tottenham í undanúrslitin

Eiður Smári Guðjohnsen skoraði í öðrum leiknum sínum í röð þegar Tottenham tryggði sér sæti í undanúrslitum ensku bikarkeppninnar með 3-1 sigri á Fulham á White Hart Lane í kvöld. Tottenham mætir Portsmouth, í undanúrslitaleiknum á Wembley 11. apríl næstkomandi.

Chelsea burstaði Portsmouth og minnkaði forskot United í eitt stig

Chelsea vann öruggan 5-0 útisigur á Portsmouth í ensku úrvalsdeildini í kvöld. Didier Drogba og Florent Malouda skoruðu báðir tvö mörk fyrir Chelsea í leiknum. Manchester City tapaði dýrmætum stigum í baráttunni um fjórða sætið þegar liðið tapaði 0-2 á heimavelli fyrir Everton.

Paul Scholes: Þurfum að vinna rest

Paul Scholes er sannfærður um að Manchester United geti unnið þá sjö leiki sem liðið á eftir í úrvalsdeildinni og varið þar með titil sinn. United er komið í bílstjórasætið eftir sigurinn gegn Liverpool á sunnudag.

Eiður Smári byrjar inn á í bikarleiknum á móti Fulham

Eiður Smári Guðjohnsen er í byrjunarliði Tottenham sem mætir Fulham í átta liða úrslitum enska bikarsins á White Hart Lane í kvöld. Þetta verður fyrsti heimaleikur Eiðs Smára í byrjunarliði Tottenham.

Portsmouth má selja utan gluggans

Portsmouth hefur fengið sérstakt leyfi ensku úrvalsdeildarinnar til að selja leikmenn þrátt fyrir að félagaskiptaglugginn sé lokaður.

Kemur þriðja þrennan í röð hjá Messi í kvöld?

Lionel Messi gæti í kvöld orðið annar knattspyrnumaðurinn í sögu spænsku 1. deildarinnar til að skora þrennu í þremur leikjum í röð. Barcelona mætir þá Osasuna á heimavelli og verður leikurinn sýndur beint á Stöð 2 Sport 3.

Formúlu kappi nærri gini hákarls

Paul di Resta sem keyrir Formúlu 1 bílí fyrsta skipti á æfingum í Melbourne á föstudag fékk aðra frumraun í flasð í dag. Hann stóð nærri hákarli á strönd við Melbourne, sem var kannski ekki besta auglýsingin fyrir ferðamennskuna á staðnum. Hákarlinn hafði fest sig í flæðarmálinu.

Bæjarar óttast Wayne Rooney

Franz Beckenbauer, forseti þýska liðsins FC Bayern, segir að hans lið óttist Wayne Rooney í átta liða úrslitum Meistaradeildarinnar. Bæjarar leika gegn Englandsmeisturum Manchester United.

Tommy Johnson verður ekki með KR á móti ÍR á morgun - dæmdur í bann

Tommy Johnson, framherji deildarmeistara KR, verður ekki með í fyrsta leiknum á móti ÍR í átta liða úrslitunum úrslitakeppninnar en einvígið hefst í DHL-höllinni á morgun. Tommy var í dag dæmdur í eins leiks bann af aga- og úrskurðarnefnd KKÍ.

Ribery vill ekki fara til Englands

Franski vængmaðurinn hjá FC Bayern, Franck Ribery, segir að ekki komi til greina að fara frá félaginu yfir til Englands.

Sama byrjunarlið gegn Mexíkó og Færeyjum

Ólafur Jóhannesson, landsliðsþjálfari karla í knattspyrnu, hefur tilkynnt byrjunarlið sitt sem mætir Mexíkó á miðnætti í kvöld í Charlotte í Bandaríkjunum.

Laudrup og Aragones orðaðir við Sevilla

Slæmt gengi Sevilla að undanförnu hefur gert það að verkum að þjálfari liðsins hefur þurft að taka pokann sinn. Manolo Jimenez hefur ekki náð að landa sigri í síðustu sjö leikjum.

Stjarnan samdi við Marel, Ólaf og Danry

Knattspyrnudeild Stjörnunnar tilkynnti í dag að félagið hefði gengið frá samningum við þá Marel Baldvinsson, Ólaf Karl Finsen og Dennis Danry.

Messi og Mourinho græða mest

Argentínumaðurinn Lionel Messi er búinn að moka David Beckham úr efsta sætinu yfir þá knattspyrnumenn sem fá hæstar tekjur.

Berlusconi vill fá Balotelli til Milan

Silvio Berlusconi, forseti AC Milan, segir að það sé pláss fyrir ungstirnið Mario Balotelli hjá Milan fyrst Inter virðist ekki geta notað hann lengur.

Trezeguet að ljúka keppni hjá Juventus

Svo virðist vera sem Frakkinn David Trezeguet sé að spila sína síðustu leiki fyrir ítalska félagið Juventus.

Messi: Ég er engin goðsögn

Menn hafa gengið ansi langt síðustu daga í að hampa Argentínumanninum Lionel Messi. Skal svo sem engan undra þar sem hann er að spila fáranlega vel þessa stundina og hreint ótrúlegt hversu góður hann er. Það gleymist stundum að hann er aðeins 22 ára.

Wenger: Real fagnar oftar nýjum leikmönnum en titlum

Arsene Wenger, stjóri Arsenal, hefur aldrei farið neitt sérstaklega leynt með andúð sína á Real Madrid og hann skýtur föstum skotum að félaginu í The Mirror í dag.

Hamilton horfir til sigurs

Ástralir virðast gera í því að leyfa Formúlu 1 ökumönnum að upplifa eitthvað meira en kappakstur þessa mótshelgina, því Lewis Hamilton var settur á stýrið á skútu í Sydney eftir að hafa flogið til Ástralíu. Það er ágæt upphitun fyrir kappaksturinn á sunnudag og hann svaraði síðan spurningu á kynningu hjá Vodafone eftir túrinn.

Ballesteros: Tiger getur unnið Masters

Spænska golfgoðsögnin, Seve Ballesteros, hefur tröllatrú á Tiger Woods fyrir Masters og segir að endurkoma hans séu bestu fréttir sem golfið hefur fengið lengi.

Mancini óttast ekki að verða rekinn

Ítölsku stjórarnir í enska boltanum óttast ekki um störf sín þó svo þeir nái ekki árangri. Carlo Ancelotti, stjóri Chelsea, sagði í gær að hann yrði áfram með Chelsea sama hvað gerðist á þessu tímabili.

Vettel lærði kasta bjúgverpli

Sebastian Vettel og Mark Webber eru liðsfélagar hjá Red Bull og þykja líklegir til afreka á götum Melbourne á heimavelli Webbers. Vettel voru kennd réttu handtökin við að kasta bjúgverpli, sem er vinsælt atferli í Ástralíu.

Arshavin: Vill fá fleiri stjörnur til Arsenal

Rússinn Andrei Arshavin hefur ekki alveg sömu trú á sínu liði og margir aðrir. Hann óttast að Arsenal skorti breidd í leikmannahópinn til þess að keppa um stóru titlana.

Riera spenntur fyrir Rússlandi

Spænski vandræðapésinn hjá Liverpool, Albert Riera, er hugsanlega á leið til rússneska félagsins CSKA Moskva og þvert á það sem menn héldu þá er hann spenntur fyrir því að fara þangað.

Alonso: Fjögurra liða slagur framundan

Spánverjinn Fernando Alonso sem vann fyrsta Formúlu 1 mót ársins telur að fjögur lið verði í slagnum um sigur í Ástrralíu um helgina. Hann vann fyrsta mót ársins og ræddi málin á vefsíðu sinni.

NBA: Knicks skellti Denver

NY Knicks gerði sér lítið fyrir og lagði Denver Nuggets af velli í NBA-deildinni í nótt. Leikurinn snérist upp í einvígi Carmelo Anthony og Danilo Gallinari.

Darren Bent: Stærsti draumurinn minn er að komast á HM

Darren Bent hefur skorað fimm mörk í síðustu þremur leikjum Sunderland og hefur með því átt mikinn þátt í að koma lærisveinum Steve Bruce í gang á ný.

Adolfo Bautista: Síðasta tækifærið mitt er á móti Íslandi

Adolfo Bautista verður í eldlínunni með landsliði Mexíkó í leiknum á móti Íslandi aðra nótt og lítur á þennan leik sem síðasta tækifæri sitt til þess að vinna sér sæti í HM-hópnum. Þetta verður fyrsti landsleikur þessa 30 ára og 186 sm framherja síðan 2008.

Cannavaro ætlar að halda áfram

Umboðsmaður ítalska varnarmannsins Fabio Cannavaro hefur greint frá því að samningaviðræður séu hafnar milli sín og Juventus um nýjan samning.

Guardiola: Að vinna deildina er í forgangi

Pep Guardiola, þjálfari Barcelona, segir það skipta mestu máli í vetur að vinna spænsku deildina. Meistaradeildin komi þar á eftir.

Tíundi sigurinn í röð hjá Framkonum í kvennahandboltanum

Framkonur héldu sigurgöngu sinni áfram í N1 deild kvenna með 27-23 sigri á FH í Kaplakrika í kvöld. Þetta var tíundi sigurleikur liðsins í röð í deildinni en liðið hefur unnið alla leiki sína frá tapi á móti Val 12. janúar.

Sigrar hjá Rhein-Neckar Löwen og HSV Hamburg í kvöld

HSV Hamburg vann 29-25 útisigur á SG Flensburg-Handewitt og Rhein-Neckar Löwen vann 37-24 sigur á TSV Dormagen í þýsku úrvalsdeildinni í handbolta í kvöld. Norðmaðurinn Bjarte Myrhol skoraði fimmtán mörk fyrir Rhein-Neckar Löwen.

Heimurinn borgar 608 milljarða fyrir enska boltann næstu þrjú árin

Tekjur vegna sölu á sjónvarpsrétti fyrir ensku úrvalsdeildina nema rúmlega sexhundruð milljörðum króna á næstu þremur árum. Dagblaðið Independent birti í dag tekjutölur fyrir núgildandi samninga sem gilda frá 2010 til 2013. Enska úrvalsdeildin er sýnd í sjónvarpi í 211 löndum.

Úlfarnir fóru illa með West Ham - dagar Zola taldir

West Ham tapaði 1-3 á heimavelli á móti Wolves í algjörum sex stiga leik í fallbaráttu ensku úrvalsdeildarinnar í kvöld. Þetta var fimmta tap West Ham í röð og liðið missti með þessu Úlfanna fjórum stigum fyrir ofan sig.

Hamarskonur í lokaúrslitin í fyrsta sinn í sögu félagsins

Hamarskonur tryggði sér sæti í lokaúrslitum Iceland Express deildar kvenna eftir 93-81 sigur á Keflavík í hreinum úrslitaleik liðanna í Hveragerði en þetta var fimmti leikur liðanna í undanúrslitum. Keflavík var 2-1 yfir í einvíginu en Hamar tryggði sér sigur með sigur í tveimur síðustu leikjunum.

Lescott gæti misst af restinni af tímabilinu og þar með HM

Joleon Lescott, varnarmaður Manchester City og enska landsliðsins, er að glíma við vöðvatognun aftan í læri og það gæti farið svo að hann spilaði ekki meira með City á þessu tímabili. Það myndi jafnframt þýða að hann missti af HM í Suður-Afríku í sumar.

Erna Björk sleit krossbönd - Mist inn í landsliðið

Erna Björk Sigurðardóttir er með slitin krossbönd og verður ekki með íslenska landsliðinu í leikjunum á móti Serbíu og Króatíu í undankeppni HM. Sigurður Ragnar Eyjólfsson staðfesti þetta og hann hefur valið KR-inginn Mist Edvardsdóttur í landsliðshópinn í staðinn.

Styttist í endurkomu Hjartar hjá ÍA

Íþróttafréttamaðurinn Hjörtur Júlíus Hjartarson er byrjaður að æfa með 1. deildarliði ÍA á nýjan leik og verður líklega í eldlínunni með ÍA er liðið mætir Grindavík þann 10. apríl næstkomandi. Þetta kemur fram á heimasíðu ÍA.

Öll félögin í Pepsi-deild karla komin með keppnisleyfi

Leyfisráð Knattspyrnusamband Íslands samþykkti í dag allar leyfisumsóknir félaganna átta sem var gefinn vikufrestur til að ganga frá útistandandi atriðum á fyrri fundi ráðsins fyrir viku síðan.