Fleiri fréttir

Hugsanlega sjálfsáverkar

Lögregla útilokar ekki að maðurinn sem virðist hafa verið ráðist á á Kárahnjúkum aðfaranótt sunnudags hafi veitt sér áverkana sjálfur. Þetta kom fram í kvöldfréttum NFS í gærkvöldi.

Greiðslukortið í farsímanum

Svo gæti farið að örbylgjuflögur (RFID) verði teknar upp í stað greiðslukorta þegar greitt er fyrir vörur og þjónustu. Örbylgjuflögunum væri hægt að koma fyrir í farsímum og yrðu þeir þannig alþjóðlegt greiðslutæki sem gætu komið í stað greiðslukortsins. Stærstu verslunarfyrirtæki heims hafa gert tilraunir og þróað þessa tækni í samstarfi við þekkt tæknifyrirtæki eins og Nokia.

Fagna ályktun Framsóknar

Stúdentaráð Háskóla Íslands hefur sent frá sér ályktun þar sem það fagnar því hversu mikil áhersla er lögð á menntamál í nýrri stjórnmálaályktun Framsóknarflokksins, þá sérstaklega hvað varðar jafnrétti til náms.

Ál líklega orsök mikils reyks

Mikinn reyk lagði frá skála þrjú við verksmiðju Norðuráls við Grundartanga og var slökkvilið Akraness kallað út um klukkan hálf níu í kvöld. Við rannsókn á staðnum kom í ljós að reykinn lagði frá lagnakjallara undir verksmiðjunni og var reykurinn það mikill að ákveðið var að kalla eftir aðstoð slökkviliðs höfuðborgarsvæðisins.

Afhenti heimsverðlaunin fyrir endurnýjanlega orku

Þetta var í fyrsta sinn sem verðlaunin eru veitt og fór afhendingin fram á heimsþingi sem haldið er í Flórens á Ítalíu. Á þinginu eru um 800 fulltrúar frá 107 löndum. Til verðlaunanna var stofnað að íslensku frumkvæði og var Þorsteinn Ingi Sigfússon prófessor þar í fararbroddi en Grímur Marínó Steindórsson, fyrrum bæjarlistamaður í Kópavogi, er höfundur verðlaunagripsins.

Gæti hafað skaðað sig sjálfur

Lögreglan hefur ekki útilokað að maðurinn, sem ráðist virðist hafa verið á á Kárahnjúkum aðfaranótt sunnudags, hafi veitt sér áverkana sjálfur.

Telur meira en ókyrrð þurfa til að granda flugvél

Formaður Rannsóknarnefndar flugslysa telur ókyrrð eina og sér ekki geta grandað farþegaflugvélum heldur þurfi fleiri þættir að koma til. Eins segir hann sjaldgæft að eldingar verði til þess að flugvélar hrapi.

Á leið heim frá Tel Aviv

Íslenskur ríkisborgari af palestínskum ættum, sem var í haldi lögreglu á flugvellinum í Tel Aviv í Ísrael fram eftir degi, er væntanlegur til Lundúna í kvöld án vegabréfs. Íslenska utanríkisráðuneytið segir allt verða gert fyrir manninn og honum veitt sérstakt vegabréf gerist þess þörf.

Vilja láta afnema stimpil- og uppgreiðslugjöld

Íslenskir bankar gætu boðið fólki mun betri kjör, að mati Samkeppniseftirlitsins sem hefur kannað samkeppni á bankamarkaði. Í skýrslunni er lagt til að hvor tvegga, stimpilgjöld og uppgreiðslugjöld af lánum, verði afnumin.

Svörtu kassarnir fundnir

Nú er talið að sambland af vondu veðri og mistökum flugmanna hafi valdið flugslysinu í Úkraínu í gær. 170 manns létu lífið í slysinu. Talið er að flugvélin hafi lent í mikilli ókyrrð, jafnvel orðið fyrir eldingu, og síðan hafi mistök flugmanns orðið til þess að vélin ofreis og hrapaði stjórnlaus til jarðar.

Erindi ekki sent áfram fyrir mistök

Utanríkisráðuneytið segir að mistök hafi valdið því að erindi rússneska sendiherrans, varðandi þyrlur fyrir Landhelgisgæsluna, hafi ekki verið formlega afgreitt.

Berjast gegn kvikasilfursmengun

Það var ákveðið á fundi umhverfisráðherra Norðurlandanna sem fram fór á Svalbarða þann 21. ágúst að stuðla að efldri baráttu gegn mengun af völdum kvikasilfurs og þrávirkra lífrænna efna. Norðurlöndin munu beita sér fyrir gerð alþjóðasáttmála gegn kvikasilfursmengun, sem fer vaxandi víða, þar á meðal á Norðurlöndum.

Enn díselolía á bílnum

Áheitahringferð til styktar samtökum krabbameinssjúkra barna lauk um klukkan eitt í dag. Tæpir fjórtánhundruð kílómetrar eru að baki og enn var nokkuð eftir að díselolíu þegar bíllinn lauk hringferðinni um landið.

Vill styrkja stöðu háskólanna

Menntamálaráðherra er ánægður með niðurstöður nýrrar skýrslu OECD um stöðu háskóla á Íslandi. Hún vill styrkja stöðu háskólanna og auka gæði þess náms sem þar er í boði.

Nýr upplýsingavefur um háskólanám

Framhald. is, nýr upplýsingavefur um framhalds- og háskólanám var opnaður dag. Fjórir nemar við Verslunarskóla Íslands eiga veg og vanda að heimasíðunni.

Náði mynd af slysinu á farsíma

Rannsóknarmenn hafa fundið svarta kassa sem voru í rússnesku farþegaflugvélinni sem hrapaði í Úkraínu í gær. Hundrað og sextíu farþegar og tíu manna áhöfn fórust með vélinni. AP-fréttastofunni hefur borist upptaka af slysinu sem vitni tók á farsíma sinn. Þar má sjá hvar vélin hrapar og mikill reykur stígur upp frá slysstaðnum.

Aldrei meiri eftirspurn eftir stúdentaíbúðum

Aldrei hafa fleiri verið á biðlista fyrir húsnæði á stúdentagörðum Háskóla Íslands og ástandið á almennum leigumarkaði er síst skárra. Sigurður Örn Hilmarsson, formaður stúdentaráðs, segir einungis standa á lóðaúthlutun til þess að byggja megi fleiri stúdentaíbúðir.

Styrktarsjóður vegna umferðarslyss í Sandgerði

Stofnaður hefur verið sérstakur söfnunarsjóður til styrktar ekkju Jóhanns Fannars Ingibjörnssonar sem lést í umferðarslysi á Garðskagavegi norðan við Sandgerði þann 16. ágúst síðastliðinn.

Vill rifta Eignarhaldsfélagi Vestmannaeyja

Bæjarráð Vestmannaeyjabæjar samþykkti í fyrradag að bærinn myndi beita sér fyrir því að Eignarhaldsfélagi Vestmannaeyja yrði rift. Um það bil 10 milljónir eru eftir af 230 milljóna króna hlutafé félagsins þegar allt stóð í blóma.

Íslenskur ríkisborgari sagður með falsað vegabréf í Tel Aviv

Íslenskur ríkisborgari af palestínskum ættum er í haldi lögreglu á flugvellinum í Tel Aviv í Ísrael sakaður um að hafa ferðast á fölsuðu vegabréfi. Ættingjar mannsins hér heima og í Ísrael reyna hvað þeir geta til að koma í veg fyrir að honum verði vísað frá Ísrael.

Sekt fyrir að keyra of hægt

Lögreglan í Reykjavík stöðvaði í gær ökumann á Vesturlandsvegi en sá var með hjólhýsi í eftirdragi. Viðkomandi ók töluvert undir 50 km hraða og á eftir honum myndaðist löng röð bíla. Við þetta skapaðist hættuástand að mati lögreglunnar. Aksturslag sem þetta getur kostað viðkomandi ökumann tíu þúsund krónur í sekt og tvo punkta í ökuferilsskrá.

Áheitahringferð gengur vel

Áheitahringferð til styrktar Samtökum krabbameinssjúkra barna gengur eins og í sögu. Tæplega einn fjórði er eftir af tanknum en takmarkið er að fara hringinn í kringum landið á einum tanki. Búist er við að ferðalangarnir ljúki ferðinni klukkan tvö í dag ef allt gengur að óskum.

Prófar hljóðbombur til að vara við Kötlugosi

Almannavarnadeild ríkislögreglustjóra hyggst í dag prófa hljóðbombur á svæðinu frá Þórsmörk að Hrafntinnuskeri en í athugun er að nota hljóðbombur til að vara við Kötlugosi ef til þess kemur. Hljóðbomburnar eru svipaðar að gerð og neyðarflugeldar en bjarmi kemur ekki af þeim aðeins hávær hvellur. Samskonar hljóðbombur hafa verið notaðar til að kalla út björgunarlið í bæjum og þorpum á Bretlandi með góðum árangri.

Brýnt að aðildarríki SÞ leggi til friðargæslu

Terje Roed-Larson, sendierindreki Sameinuðu þjóðanna, varar við því að friðurinn milli Ísraels og Líbanons verði afar brothættur næstu tvo til þrjá mánuðina. Hann segir afar brýnt að aðildarríki Sameinuðu þjóðanna taki sig saman í andlitinu og leggi til friðargæsluliðsins sem erfiðlega hefur gengið að manna.

Tekin ákvörðun um byggingu sundlaugar í haust

Í haust verður tekin ákvörðun um byggingu nýrrar sundlaugar og íþróttamiðstöðvar á Ísafirði. Fréttavefur Bæjarins besta greinir frá því að Halldór Halldórsson bæjarstjóri og fulltrúi einkaaðilans, sem kemur að byggingunni, muni hittast á næstu dögum til að fara yfir stöðu mála. Ýmsar útfærslur eru á rekstarsamningi milli opinberra aðila og einkafyrirtækja en enn á eftir að taka ákvörðun um hvernig rekstri verður háttað. Sundlaugin á Ísafirði er komin til ára sinna en hún var tekin í notkun árið 1945 og er hún innanhús.

Íslendingur í haldi ísraelsku lögreglunnar á Tel Aviv flugvelli

Íslenskur ríkisborgari, Abraham Shwaíkí, er nú í haldi lögreglunnar á Tel Aviv flugvelli vegna athugasemda við vegabréf hans en maðurinn er af palestínsku bergi brotinn. Meðal athugasemda ísraelsku lögreglunnar er að nafn Abrahams sé skrifað á íslenska mátann með a-hljóði en ekki Ibrahim eins og nafnið hljómar á arabísku.

Walesa segir skilið við Samstöðu

Lech Walesa, fyrrverandi forseti Póllands, hefur sagt skilið við verkalýðsfélagið Samstöðu sem hann átti þátt í að stofna á tímum kommúnismans í heimalandi sínu á níunda áratug síðustu aldar.

Vísundar valda ringulreið

Loka þurfti hraðbraut í Montgomery sýslu í Bandaríkjunum í fyrradag vegna töluverðar umferðar vísunda. Þeir sluppu úr af lokuðu svæði snemma morguns og lögðu leið sína yfir nærliggjandi vegi og hraðbrautir.

Sælgætisneysla hefur aukist

Ávaxtaneysla Íslendinga hefur aukist verulega síðustu tvö ár eða um 13,2 kg á hvern íbúa. Þetta kemur fram í tölum um fæðuframboð á Íslandi árin 2004 og 2005.

Um 600 tilkynningar á ári um brot gegn börnum

Um 600 tilkynningar um brot gegn börnum berast á ári hverju til neyðarlínunnar 112. Í langflestum málanna er um vanrækslu barna að ræða, áhættuhegðun eða ofbeldisverk gagnvart þeim. Starfsmenn hennar kalla til lögreglu í einu til tveimur tilvikum af tíu.

Brottvísun erlendra kvenna gagnrýnd

Samtök kvenna af erlendum uppruna gagnrýna harkalega stjórnsýslu og segja að brottvísanir fráskildra kvenna af erlendum uppruna auðveldi íslenskum eiginmönnum að kúga erlendar konur sínar til hlýðni.

Ónægar upplýsingar kjarninn í gagnrýni

Pálmi Jóhannesson, einn hönnuða Kárahnjúkavirkjunar, segir gagnrýni á virkjanaframkvæmdirnar stafa öðru fremur af ónægum upplýsingum. Landsvirkjun hélt kynningarfund með sérfræðingum og hönnuðum virkjunarinnar í gær.

Upplausn ríkir víða í Mexíkó

Niðurstöður kosninga eru virtar að vettugi, jafnt af hægri- sem vinstrimönnum. Kjarabarátta barnakennara breytist í vopnaða uppreisn og setur borgaralegt samfélag á annan endann.

Nýr framkvæmdarstjóri

Einar Sigurðsson verður ráðinn framkvæmdarstjóri Árvakurs, útgáfufélags Morgunblaðsins, á stjórnarfundi félagsins á morgun samkvæmt fréttastofu RÚV. Hallgrímur Geirsson, núverandi framkvæmdarstjóri útgáfufélagsins, lætur að sögn af störfum að eigin ósk.

Vinnuhestar eru betri námsmenn

Þeir framhaldsskólanemar sem vinna með náminu skila betri námsárangri en þeir sem vinna ekki, klára fleiri einingar og falla síður, þrátt fyrir að þeir hafi minni tengsl við skóla og félagslíf, nýti minni tíma í heimanám, séu meira fjarverandi úr skólanum og finnist hann leiðinlegri.

Alþýðusambandið hugleiðir evrulaun

Gylfi Arnbjörnsson, framkvæmdastjóri Alþýðusambandsins, segir að innan þess hafi verið hreyft við hugmyndum um að laun mætti greiða að hluta í evrum. Kostir og gallar krónunnar verða ræddir á ársfundi ASÍ í október.

Samsæri um morð og hryðjuverk

Ellefu menn, sem ákærðir eru fyrir aðild að samsæri um að sprengja í loft upp farþegaþotur á leið milli Bretlands og Bandaríkjanna, voru leiddir fyrir dómara í Lundúnum í gær. Átta sakborningar, sem sæta ákæru fyrir að leggja á ráðin um morð og hryðjuverk, voru úrskurðaðir í gæsluvarðhald fram í september. Hinir þrír sem sæta minna alvarlegum ákærum, verða einnig áfram í haldi.

Ekki endurákært vegna fyrsta liðsins

Sigurður Tómas Magnússon saksóknari segir niðurstöðuna ekki hafa áhrif á rannsókn eða saksókn vegna annarra brota. Kjarninn úr Baugsmálinu úr sögunni segir Gestur Jónsson lögmaður Jóns Ásgeirs Jóhannessonar.

Glíma um fé til EFTA

Svisslendingar vilja lækka framlag sitt til EFTA. Með því skora þeir á Íslendinga og Norðmenn í glímu um fjárframlög og staðsetningu höfuðstöðva samtakanna.

Árásarmenn voru dulbúnir

Árásarmennirnir sem réðust á Xu-Ting fa, kínverskan verkamann á fimmtugsaldri, í svefnskála við Kárahnjúka, voru dulbúnir að sögn fórnarlambsins. Maðurinn hefur því ekki getað gefið lögreglu upplýsingar um hverjir árásarmennirnir voru.

Rúm milljón úr vasa lögreglu

Reykjavíkurborg greiðir engan löggæslukostnað vegna Menningarnætur. Geir Jón Þórisson yfirlögregluþjónn segir kostnað lögreglunnar í Reykjavík vegna hátíðahaldanna á Menningarnótt vera um eina og hálfa milljón. Hátíðin fellur ekki undir reglugerð um skemmtanahald meðal annars vegna þess að enginn aðgangseyrir er rukkaður.

Sjá næstu 50 fréttir

Mest lesið