Rollingar rífast

Svo virðist sem hin geðgóði og ódrepandi rokkhundur, Mick Jagger sé farinn í fýlu úti nánasta samstarfsmann sinn til nær fimmtíu ára, Keith Richards. Hefur þetta sett fyrirhugaða tónleikaferð hljómsveitarinnar Rolling Sones í uppnám.

Elsti bjór heims bruggaður á ný

Vísindamenn hafa fengið í hendurnar elsta bjórsýni sem fundist hefur. Til stendur að greina það, endurgera uppskriftina og brugga hann á ný.

Fannst getnaðarlimurinn góður felustaður fyrir kókaínið

Lögreglumenn fylltust grunsemdum þegar þeir fundu lítinn poka með kókaíni í teygju á boxer-nærbuxum karlmanns sem þeir stöðvuðu fyrir umferðarlagabrot. Antoine Banks var þó með meira af fíkniefnum á sér eins og lögreglumennirnir komust að þegar þeir gerðu líkamsleit á honum í framhaldinu. Þrátt fyrir að vera ýmsu vanir kom þeim það mjög á óvart þegar þeir fundu annan poka af kókaíni á heldur óvenjulegum stað - undir forhúð Antoine. Auk þess að vera ákærður fyrir vörslu fíkniefna má hann búast við ákæru fyrir sölu og smygl á eiturlyfjum.

Bandaríkjamenn þrýsta á Egypta um að aflétta neyðarlögum

Bandaríkjamenn krefjast þess að Egyptar aflétti þegar í stað neyðarlögum sem sett voru í landinu fyrir þremur áratugum síðan. Joe Biden varaforseti ræddi í gær við kollega sinn Omar Suleiman og tilkynnti honum þetta. Biden hvatti einnig til þess að lögreglan hætti þegar í stað að berja á mótmælendum og blaðamönnum í landinu.

Taylor ekki við lokasprettinn

Réttarhöldunum yfir Charles Taylor, fyrrverandi einræðisherra Líberíu, ætlar að ljúka með sama hætti og þau hófust, nefnilega með því að sakborningurinn mætir ekki í réttarsalinn og segir réttarhöldin ósanngjörn og runnin undan pólitískum hvötum.

Segist bera ábyrgð á árás

Doku Umarov, einn téténsku stríðsherranna sem enn berjast fyrir aðskilnaði Téténíu frá Rússlandi, segist bera ábyrgð á sprengjuárásinni á Domodedovo-flugvelli nálægt Moskvu í síðasta mánuði.

Króatar fá aðildardagsetningu í apríl

Viktor Orban, forsætis­ráðherra Ungverjalands, segir að í apríl fái Króatar væntan­lega að vita hvenær þeir geta gengið í Evrópusambandið.

Ástkona Picassos milljarða virði

Verk eftir spænska stórmálarann Pablo Picasso seldist á uppboði hjá Sothebys í London í gær á 25 milljónir punda, eða rúma 4,5 milljarða íslenskra króna.

Óttast að Alessia og Livia séu látnar

Fjölskylda systrana tveggja frá Sviss sem saknað hefur verið frá því faðir þeirra nam þær á brott á dögunum óttast hið versta í málinu.

Danskur maður myrti börnin sín þrjú

Fjórutíu og fjögurra ára gamall maður skaut þrjú börn sín til bana í bænum Birkeröd á Norður-Sjálandi í Danmörku í nótt. Móðir barnanna hringdi á lögregluna um klukkan fimm í nótt en hún óttaðist um börnin sem gistu hjá föður sínum að því er haft er eftir lögreglunni á vef danska blaðsins Berlingske Tidende.

Hamas hafnar kosningunum

Palestínustjórn skýrði frá því að kosningar verði haldnar, bæði á Vesturbakkanum og á Gasaströnd, hinn 9. júlí í sumar. Stjórn Hamas-samtakanna á Gasa segir að Palestínustjórnin í Ramallah hafi engan rétt til að efna til þessara kosninga.

Kurteisi bófinn handtekinn

Lögreglan í Seattle handtók um helgina mann sem er grunaður um rán í kjörbúð og bensínstöð í borginni.

Vill láta loka herstöðvum

Hamid Karzai, forseti Afganistans, segir að þegar Afganar taka sjálfir við umsjón öryggismála verði nauðsynlegt að loka þeim alþjóðlegu herstöðvum, sem sinna einkum uppbyggingar- og þróunarstarfi í sveitum landsins.

Fimm ára féll af tíundu hæð og slapp ómeidd

Fimm ára gömul kínversk stelpa, Ye Zixu, slapp ótrúlega vel þegar hún datt út um gluggann heima hjá sér í borginni Chongqing í Kína. Hún býr á tíundu hæð þannig að fallið niður á götu var um 33 metrar. Stelpan lenti reyndar á skyggni yfir anddyri byggingarinnar og stöðvaðist þar.

Hani stakk mann til bana

Maður sem tók þátt í ólöglegu hanaati í Kalíforníu lést á dögunum þegar haninn hans stakk hann í fótinn. Maðurinn hafði fest beitta hnífa á lappir hanans til þess að útbúa hann fyrir atið. Haninn réðst þá að manninum og stakk hann.

Jude Law og Sienna Miller hætt saman

Breski leikarinn Jude Law og leikkonan Sienna Miller eru hætt saman, samkvæmt talsmanni leikarans.

Obama er hættur að reykja

Barack Obama, forseti Bandaríkjanna, er alveg hættur að reykja en hann fékk sér síðast sígarettu fyrir ári síðan. Þetta sagði eiginkona hans Michele Obama þegar hún var að kynna heilsuátak sem hún ætlar að fara af stað með.

Líkbrennslan hitar sundlaugina

Breska sveitarfélagið Redditch leitar nú allra leiða til að spara eins og flest önnur sveitarfélög í heiminum. Ein hugmyndin hefur þó vakið athygli fyrir frumlegheit en ekki eru allir á eitt sáttir. Hún er að nýta umframorkuna sem til verður í líkbrennslu bæjarins til þess að hita upp sundlaugina sem er á næstu lóð.

Sjóræningjar ræna olíuskipi

Sjóræningjar hafa ráðist um borð í ítalskt olíuflutningaskip á Indlandshafi og tekið stjórnina af áhöfninni, að því er ítalski sjóherinn segir. Sjóræningjarnir skutu á skipið, sem heitir Savyna Caylin, en það var statt um 800 kílómetra undan ströndum Indlands og um 1300 kílómetra undan ströndum Sómalíu, en flestir sjóræningjar á þessum slóðum koma þaðan.

Hetjan með handtöskuna: „Það gerði enginn neitt svo ég lamdi þá bara“

Ellilífeyrisþeginn sem lét til skarar skríða gegn skartgriparæningjum í gær hefur vakið verðskuldaða athygli í breskum miðlum í dag. Vísir greindi frá því fyrr í dag hvernig konan réðst gegn sex skartgriparæningjum með handtöskuna eina að vopni, en þeir voru vopnaðir sleggjum sem þeir notuðu til að mölva rúðurnar í versluninni. Hún náði að trufla þá við iðju sína og tefja þá nógu lengi þannig að lögreglan handsamaði einn á staðnum. Tveir aðrir voru handteknir síðar og hinna er leitað.

Ekkert lát á matvælahækkunum

Verð á matvælum heldur áfram að hækka og hefur aldrei verið hærra samkvæmt mati Alþjóðamatvælastofnunarinnar FAO.

Þúsundir enn á Frelsistorginu í Kaíró

Þúsundir manna hafast enn við á Frelsistorginu í Kairó í Egyptalandi og krefjast þess að Hosní Mubarak forseti landsins segi af sér nú þegar. Í dag hefst þriðja vika mótmæla í landinu en mótmælendur segjast ekki láta af aðgerðum sínum fyrr en forsetinn fari frá og hafa hvatt til allsherjar mótmæla í vikunni.

Leyndardómurinn um svefngöngu leystur?

Vísindamenn telja sig hafa fundið breytingu í litningi sem skýrir þá undarlegu hegðun sumra að ganga í svefni.

Nokkur þorp enn einangruð eftir að Yasi reið yfir

Fimm dögum eftir að fellibylurinn Yasi reið yfir Queensland í Ástralíu eru enn nokkur þorp og bæir sem björgunarliði hefur enn ekki tekist að komast til. Þrátt fyrir að fáir hafi slasast í veðurhamnum er eyðileggingin gríðarleg og standa björgunarliðar og hermenn í ströngu við að ryðja braki af vegum ríkisins. Áströlsk stjórnvöld hafa varað við því að eyðileggingin af völdum Yasi og flóðanna á dögunum muni koma skýrt fram í efnahagsreikningi Queensland ríkis á fyrsta ársfjórðungi.

Lög mögulega brotin með hakakrossspilum

Þýskir saksóknarar rannsaka nú hvort verið sé að brjóta lög þar í landi með spilum sem hafa verið gefin út þar í landi. Um er að ræða spil með myndum af helstu einræðisherrum tuttugustu aldarinnar þar sem hakakrossinn kemur fyrir.

Forseti Túrkmenistans fyrirskipar fegurðarsamkeppni hesta

Forseti Túrkmenistans hefur látið þau boð út ganga að á hverju ári héðan í frá verði haldin fegurðarsamkeppni í landinu, og skal þar ekki velja fegurstu konuna, heldur fallegasta hestinn.

Pink tók sjálf óléttumynd og setti á Twitter

Söngkonan Pink er vön því að vera umsetin af blaðaljósmyndurum, eða papparössum eins og þeir eru gjarnan kallaðir. Eftir að hún tilkynnti um óléttu sína hefur hún þó verið heldur þreytt á ágangi þeirra sem virðast leggja margt á sig til að ná myndum af henni þar sem óléttubumban sést. Pink tók því málin í eigin hendur og setti mynd af sér á Twitter-samskiptasíðuna. Með myndinni skrifaði hún: „Jæja... því papparrassar hafa enga ljósmyndahæfileika eða listrænt innsæi, og myndirnar þeirra eru ógeðslegar... Fyrir ykkur sem hafið veirð að biðja um að sjá myndir af bumbunni minni ákvað ég að setja hér inn sjálfsmynd sem ég tók í gærmorgun. Þriggja vikna ljósmyndanámskeið ... og ég er strax miklu betri ljósmyndari en þeir allir til samans...“

Hetjan með handtöskuna lét ræningja fá það óþvegið

Eldri kona á Bretlandi hefur vakið gríðarlega athygli fyrir vasklega framgöngu en hún lét til skarar skríða gegn ræningjagengi sem var að ræna skartgripaverslun á dögunum.

Börn sem borða mikið ruslfæði hafa lægri greind

Börn sem borða mikið ruslfæði eru líklegri til að vera með lægri greindarvísitölu en börn sem borða hollan mat. Þetta er niðurstaða breskrar rannsóknar sem birtist í vísindaritinu Journal of Epidemiology and Community Health.

Japanskir súmókappar riða til falls

Margir af þekktustu súmóglímuköppum Japans hafa verið yfirheyrðir síðustu daga en ásakanir hafa komið fram um að þeir hafi hagrætt úrslitum í þessari þjóðaríþrótt Japans.

Heimildarmynd um Khodorkovskí stolið - átti að frumsýna í næstu viku

Lokaútgáfu af heimildarmynd um Michael Khodorkovski, rússneska auðjöfurinn fyrrverandi, sem setið hefur í fangelsi síðustu ár, var stolið af heimili leikstjórans í gær.

Segja Assange ofsóttann af illgjörnum öfgafemínista

Sænski saksóknarinn sem vill fá Julian Assange stofnanda Wikileaks framseldan til Svíþjóðar er á móti karlmönnum, ef marka má orð sænsks dómara á eftirlaunum sem gaf vitnisburð sinn í réttarhöldum yfir Assange í London í gær.

Umarov segist bera ábyrgð á sprengjuárásinni í Moskvu

Eftirlýstasti hryðjuverkamaður Rússlands, tjéténinn Doku Umarov, hefur lýst ábyrgðinni á sprengjuárásinni á Demo-ded-ovo flugvellinum í Moskvu á hendur sér. Árásin var framin þann 24 janúar síðastliðinn og létust 36 og 180 særðust.

Mótmælendur fara hvergi

Efnahagslífið í Egyptalandi er að komast í gang að nýju eftir rúmlega vikulanga lömun. Skólar voru þó áfram lokaðir í gær. „Þetta er miklu betra en í gær eða fyrradag. Venjulegt fólk er komið á stjá og skoðar sig um. Við erum meira að segja með umferðarteppu,“ hafði AP-fréttastofan eftir Ahmed Mohammed, 65 ára verslunareiganda í Kaíró.

Serbar krefjast nýrra kosninga

Fjölmennustu mótmæli gegn stjórnvöldum í áraraðir fóru fram í Belgrad, höfuðborg Serbíu, á sunnudag þegar um 55.000 manns kröfðust kosninga.

Treystir ekki réttarkerfi Svía

Geoffrey Robertson, lögmaður Julians Assange, segir að verði Assange framseldur til Svíþjóðar eigi hann á hættu að brotið verði á réttindum hans.

Tugir íbúðarhúsa brunnu til grunna

Ástralskir slökkviliðsmenn börðust við gróðurelda á tveimur stöðum í vestanverðri álfunni í gær. Varpað var vatni á eldana til að reyna að halda þeim í skefjum.

Goðsögn orðin til um Ronald Reagan

Ronalds Reagan var víða minnst í Bandaríkjunum í gær þegar hundrað ár voru liðin frá fæðingu hans. Reagan gegndi embætti forseta Bandaríkjanna frá 1981 til 1989 og er í dag í hópi vinsælustu forseta. Fjöldi sagnfræðinga hefur við þessi tímamót fjallað um arfleifð Reagans en mörgum þykir sem sú ímynd sem haldið er uppi af Reagan í dag eigi ekki endilega við rök að styðjast.

„Veikur heima dagurinn" er í dag

Breskir atvinnurekendur búast við að met hafi verið slegið í dag varðandi það hve margir hafi hringt sig inn veika. Tölfræðigögn sýna að fyrsta daginn í febrúar séu fleiri veikir heima en á nokkrum öðrum degi ársins. Í ár búast menn við enn meiri veikindum en venjulega og er búist við að allt að 375 þúsund manns hafi legið í rúminu í dag.

Uppreisn um borð í farþegaþotu á Kanarí

Belgískir sólarlandafarar fengu sig fullsadda á flugvellinum á Kanaríeyjum í gær og gerðu uppreisn um borð í farþegaflugvél frá Ryanair. Einn farþeginn brást ókvæða við þegar flugfreyjurnar ætluðu að rukka hann fyrir að vera með of mikinn handfarangur. Hann þverneitaði að borga og félagar hans komu honum til varnar. Æstust leikar og að endingu sá flugstjórinn ekki annað ráð en að kalla á lögregluna, en vélin var við það að fara í loftið.

Breskur blaðamaður rekinn frá Rússlandi

Blaðamaður breska blaðsins The Guardian hefur verið rekinn frá Rússlandi. Þetta er í fyrsta skipti frá lokum kalda stríðsins sem breskur blaðamaður hefur verið vísað úr landinu. Luke Harding, sem var fréttaritari Guardian í Moskvu um árabil, hefur að undanförnu skrifað um sendiráðsskjölin sem Wikileaks gerði opinber á dögunum. Á meðal þess sem Harding greindi frá voru ásakanir á hendur Vladimir Putin, forsætisráðherra og fyrrum forseta, á þá leið að Rússland væri orðið að einskonar mafíuríki undir hans stjórn.

Hljóp 365 maraþon á einu ári

Belgíski hlauparinn Stefaan Engels setti í gær nýtt heimsmet þegar hann kom í mark í 365. maraþonhlaupinu sínu á einu ári. Hinn 49 ára gamli Engels, sem oft er kallaður Maraþonmaðurinn, hóf þetta mikla verkefni í Belgíu fyrir einu ári og hefur hlaupið eitt maraþon á dag síðan þá. Alls hefur hann því hlaupið um 15.000 kílómetra í sjö löndum.

„Svartur kassi hefur verið settur utan um líf mitt"

Julian Assange, stofnandi Wikileaks, kom fyrir rétt í Lundúnum í dag þar sem tekist var á um framsalskröfu sænsks saksóknara sem rannsakar ásakanir tveggja kvenna á hendur honum.

Verði teknir af lífi

Þúsundir manna mótmæla enn á Frelsistorginu í Kairó í Egyptalandi og hafa margir hverjir tjaldað á torginu. Hosni Mubarak, forseti Egyptalands, þráast enn við að segja af sér en þúsundir manna halda enn áfram að krefjast afsagnar hans. Mótmælendur hafa komið sér haganlega fyrir á Frelsistorginu. Margir hafa tjaldað og fólk deilir með sér drykkjum og mat. Mubarak lét sjá sig á fundi með ráðherrum sínum í ríkissjónvarpinu í dag og lofaði að rannsókn yrði hafi á spillingu í stjórnkerfinu og á ásökunum um kosningasvindl.

Sjálfstætt ríki Suður-Súdana verður stofnað

Tæplega 99% Suður-súdönsku þjóðarinnar kýs að aðskilja þjóðina frá Norður-Súdan. Lokatölur í í þjóðaratkvæðagreiðslunni sem fór fram síðustu vikuna í janúar voru birtar í dag. Fyrstu tölur bentu til þess að 99,57% hefðu greitt atkvæði með aðskilnaði.