SPRON styrkir ÍR

SPRON og körfuknattleiksdeild ÍR hafa undirritað starfssamning. Samkvæmt samningnum mun SPRON vera aðalstyrktaraðili deildarinnar næstu þrjú árin og nær samstarfið allt frá meistaraflokkum félagsins til æskulýðsstarfs.

Stressið kom upp um Litháann

Kreditkortafærslur, staðsetning símtækja og úthringiupplýsingar auk augnskanna í líkamsræktarstöðinni World Class komu lögreglunni á spor Litháans, sem búsettur er hér á landi, og er ásamt öðrum ákærður fyrir stórfellt fíkniefnabrot. Það var í kjölfar þess að landi hans var tekinn með tvær flöskur af fljótandi am-fetamíni í febrúar.

Heimahjúkrun verði efld

Heilbrigðisráðherra kynnti áherslur sínar í öldrunar­málum í gær. Hún segir brýnast að efla þjónustu við aldraða í heimahúsum og verkaskipting öldrunarþjónustu sveitarfélaga og ríkis þurfi að vera skýrari.

Óhapp í Öxnadal

Tveir sluppu ómeiddir en einn handleggsbrotnaði, þegar fólksbíll hafnaði utan vegar í Öxnadal í nótt. Talið er að ökumaður hafi sofnað undri stýri. Hinn slasaði var fluttur á sjúkrahúsið á Akureyri þar sem búið var um beinbrotið.

Huglæg áhrif komin fram

Geir H. Haarde forsætisráðherra telur að sú litla vísitöluhækkun sem varð á miðvikudaginn gefi vísbendingar um að verðbólgubreytingarnar á næstunni geti farið að réna þannig að verðbólgan gangi tiltölulega hratt niður eftir að toppnum er náð.

Fresta verkefnum upp á 656 milljónir

Lagningu þjóðbrautar, sameiningu bæjarskrifstofa og framkvæmdum við Ráðstefnu- og tónlistarmiðstöð í Reykjanesbæ verður frestað um átta mánuði. Með þessu leggur bærinn sitt af mörkum til að stemma stigu við efnahagsþenslunni.

Kringum landið með kyndilinn

Alþjóðlega vináttuhlaupið hófst á Íslandi í gær, en hlaupið er alþjóðlegt boðhlaup þar sem kyndill er borinn á milli hundrað landa af hátt í milljón manns. Hlaupið hófst í Portúgal 2. mars síðastliðinn, en boðskapurinn er að efla vináttu, skilning og umburðarlyndi.

Ráðstöfun Símapeninga óbreytt að sinni

Til umræðu er hjá stjórnarflokkunum að breyta lögum um ráðstöfun Símapeninganna og setja þá í gjaldeyrisvarasjóð Seðlabankans. Forsætisráðherra segir að þetta kalli á sjálfstæða ákvörðun og hún sé ekki tímabær núna.

Norrænu seinkar enn

Ferjunni Norrænu, sem seinkaði verulega eftir að hafa siglt á bryggjukant í Þórshöfn í Færeyjum í fyrrakvöld, seinkaði líka á loka kaflanum til Seyðisfjarðar, þar sem skipið hreppti illviðri á leiðinni.

Ofbeldisalda í Sao Paulo

Sjö manns hafa látist undanfarna tvo daga í árásum glæpagengja í Sao Paulo í Brasilíu.

35 prósent með risvandamál

Um 35 prósent karlmanna á aldrinum 45-75 ára hafa ristruflun á einhverju stigi, samkvæmt rannsókn Guðmundar Geirssonar, Gests Guðmundssonar, Guðmundar Vikars Einarssonar og Óttars Guðmundssonar. Hlutfall risvandamála hérlendis er sambærilegt við önnur lönd.

Viðvörun til Íslendinga

Vegna ástandsins sem skapast hefur í Ísrael, Líbanon og á sjálfstjórnarsvæðum Palestínumanna áréttar utanríkisráðuneytið mikilvægi þess að þeir Íslendingar sem þurfa að ferðast til þessara svæða á næstunni sýni fyllstu aðgát, fylgist með þróun mála og láti vita af ferðum sínum.

Mikilvægt að ekki standi á fjárveitingum

Undanfarin ár hafa Fangelsismálastofnun og dómsmálaráðuneytið unnið að framkvæmdaáætlun fyrir nýtt fangelsi sem fyrirhugað er að muni rísa á Hólmsheiði skammt frá Geithálsi árið 2010.

Afar stolt af hlut kvenna

Steinunn Stefánsdóttir hefur verið ráðin aðstoðarritstjóri Fréttablaðsins. Steinunn hefur verið blaðamaður og ritstjórnarfulltrúi á Fréttablaðinu frá stofnun þess 1. apríl árið 2001. Mér þykir afar vænt um Fréttablaðið og hlakka mikið til að takast á við ný verkefni, segir Steinunn.

Bensín og díselolía mun hækka

Bensín og díselolía munu að öllum líkindum hækka í verði hér á landi vegna mikilla hækkana á heimsmarkaði, þvert ofan í spár.

Bjargað af seglbáti

Karlmanni og 12 ára dreng var bjargað úr sjávarháska á tíunda tímanum í gærkvöldi eftir að litlum seglbáti, sem þeir voru á, hvolfdi við Geldinganes í mikilli vindhviðu.

Guðmundur nýr bæjarstjóri

Aðrir verða líka að spara

Bæjaryfirvöld í Kópavogi eru reiðubúin að skera niður verklegar framkvæmdir að því gefnu að önnur sveitarfélög taki tillit til óska ríkisstjórnarinnar um aðgerðir gegn þenslu og að ríkisvaldið útfæri tillögur um frestun eigin framkvæmda.

Greitt fyrir starfsþjálfun

Fulltrúi Samtaka atvinnulífsins í nefnd um starfsnám segir stærsta atriðið sem fram kemur í skýrslu nefndarinnar lúta að aðkomu atvinnulífsins að mótun starfsnáms og greiðslum fyrir starfsþjálfun.

Samdráttur í útlánum

Íbúðarlánasjóðs hafa dregist saman um fjórðung á síðustu tveimur árum, eða frá því að bankar hófu að veita lán til íbúðakaupa. Miðast þetta við fyrstu tvo ársfjórðungana. Þetta er meðal þess sem kemur fram í mánaðarskýrslu Íbúðalánasjóðs í júní 2006.

Hefði getað orðið formaður

Guðni Ágústsson gefur kost á sér til áframhaldandi setu í embætti varaformanns Framsóknarflokksins.

Fangi tekinn með fíkniefni í sokk

Rúmlega fertugur fangi á Litla-Hrauni hefur verið ákærður fyrir fíkniefnabrot. Ákæran var þingfest í Héraðsdómi Suðurlands í gær.

Merkur fundur við Skaftafellsjökul

Vísindamenn sem eru við jöklarannsóknir á Skaftafellsjökli rákust á útilegubúnað í síðustu viku sem virðist kominn til ára sinna, auk þess að vera illa farinn. Talið er að búnaðurinn hafi tilheyrt tveimur breskum stúdentum sem fóru í leiðangur á Vatnajökul í ágúst árið 1953 til rannsókna en lentu í miklu óveðri og hefur ekkert spurst til þeirra síðan. Engin mannabein eða aðrar líkamsleifar hafa fundist með búnaðinum.

Lifrabólgutilfellum í hundum fjölgar.

Lifrabólgutilfellum í hundum hefur fjölgað á síðustu árum enda hafa íslenskir hundar ekki verið bólusettir við henni í þrjú ár.

Forvörnum beint að erlendum ferðamönnum

Illa útleiknum fólksbíl hefur verið komið upp á gám við Reykjanesbraut ofan við Flugstöð Leifs Eiríkssonar sem áminning fyrir erlenda ferðamenn um að fara varlega í umferðinni. Framtak þetta er samstarfsverkefni forvarnadeildar Sjóvá og bílaleiga í landinu.

Utanríkisráðuneytið gefur út viðvörun

Utanríkisráðuneytið biður Íslendinga og aðra ferðamenn sem þurfa að leggja leið sína til Ísraels, Líbanons og sjálfsstjórnarsvæða Palestínumanna um að sýna fyllstu varkárni.

Segir gagnrýnina óverðskuldaða

Rúnar Árnason framkvæmdarstjóri Landsflugs telur gagnrýni bæjaryfirvalda í Vestmannnaeyjum óverðskuldaða en mikil óánægja hefur verið þar á bæ með sjúkraflug eftir að fyrirtækið Landsflug tók við því.

Skútu hvolfdi við Geldingarnes

Tveimur mönnum var bjargað á giftusamlegan hátt eftir að bát þeirra hvolfdi við Geldingarnes nú skömmu fyrir fréttir. Mennirnir voru kaldir og þjakaðir.

Ráðning í starf skrifstofustjóra umdeild

Fulltrúar stjórnarandstöðunnar í Reykjavíkur hafa lagt fram fyrirspurn vegna ráðningar í starfs skrifstofustjóra Reykjavíkurborgar og spyrja hvort tími pólitískra ráðninga sé runninn upp hjá borginni.

Tilraunir til innflutnings á fíkniefnum stöðvaðar

Lögreglan hefur komið upp um sjö tilraunir til innflutnings á fíkniefnum undanfarnar sex vikur. Samtals hefur verið lagt hald á rúmlega fjórtán kíló af hvítu efnunum, kókaíni og amfetamíni, á tímabilinu.

ÁTVR styrkir umhverfisstofnun

Pokasjóður ÁTVR afhenti Umhverfisstofnun fimm milljóna króna styrk í dag til að bæta aðgengi ferðamanna að Gullfossi. Jónína Bjartmarz umhverfisráðherra tók við styrknum fyrir hönd stofnunarinnar í umhverfisráðuneytinu í dag.

Gegn því að starf jafnréttisráðgjafa verði lagt niður

Stjórnarandstaðan í borgarstjórn greiddi atkvæði gegn því að starf jafnréttisráðgjafa væri lagt niður hjá Reykjavíkurborg í borgarráði í dag. Borgarstjóri lagði fram tillögu þess efnis í kjölfar þess að Hildur Jónsdóttir sem verið hefur jafnréttisráðgjafi Reykjavíkurborgar við góðan orðstír sagði starfi sínu lausu.

Nýjar áherslur í öldrunarmálum

Siv Friðleifsdóttir, heilbrigðis- og tryggingamálaráðherra, kynnti í dag áherslur sínar í öldrunarmálum með bæklingnum Ný sýn – Nýjar áherslur. Meðal annars er gert er ráð fyrir að heimahjúkrun verði aukin og efld þannig að unnt sé að veita hana um kvöld, helgar og nætur þegar þess gerist þörf.

5 milljóna styrkur til að bæta aðgengi að Gullfossi

Pokasjóður ÁTVR afhenti Umhverfisstofnun fimm milljóna króna styrk í dag til að bæta aðgengi ferðamanna að Gullfossi. Jónína Bjartmarz umhverfisráðherra tók við styrknum fyrir hönd stofnunarinnar í umhverfisráðuneytinu í dag.

Guðni vill varaformennsku

Guðni Ágústsson, landbúnaðarráðherra og varaformaður Framsóknarflokksins, hefur ákveðið að sækjast eftir áframhaldandi varaformennsku í Framsóknarflokknum. Hann segist vera að hvetja til sátta með því að fara fram á að halda núverandi stöðu sinni. Hann segir að nái hann ekki kjöri sé það reisupassi hans úr stjórnmálum.

300 ábendingar í fegrunarátaki í Breiðholti

Breiðhyltingar tóku vel kalli borgarstjóra vegna samráðs um fegrun Breiðholts því þeir fylltu hátíðarsal Breiðholtsskóla í gærkvöldi og komu með um 300 ábendingar um hvað mætti betur fara. Fundurinn var undanfari umhverfis- og fegrunarátaks í Breiðholti laugardaginn 22. júlí. Um það bil 200 fundargestir virtust ánægðir með framtakið.

Íslendingar í Beirút

Samkvæmt heimildum NFS er Atlanta flugfélagið með flugvél og mannskap á alþjóðaflugvellinum í Beirút, þar sem ísraelskar herþotur vörpuðu sprengjum í morgun. Allir eru heilir á húfi og flugvélin óskemmd hingað til.

Framtíðarsamningur við UNICEF undirritaður

Á morgun klukkan 14:10 mun framkvæmdarstjóri UNICEF, Ann M Veneman skrifa undir framtíðarsamning við UNICEF á Íslandi. Undirritun samningsins markar tímamót í starfi Barnahjálpar Sameinuðu þjóðanna á Íslandi.

Skútu bjargað við Akurey

Upp úr klukkan eitt í dag bárust boð um að skúta hefði strandað við Akurey. Skútan, sem er frönsk, tók niðri við eynna og við það brotnaði stýri hennar. Þrír menn voru í bátnum.

Engin grein gerð fyrir hvaðan íbúar nýrra hverfa eiga að koma

Fulltrúar Samfylkingarinnar í borgarstjórn ætla að kalla eftir gögnum um fyrirætlanir nýs meirihluta um að hraða útþennslu borgarinnar, á fundi borgarráðs í dag.

Verð á fiskimörkuðum

Framboð á þorski og ýsu minnkaði á öllum mörkuðum í gær. Verð á þorski lækkaði á öllum mörkuðum en ýsan hækkað. Framboð á ufsa minnkaði á Íslandi og lækkaði verð almennt nema á Íslandi þar sem verð á ufsa hækkaði lítillega. Framboð á karfa hefur aukist á öllum mörkuðum og verð hækkað nema á Íslandi þar sem karfaverð hefur lækkað.

Net- og símakerfi óvirkt hjá tveimur ráðuneytum

Net- og símakerfi liggja nú niðri tímabundið, í samgönguráðuneytinu og félagsmálaráðuneytinu, vegna viðgerða á ljósleiðara. Ekki er vitað hvenær viðgerð lýkur.

Atvinnuleysi lægra en í júní í fyrra

Atvinnuleysi á Íslandi í sumar virðist stefna í það að vera þónokkuð minna en í fyrra. Rúmlega 2.000 manns voru að meðaltali án atvinnu í júní eða 1,3% en á sama tíma í fyrra var 2% atvinnuleysi.

Bæjaryfirvöld í Eyjum vilja ekki að samið verði við Landsflug

Bæjaryfirvöld í Vestmannaeyjum vilja ekki undir neinum kringumstæðum að heilbrigðisráðuneytið semji aftur við Landsflug um sjúkraflug, ef ástæða þykir til að bjóða flugið út á ný.

2000 nemendur Vinnuskólans gengu fylktu liði

Yfir tvö þúsund nemendur Vinnuskóla Reykjavíkur gengu sem leið lá frá Örfirisey út í Nauthólsvík í morgun í tilefni þess að í dag fer fram miðsumarsmót vinnuskólans. Ætlunin var m.a. að koma við í Ráðhúsinu þar sem heilsa átti upp á borgarstjórann í Reykjavík, Vilhjálm Þ. Vilhjálmsson.