Þurfti eitt stig til að vinna en snéri sig

Maja Chwalinska komst óvænt í úrslit Opna franska risamótsins í tennis þar sem hún tapaði fyrir Mirru Andreva í úrslitum. Fyrir mótið hafði hún aldrei komist lengra en í aðra umferð á risamóti.

Hún hafði ekki spilað leik síðan hún spilaði úrslitaleikinn á Opna franska mótinu en vegna góðs gengis síns þar fékk hún leyfi til að spila á Wimbledon-risamótinu sem hófst í gær. Þar spilaði hún gegn Mananchaya Sawangkaew frá Taílandi í fyrstu umferð.

Chwalinska var betri leikmaðurinn á vellinum og virtist vera að fara að vinna hann örugglega. Hún vann fyrsta settið 6-2 og leiddi 5-2 í öðru setti þar sem hún þurfti aðeins eitt stig í viðbót til að vinna leikinn.

Þá lenti Chwalinska í óhappi og meiddi sig í ökklanum. Hún hélt áfram að spila en gat ekki hreyft sig jafn mikið á vellinum. Swangkaew nýtti sér það og náði að koma til baka og endaði á að vinna leikinn. Þetta var svekkjandi niðurstaða fyrir Chwalinska sem náði ekki að halda áfram góðu gengi á risamótum.